[中史撚] 有冇歷史撚黎講下文化大革命

不過有些外國人就讚中國人
外國，包括西方世界，多以宗教和神權維護
而中國比較少用神權政治維穩
雖然民國前都成日好多鬼神故事，上香拜神

唔係幾百萬 你太睇少佢 係成千萬

歐美一樣有一堆離地教徒叫人唔捐得血唔打得疫苗

唔捐得血，宗教問題
唔打疫苗，另類/自然醫療

這樣反而係科學民主自由的表現
所以外國原創科技咁發達

女人比人強姦都唔可以墮胎
呢樣建議係基於宗教，慘就慘些，但正是宗教自由的表現。冇人強制你唔俾墮胎。也沒有人迫你信宗教

我唔覺得毛澤東有曾「大權旁落」過，相反佢既影響力「無遠弗屆」，上面有人提到佢發動文革係覺得大權旁落，但事實係當時具體進口幾多小麥都要毛既首肯，而且佢始終掌控兵權。如果毛真係被「削權」，試問點解可以隨便置國家主席（劉少奇）於死地？同埋搞出咁大壇文革紅衛兵鬥爭？甚至我覺得毛死後佢既影響力一樣巨大，不過係改變左表現形式。正如你所講而家文宣都多少引用佢既語錄，以至鄧小平係咪反毛？我唔覺得係，相反毛以後既任何領導人都要爭做毛事業繼承人先會坐穩江山，雖然毛慢慢成為某種象徵或圖騰，而中共亦改變左好多，但正正毛成為圖騰，毛既影子先可以千秋萬世。

其實儒家或者道家或者各種中國傳統學說，假如做到的話，都會解決好多人類根本問題（人際、自然環境等），但先唔講理論變成現實既困難，更在於中國社會既結構問題，就係開啟智慧既人太少，未開化既人太多，雖然全世界都有類似情況，但中國社會數千年自古以來既資源不均財富不均，已經不再係公唔公平既問題，而係歷來既統治者掠奪權力，唔會俾底層既人有任何思想上覺醒的機會，甚至卑微到意識自己係「人」唔只係「動物」都唔會俾。時至今日，雖然大部分人都唔再貧窮飢餓，但大家出街睇下有幾多人會為左「方便」而做uncivilised 行為？係香港有幾多人會為左搭車坐位而鬧交？會為左好雞毛蒜皮芝麻綠豆事而頭痛？當然好多因爲政府制度、社會制度，但華人社會結構就係咁，「勞心者治人，勞力者治於人；治於人者食人，治人者食於人」0.001%的人完全支配剩餘既。

你有冇聽過阿拉巴馬洲條法例？
美國人自己都反
唔好崇歐美崇到柯舊屎都崇

可以司法覆核，又唔係federal law

呢條法案可能違反1st amendment of Constitution

唔係...
響 78 年平反左文革之後，一般史書都係話毛澤東犯錯。

唔同意文革令中國人變得野蠻，翻查下歷史、魯迅講過既野就知道呢個根本自古以來就係食人既民族黎，毛澤東只不過係順勢而行乘機奪權，唔係中國人又自私又蠢佢點會做到皇帝

你的看法不能說錯，確實儒家有封閉建制一面，單談孔子，說禮崩樂壞，要克己復禮，而所謂的禮係周禮，而周禮又係咩？簡單講便是周代禮制法規，其實係比當時更早更閉閉制度。呢點同後來宋儒一樣，認為要有禮規限，社會便會運作正常，所以禮教害人不淺。

然理解學術思想等，要看埋兩方面，體用問題，用往往受後代扭曲，如共產主義，馬克思如果見到中共咁應該會激到死咗，儒學也是一樣，思想上有好多進步的地方，認同人的能力，談意志，不談天命，追求人本心等等時至今日都好適用。

然婚姻之事，看看先秦時期詩經，會知其實都好自由下，去到唐五代十國其實都未咁嚴，一到宋就唉，當然宋儒有其重要性，可以再談談。 不過也要必需留意所有學術思想係流動，往往因時制宜，當時的人有着我們無法理解的環境限制，他們為了解決問題，很多時手法有限。人有constraint 好似經濟學咁講

其實文革搞到咁大獲有好大部份原因都係啲人好多怨氣，雖然好諷刺但係佢哋好憎中共高層搞到咁多政治運動搞到咁多人俾人批鬥餓死，所以當個革命聲稱要打到司令部佢哋就食住個勢反政府
另外係佢哋咁多次運動就係不斷咁你搞我我搞你嘅輪迴，所以好多人都趁呢次機會報仇，捏造證據整死仇家

不能同意更多，真心覺得如果孔子知道董生朱生咁樣改佢啲嘢應該會激到翻生

孔子應會講句 天厭之 天厭之