早前重投標準流浪的喀麥隆裔中堅基藍馬,周一(23日)出席球會操練後交代當初的加盟原由。另外,行政總裁李輝立(Philip)披露,球隊正物色新外援,以取代近期表現欠佳的外援前鋒。
非裔港將基藍馬認為重投流浪有如「回家」的感覺:「2007年我嚟香港第一間加盟嘅球會就係流浪,所以感覺好似返屋企咁。我知呢幾年我唔係太多出場機會,但我返嚟就係想畀人睇到,我仲係當年未外流嗰個基藍馬,我相信呢個會係一個好好嘅決定。」「Kiki」之前曾效力中超球隊天津權健,如今回流香港,他所賺取的薪金理應「大跌價」,但基藍馬坦言回歸流浪絕對不為錢
:「雖然我喺中國嘅球會賺到好多錢,但正係因為香港我先有機會上到去,今次返嚟流浪絕對唔係為咗錢。
只係因為我仲鍾意足球,想繼續踢波,依家只係想回報母會同香港足球。」
另外,基藍馬表示季初曾跟隨上屆效力的球會和富大埔操練,但跟操2星期後與球會仍未能達成共識,最終不歡而散。如今能重投標準流浪,他直言只想向前看,希望在周二(24日)菁英盃和未來賽事中證明給別人看,他還是有本事的。