咩係踢保
如果你被捕,警方有權拘留你最多48小時,警方需搜集足夠證據,才能帶疑犯上法庭,
如果警方在48小時內搜集不到足夠證據,警方需讓被補者保釋,或48小時坐爆
保釋後需踢保
保釋後一個月或兩個星期,你需要返警局延續擔保,但你唔好咁做,你需要踢保,
到警局後,你需要同警察講:『我攞住擔保紙翻嚟,我唔再擔保,麻煩你幫我取消擔保,俾翻個保釋金我。』
若警察游說你續保,你要堅持同佢講取消擔保,如果你有證據,就帶我上法庭啦。
點解要踢保
因為警察太忙,佢哋CID拉你翻去,冇足夠證據告你,就算上到法庭,法官會話根本冇足夠證據。
注意事項
警察會兇你:『如果你下個月不回來續保,我會當你棄保,會出通緝令通緝你!』
當佢咁講,你可以答:『我唔會一個月後唔返嚟,我今日解決今日嘅事,今日就返嚟,所以我冇棄保潛逃,我返嚟係踢保,如果你一個月後夠證據,就拉我上法庭啦。同埋我踢咗保,你隨時都可以拉我上法庭啦,係咪先。』
咁警察拉咗你,gear可唔可以攞返?係唔得嘅。電話呢? 要等佢搜集完證據先有機會攞返。
警察拉你嘅時侯,會問你俾唔俾佢上你屋企搜屋,你一定要話唔俾,因為如果你俾佢去搜,佢就連問法庭攞搜查令都不需要,同埋佢搜屋,一定要你同佢一齊先搜到。
你可以打去呢個電話問更詳細嘅踢保過程。
63964111
63964111
63964111
以上我係聽快必講,完整片段可以上翻佢個fb page 聽翻。
https://www.facebook.com/peoplespower/videos/411568722874643/UzpfSTEwMDAwODQxMjg4OTA1OTpWSzoyMzUxNDYzODQ4NDM3MDYz/?fref=nf