（清澀 校園）「想和你再說一次我喜歡你」

「b, 整左碗腸蛋麵比你食阿，快啲起身啦。」
穎琳一邊拉著我，
一邊說到。

「我唔肚餓阿，想訓覺多啲。」

「你叫人上黎，自己又係到訓覺！」
「唔理阿，你點都要食左佢！」

「好啦好啦」

我睜開眼，
看見了那碗「腸蛋麵」。

「哇乜我屋企有炭架咩？」

「咁先脆阿嗎」
「同埋你冇聽過內在美先係最緊要架咩，嘻嘻。」

我夾起那一條香腸，
咬了一口，
叫了一聲。

「好脆阿！」

當然因為這是穎琳第一次煮飯給我，
所以不論這條腸是好吃還是不好吃，
我也會吹捧穎琳的。

我很快就吃完整碗麵了。

「真係好好食阿！」

「乜係咩，唔好食可以講架喎。」
「我唔會嬲架喎！」

「唔可以講難食。」
「不過有啲位可以改善下囉。」

「改咩？」

「個麵唔好煮咁耐，條腸唔好煎到炭咁，隻蛋煎好啲。」

「下咁咪即係唔好食囉？！」
「我叫你講，你又真係講架喎！」

「你叫我講架喎，又話唔嬲⋯⋯」

「我唔理阿，你衣家要煮個好食既比我阿。」
「唔係就罰你今日全日都要扮比卡超同我講野！」

「咁好簡單姐！」

這對於我這個長期自己一個煮飯的人來說，
就好像叫食神來炒黯然銷魂飯般，
那麼拿手。

很快一碗熱騰騰的腸蛋麵就出現在面前。

「睇下係咪真係咁好食！？」
穎琳拿起筷子，
一副慾慾想試的樣子。

「又真係幾好食喎！」
一副很滿足的笑容。

「咁係咪唔洗扮比卡超喇？」

「嗯...好啦算你啦！」

「咁係咪好食過你個個好多先？」

「還好！」

「咁都還好？！」
「但你笑到見牙唔見眼咁喎。」

「邊到有笑到咁喎！」

但面前的這碗顯然不是那碗完美的，
也不是那像炭般的。

但這都不重要了，
現在的我只想再嚐那一口像炭般的，那怕只有一口。