見呢個禮拜敍利亞又上返國際新聞既頭版. 就想打返篇遊記.
因為網上無論係大陸香港定外國.
都好少敍利亞比較近期既旅遊資訊.
所以開個po分享下. 幫下有諗住去既巴絲打.
順便振興下敍利亞旅遊業.
*去敍利亞旅行唔係100%安全，小弟冇穿冇爛返黎唔等於個個都係. 去之前請考慮清楚自己嘅適應同應變能力. 記住唔洗買旅遊保險
**去敍利亞旅行係冇任何嘢玩. 請唔好有任何幻想.
***畀大家參考. 小弟係中東去過約旦. 以色列. 土耳其. 伊朗. 埃及. 黎巴嫩.
絕對唔建議未去過中東嘅. 第一次就去敍利亞.
旅行難度黎講同伊朗比較接近. 網上比較少旅遊資訊.
請自己衡量風險.
內戰後去敍利亞一般都係跟團. 全程有導遊跟住你.
確保你唔會去左d唔應該去嘅地方
優點係唔洗擔心住宿行程溝通. 幫你搞埋簽證入境.
缺點係貴. 1個人$1400/7d6n. 兩個人會平d.
同埋唔可以自己周圍行.
想跟團搵旅行社嘅朋友仔都可以問我. 利申中非打
敍利亞局勢
如果你想去敍利亞. 去之前麻煩了解一下當地局勢同政治.
同埋唔同勢力之間嘅關係同情況. 會減少你嘅麻煩.
敍利亞境內一共有4個主要勢力
1)敍利亞政府軍 - 俄羅斯支持
控制大部分大城市 >> 可以去到嘅地方
2) 敍利亞反對派 - 土耳其支持
控制西北部接壤土耳其領土. 大城市Idlib.
3) 敍利亞庫爾德勢力 Rojava - 美國支持
控制東北部接壤伊拉克庫爾德自治區領土. 大城市Raqqah
4) 伊斯蘭國
基本上冇領土可言. 被滅國後支持者散晒去西南部荒漠同小村落
敍利亞政治形勢極為複雜. 簡單黎講就係唔同大國係敍利亞入面扶植自己勢力. 去搵著數.
基本上冇永遠嘅敵人. 又冇永遠嘅朋友.
唔同勢力會合作同制衡. 其實好難有結束內戰嘅一日.
有興趣可以自己google睇多少少.
最近嘅局勢簡介. 中文版
https://www.ptt.cc/bbs/Gossiping/M.1570958181.A.116.html
行程&開支(USD)
全程9日.
路線圖
Damascus > Homs > Aleppo > Homs > Tartus > 2條村莊
唔計機票+簽證洗左$550.
佔大部分係住宿同入境稅.
住宿一般分3級.
招待所 - ~$25/晚
去過伊朗嘅應該知邊種. 唔係人人接受到. 有冇Wifi就睇你好唔好彩
3-4星酒店 - $35-45/晚
正常水平
5星 - $100/晚
計返物價黎講. 敍利亞嘅住宿係超貴
食野同交通基本上好平.
入境Beirut>Damascus $25 Shared taxi
出境由Homs>Beirut $25+25
簽證
多數有興趣去嘅巴絲會關心嘅野.
2千人仔. 淘寶evisa. 唔係間間會做香港護照.
所以需要contact嘅朋友. 可以留個tg搵我私底下畀你.
大約7日出簽. 會send個pdf比你.
自己print出黎再拎去關口. 仲要比多$75 Entry tax.
加加埋埋都唔少野.
好彩我走嗰時行嘅關口冇外國人行. 收左我local價嘅exit tax=hkd 25.
聽聞正常係要再收$75.
普通消費
一般坐低餐廳食飯~$4-5. 對當地人黎講算貴
Shawerma 烤肉卷 - $1 抵屌fast food
汽水=HKD2.5
的士(市內) ~$2-5不等. 廢事煩一般都唔講價. 肯定比當地人搭貴
大巴/4hrs ~$4-5 好平. 架車質素一般.
小巴/1.5hr =$1.5 平. 當地人交通工具. 30年歷史嘅hiace
電話卡6gb ~$10. 算唔錯. 仲有4g. 但外國人只可以去特定門市整.
下面多圖
