（清澀 校園）「想和你再說一次我喜歡你」

大家好阿，唔知大家係中學有冇遇到一個你到依家仲好掛住 或者 仲中意既女仔呢 又或者學生時期個種純真既愛情 依然令你念念不忘？ 呢個故仔都係講下學生既愛情。
小弟第一次寫故 希望可以令你地重拾當時既心情 同埋香港人呢排都攰喇 希望可以幫你地放鬆一下啦

第一章：想念

我以為隨著時間既流逝，你會慢慢消失，
我會慢慢忘記你，我亦都以為我已經忘記左你，但原來所謂忘記就是等着時間流逝慢慢習慣想念。
半年了，我們畢業已經半年了，亦意味我地分左手已經半年了。
很慶幸，我們都能升上大學，記得我們還未成為戀人前，
你跟我說「我想快D讀大學。」
「點解阿？」我問
她俏皮的對我說「因為我想快D識個男朋友」
當時的我不以為然，
但現在你讀大學了，
你有男朋友了嗎？當然現在的我不想你找到，
因為我想再做一次你既男朋友。
半年來，你既身影係我心中慢慢咁淡化。
但沒有徹底忘記。
而因為一個女仔令你既身影係我心到再一次浮現出黎，
令我想同你講一聲對不起，再一次講我仲好鐘意你
我好掛住你。

加速

多謝🙏🏻 第一次寫故 有咩錯處或者點樣寫得更好 。請多多指教

標題 青澀

第二章：浮現

相信每個人都會對大學出聯想。
男既會想識到女仔，女會想識男仔,可以出pool。
我亦都抱住呢個心態，係同前任分手後，冇去認識其他女仔。

係註冊當日，林林種種既學會都會對你作出Ocamp
既邀請。
「同學，想唔想去O camp阿？」
「同學，你報左O camp未阿？」
「同學，有冇興趣想挽下阿？」...
如是者，眾星拱月下我選擇了其中一個。
比較多靚女的，哈哈。

說實在的，係去O camp前一晚
我有少量既興奮，有D訓唔著
估唔到呢個 小學去旅行前一晚會訓唔著既情況
又再一次出現係個大學生身上。

當日，早上起來刷個牙就出門口了。
一推門，入到個Hall 到
個氣氛好熱鬧 ，各種五顏六色既人都坐晒係到。
係到互相認識緊。
而係我啱啱坐低係自己個組既時候
有一男一女已經走來。
「喂！早晨阿 歡迎黎到我地既O camp 阿 我係你既組爸，我叫阿峰阿，你叫咩名阿？」
「哦，我叫陳仲洐 ，你叫我Don得喇。」
「hello ,我係你既組媽 Kathy 阿！」
「hello」我淡淡咁回應佢一句。
之後佢地比左件衫我，就走了。
我好快換完衫，就番去坐低。

我人本身比較慢熱，所以融入一個新既團體前
我會比較內斂。
而呢個時候一個熱情既肥仔就打開左呢個話匣子。
我個組有4個男仔 6個女仔
男既普普通通，女既有一個個樣比較出眾
「我叫Ben 阿 你地呢？」果然肥仔通常都叫Ben
「我叫yuki 」一個肥婆即刻應左阿Ben
「我叫Don 阿」
.
.
.
到最後比較靚個個女仔
「我叫Katy 」
Katy都可以叫做一個靚女，啡色長髮披肩
眼大大，個樣有d 高冷，但都係靚女黎。

而佢就係個個令我心底裹頭既身影
再一次慢慢凝實既罪魁禍首。

係我同穎琳分手後既不快再加上Dse 既壓力，
我點燃了人生第一枝香煙。
選擇左用呢種方法去排解我既心情
所以話冇食過既，就唔好試第一枝，因為有第一枝就會有之後 第二 第三枝煙...

