貼多次
樓主的passive-agressive樂評: sora tob sakana
日本嘅數學搖滾樂隊(邊個叫math rock做數字搖滾我同佢反面)出眾及多得能夠自己形成一派。當宇宙コンビニ解散後,這個派別似乎缺少一個可以走向主流而不乏藝術性嘅組合。sora tob sakana嘅出現正好填補呢個空缺。
其實地下偶像嘅音樂點解咁特別咁有indie味,係因為背後有班地下嘅音樂人支撐,佢哋透過地下偶像借屍還魂,搵到食之餘又可以繼續做小眾音樂。
sora tob sakana 嘅producer係ハイスイノナサ同school food punishment嘅前成員照井順政同蓮尾理之,做出來嘅風格當然有兩者嘅味道:"広告の街"直情好似係由ハイスイノナサ嘅歌入面cip出嚟然後填詞;"summer plan"同你期望係SFP ablum入面聽到嘅歌有九成相似。
(以上係讚嘆而非嘲諷)
sora tob sakana嘅製作,無論係樂器或後製編排上都極其成熟,同時唔需要現場演奏嘅負擔亦都令創作人放心寫riff。然而更重要一點係,佢唔會好似一啲濫竽充數嘅math rock樂隊亂填啲riff就話係一首歌。每一首歌你係可以聽得出佢個主軸,感情,而唔係話轉riff就轉riff,話轉time就轉time。當中"夏の扉"可能係"おやすみ”之後最有感染力嘅歌。(如果你唔計te'個種單純情感宣洩嘅話。。。)
當然sora tob唔係無缺點。成員幼嫩嘅聲音有時未必表達到歌曲嘅情感,但係啲riff某程度嚟講已經夠做;況且呢種vocal可能更受歡迎,或者有新鮮感。
你啱唔啱聽:如果你有聽開日本math rock,尤其係the cabs ハイスイノナサ tricot 宇宙コンビニ個類,咁sora tob應該都會啱你。