想問吓樓主最後成功追到玄燊回水？有咩方法？我俾錢等咗2-3星期終於收到，份命書似電腦app免費排出嚟都算，但係內容上得性格3成中，其餘講父母各樣7成都唔中；最弊我係自己開公司，佢份盤不停講我打工打工，咁真係唔o岩用，whats app問佢，佢 (應該唔係佢本人) 就9答：「批算只係批出最大可能之事，命是先天的，你可以後天選擇而改變。」一句就K.O.咗，之後我再send msg俾佢，連睇都唔睇(一個剔)，又唔覆；佢之前話可以售後追問...如果係咁我洗鬼俾$1500睇佢，電腦排盤，冇任何售後可問問題嘅機會
就算唔係睇相，作為一個做生意嘅人，咁樣做生意咁唔老實，啖氣真係吞唔落。樓主可私信我，一齊諗方法！！其實係咪可以去消委會投訴佢？