當晚
我係宿舍附近一個隱蔽嘅地方到食煙。
我發現有個女仔坐係到
當時我嚇一嚇
心諗「出黎抖過氣姐，唔係咁到出事下話」
我膽粗粗行過去 睇下佢究竟係真人定係鬼。
正當我慢慢行過去既時候，
佢突然間轉身
我嚇到大叫一聲 「哇屌～」
我地倆個同時都講左句「嚇死」
「點解你會喺度」再同時一句
「冇阿 想出黎抖下氣」我說
「哦～我都係阿，入面成班男仔圍住我，好唔舒服」
「正常啦，你咁靚」
「哦 多謝喎」
我對佢報以一個微笑
始終大家都係啱啱先識 冇謂好似好狗公咁啦
就係咁 我同Katy 做左朋友
而之後個幾日O camp 亦因為今晚嘅互動

我地既關係愈來愈好

希望你地 有Feel

經過第一晚月光下的對話
之後2日我同Katy都多左唔少互動 有說有笑。

不覺間，已經到左最後一日
同大家相處呢幾日，說實在有點捨不得了。
定還是只係捨不得Katy ?
一個分左手半年既少年，遇到個靚女，仲要啱傾。
有好感是正常吧。

O camp最後一日，正常都瘋狂咁搵人影相。
係我諗緊仲有邊有未影既時候。
身後傳來一把聲音。
「喂 Don 你仲未同我影相喎」
仲未反應過黎，佢已經叫隔離個肥婆楂機影相
我心諗你掂唔掂架 肥妹
話晒都係我同Katy第一張相。
.
.
.
又影得幾好喎
我望住張合照 出神
「其實佢都真係幾靚女」我心想
「有得同靚女影相 係咪好開心阿？」Katy 說
「呃...咩話？」我訕訕一笑
「乜你咁自戀既」我說
「咁我靚唔靚先？」佢裝作嗔怒對我說
「呃...靚你最靚」我急忙笑著說
她對我微笑一下，就離開了。

就這樣三日兩夜完結了。

過去O camp 已經數天了
每日都過住廢青般的生活
起身 打機 食野 訓覺
日復一日
正當我諗緊今日食野既時候
叮！WTS鈴聲響起了
一個陌生既號碼傳來訊息

「先生，要唔要買份保險阿？」
我心諗咩料阿？
一睇個icon 原來係Katy
咁既然係咁，我就陪你挽下啦
「你賣咩保險架？」
「靚女 你有冇牌架？」
「買完你有咩回報先？」
一連串既問題下
佢明顯招架不住。
覆左一句
「車～都唔好挽既！」

但就呢幾句
看似玩味既說話，卻似曾相識。
「小姐，好冇興趣買份保險？」
「咩保？」
「人壽？」
「幾錢？」
「基於小姐你太靚女既關係貴公司擔心 你外出會有身命危險。」
「因此誠意邀請你買龍貓保險。」
「呢個保驗保咩架？」
「保你變到龍貓咁可愛 但係要變到龍貓咁肥。」
「龍貓邊到得意阿！你又笑我肥！」
「你個黑心保險經紀！」
呢個就係我拎到穎琳電話後
第一段 WTS既對話。

很無聊對吧？
對，是很無聊
但我現在卻想和你再無聊一次
可以嗎？
定還是呢段對話，已經由另外一個人
對你說？

加油

「車～都唔好挽既」Katy傳來一條訊息。
「想同我挽，你太年輕喇！」
「你搵我做咩阿？」我問
「冇阿，想搵你傾下計，唔得咩？」
「求之不得添啦，點會唔得。」
「咁識講野，唔得架喎。」

由個日開始，我就開始日日同Katy 傾計，冇間斷過。
Katy應該係穎琳之後第二個我地日日都有傾計既女仔。
就係咁，我地關係愈黎愈好，基本上咩都會同大家講。
「今日上堂好悶阿...」
「後面個班八婆，日日上堂都傾計，嘈住晒。」
「同你講個笑話阿。」
.
.
.
呢種關係持續左一段時間（我都唔知係咩關係）
但開始我亦都會將穎琳同Katy 去做比較。
我都唔知點解會有呢種想法
可能因為穎琳係第一個我真心中意過既女仔吧
又或者係我犯賤吧
愈失去左 愈想接近番。

加油 留名

多謝

Lm

新讀者留名

lm

謝謝你

謝謝你

「喂，下星期六得唔得閒阿？」
我傳了一句訊息給Katy。

「做咩阿？想date我阿？」
「係阿，想date你阿，想約你睇戲阿。」
「ok ar 睇咩阿？」
「我想睇豬豬俠阿。」
「豬豬俠 ？」
「蜘蛛俠阿 蠢。」
「哦～鬼知咩！」
「點知你咁蠢唔知，下星期六啦就。」
「哦～」

我諗作為一個超級Marvel迷
都想一個女仔陪自己睇Marvel吧
不能否認，係呢個時候我對Katy已經產生好感
甚至喜歡。
但犯賤的我，呢個時候又諗起一個曾經我好想同佢睇曬全部Marvel 戲既女仔。