（清澀 校園）「想和你再說一次我喜歡你」

文呢

冇時間打

今晚打番

經過一段時間，冷冰冰文字的對話後。
我問左穎琳拎電話。

「係呢，你係咩碼阿？」我問
「下，你講咩阿？」
「我問你電話號碼係咩阿，你諗乜野阿？」
「我咪話電話號碼囉 係你諗歪野咋。」

之後她毫不猶豫地給了我她的電話。

而我亦都開始明白，點解呢個女仔會比人話難追。
正當我以為我得到穎琳電話，
我地既關係會近進一步，
但原來呢個諗法都係十分之虛無飄渺。
每次我想約穎琳出街既時候，
穎琳都會以各種藉口去拒絕我。

「你星期五得唔得閒阿。」
「我放學要打波。」
「唔得，要補習。」

等等的藉口，
「可能穎琳真係好忙呢。」
我當時同自己講。
不停欺騙自己，對方好忙，唔關自己事，
都可以話係我追女既心態。

相信大家係經過咁多次既拒絕，
都開始會放棄，
而我亦都開始放低左追佢呢個心態，
我當佢就只不過係一個比較友好，日日都傾計既女性朋友。
僅此而已。

但事情既轉捩點就係幾個星期之後，
我既生日發生左。

當時係我十七歲既生日

生日前幾日既上課天

子軒走黎同我講
「喂，聽講你同穎琳日傾夜傾喎。」
「下，邊有阿，我都唔識佢。」

當時，我地朋友間的感情
尤其是識到新女都唔會話比大家知。
因為我地學校曾經有一個靚女派左三頂帽
比三個男仔。

「仲扮野，詠恩咩都同我講曬喇。」
詠恩係穎琳既好姊妹，
而子軒同詠恩亦係又小學就識既朋友。

「呃咪又係溝唔到，都唔知食左幾多粒檸檬。」
「下，但人地因爲你比人收左部手機喎。」
「屌阿，又關我事？」
「咪就係你條死仔上堂唔知同人講咩，穎琳上堂笑得太大聲，咪比人捉囉。」
「死仔，勁喎搞到穎琳咁開心。」
「傻啦關我鬼事咩？佢咁多人追。」
「收皮啦！」

說實在，因為穎琳既性格問題。
佢本身就好少人追。
所以我都幾肯定嗰個係我。
正因如此，我心底下做左之決定

約多穎琳最後一次。

星期五就打多篇

今日夜d 出

文呢

冇文

打緊 好快

當晚。
「你知唔知大後日係咩日子阿？」我問
「星期六囉...有咩特別日子？」
「嗰日我生日阿，咁都唔記得。」
「車～你邊個阿？一定要記得你生日架？」
「唉唔得阿你個日要陪我出街阿。」
「哦～考慮下啦！嘻嘻。」

穎琳好像沒有回絕我，
直接說不，
那我是不是約到她了？
但她又好像沒有答應我。

就這樣到了我生日前一天，
我再問了一次。
「穎琳姐姐，你會唔會又請我食檸檬架？」
「你唔食檸檬食咩 ？」

我望住呢句說話，
心諗真係可以收皮了。
但係你要知道，

女人真係好撚古惑！

「不過，生日都要食檸檬就好慘既，
就陪下你啦。」

她下一句這樣說。

這句如天上餡餅，
幸福來得多麼的突然。
真的不能不慨嘆女人的心思，
如穎琳這種天真的女孩，
居然也有這種古惑。

而這就是念念不忘，必有迴響嗎？

出左喇

等左好耐

樓豬唔係諗住咁就完掛

今日出左去 好快有

「你聽日想去邊阿？」
「去睇戲囉 好冇阿？」
「你生日你話事啦！」
「咁去睇蟻俠好冇阿？」
「但係我唔識架喎 得唔得架？」
「我識咪得囉！」
「哦 咁好啦。」

當時我並不知道，穎琳是十分害怕昆蟲的
若果我當時知道，我是決不會去看蟻俠的
縱使我有多愛Marvel。

就這樣，
我約左穎琳係旺角地鐵站等。
當然遲到的壞習慣在這次約會上，
我也沒有改掉。

當我氣吁吁跑到旺角地鐵站，
離遠已經見到一個女仔
着住黑色衫，灰色裙，揹住個布袋。
企係西樹泡芙對面個幅牆下面。

她就是穎琳，
我到現在依然念念不忘的女孩。

「對唔住阿，地鐵塞車阿，所以遲左。」
我走到穎琳面前跟她說了這句。

她猛烈抬頭，
神色帶點驚嚇，
顯然比我這突如其來的一句嚇到了。

這時我第一次近距離面對著穎琳。
她個子不高，只有160左右
當然我也不高...只有173
我和她應該大約相差一個頭吧...

她今天沒有扎馬尾，
一把長髮披肩，
一雙黑色大眼晴，
配著圓圓的臉，
還帶點驚訝的神色，
愈看愈覺得可愛。

她回過神來，說了一句。
「第一次約人就遲到，下次唔同你出架喇！哼！」
「穎琳姐姐唔好嬲，去睇戲啦！嘻嘻」
「行啦，開場喇！」

夜d 可能仲有

夜啦 文呢

「7號院，直上8樓。」
戲院哥哥禮貌地說。

「唔該。」穎琳道謝一聲。

這次我們沒有買住何零食，
因為穎琳說她怕肥。

係上緊去戲院既時候，
穎琳再一次跟我說了
「我真係唔識架喎。」
「唔緊要喎，我識阿嗎。」

說着說着
就入到戲院坐低了。

電影放映中，
穎琳雖然口裹說了不懂，
但她卻沒有像Katy般，
一直問問題，
反之有點安靜，
和我想像中的有點出入，
我發現了這個女孩在現實中另外一面，
而且我看得出來，
她有點害怕 和靦腆。

和katy那種活潑好動既性格相比，
穎琳就顯得恬靜多了。

而就在這時候我亦發現穎琳是很害怕昆蟲的。
在我看得正爽，蟻俠騎着一窩蜂的螞蟻。
穎琳突發捉住我隻手說

「好多螞蟻，好嘔心阿，仲要咁大隻！」
之後個頭仲檸埋一邊，
差點兒，就搭上我膊頭了。

我比穎琳這突如其來的舉動嚇了一跳，
急忙安慰道

「假架，邊有咁大隻螞蟻架。」
「我夠知洛，佢嘔心咋嗎，你當我低能架？」

想不到吧
我也想不到安慰的說話，
最後換來給穎琳反串一句。
我頓時變得不知所措，
最後都沒有出聲了，
直至套戲完結。

每當有螞蟻出現既時候，
穎琳都會捉住我，
而我個心就隨著穎琳每一次的捉動，
也不覺間緊張起來。

這場戲雖然和Katy那一場比起來
少了一份樂趣，
但卻有一份別樣的溫馨。

相比Katy
我始終更喜歡和穎琳看戲。

出鳥 出鳥

唔夠喉

出得一篇聽日出夠3篇先收貨