[中史撚] 有冇歷史撚黎講下文化大革命

記得當年中史堂個呀sir同我地講
就係文化大革命
將中國5000年嘅文化歷史洗清光
原本有禮貌 尊師重道嘅中國人
變成一個野蠻人
失去思考能力
只敢跟主流群眾嘅共識 唔敢反抗
因為一反抗就會比人批鬥

宜家大個再諗返
毛澤東就係呢件事嘅推手
但係佢仍然比中共造神
中國人重係當佢係開國英雄
一個為咗自己私利而搞到死咗幾百萬"同胞"嘅人
都比人當係英雄咁吹奏
真係好恐怖

[連儂文宣] 用CHINAZI喚醒藍絲廢老對共賊既不信任！
https://lih.kg/1567514

依家中共都唔敢提老毛
因為佢地完全係走資派
又驚老毛既革命思維影響到民眾

上位前叫人唔好做奴隸
上位後好想人做奴隸

你想知啲咩先？

好似因為大躍進失左權

其實老毛係一個革命家
但係得到政權之後
佢依然用革命家思維治國
所以一塌糊塗

明朝朱元璋都係一樣
推翻左元朝
但係就搞錦衣衛

其實最想知點解要批鬥
明明尊師重道講咗5000年
點解中國人重可以批鬥自己老師
甚至批鬥埋自己老豆老母
毛澤東到底做咗D咩

今日個班愛國狂的所作所為 有點似文革初期群眾鬥群眾既味道，睇返文革，毛真正重控權力唔係武鬥最激烈的67、68年，而係派出「軍宣隊」69年以後，借一派殺另一派，繼而出動軍隊扮中立，控制局勢，避免任何一派坐大自重。

毛澤東 雖然係仆街
但都要有一班 紅衛兵 陪佢一齊顛先成事

簡單咁講係因為毛澤東想進行階級鬥爭，通過批鬥打倒黑五類。

毛澤東根本就唔相信傳統嘅儒家思想，覺得佢哋係迂腐嘅。

同共產黨講尊師重道，唔係啊話。

啱得一半
要知點解一定要識歷史
簡言之就係當年老毛因為三面紅旗(其中一面就係大躍進)失權
繼位嘅劉少奇完全唔聽佢支笛(見四清)
老毛就借彭懷德嘅一篇文上綱上線
屌啲資本主義思想啊右派啊乜乜柒柒
之後開始出啲階級鬥爭嘅文
上面以歷史角度叫做遠因
而五一六通知代表文革正式開始
有套劇唔記得叫咩名，俾老毛話係為彭懷德平反
結果當然好慘烈
所以就開咗個會批鬥班人同確立文革路線
林彪就大搞對老毛嘅個人崇拜
差唔多時間老毛一篇名為炮打司令部嘅大字報之後就有紅衛兵誕生
革命無罪，造反有理就係呢篇大字報嘅出品
劉少奇鄧小平被批做走資派
由下批上、仔女批老豆老母、平民批官批地主、批右派、批資本主義
當年係號稱無產階級嘅革命
簡言之就係越冇地位嘅人批有地位嘅人
仲用好殘暴嘅方式同公開審判去批鬥班人
之後有破四舊，立四新呢啲自毁文化嘅on9 行為
後來有個叫一月風暴嘅嘢令老毛重新名義上掌權(之前係實際上掌權但冇名份)
之後四人幫搞著周恩來，老毛不滿
而毛語錄就係四人幫補獲所推行嘅嘢
之後支那班友對老毛崇拜更勁，做嘅嘢就更激
甚至去到老毛都唔制唔到嘅地步
就派咗工宣隊去搞返掂班紅衛兵
之後林彪開始確立到接班人地位
當然老毛都有推危害鄰國青年嘅上山下鄉運動啦
然後又批鬥大會，都係上面講過果班人啦，不過今次更激，批到死傷無數
到林彪地位立埋入黨章之後
老毛同林彪關係惡化，林彪仲想篡位
去到呢到，大家都知文革差唔多收皮
冇錯，林彪走佬然後墜機之後開始咗批林批孔運動
而個濕鳩原因係蘇聯寫過一篇孔子都支持民主嘅文，然後老毛老屈篇文係用嚟支持林彪
跟住之後周恩來鄧小平得勢
而華國鋒做咗總理
周恩來死咗之後，班支那人突然間醒覺
四人幫就收撚左皮
老毛死咗之後，四人幫拉撚曬，文革先叫正式落幕

而所以你問點解支那人鍾意批鬥
第一，做壞咗個頭，俾班紅衛兵批自己老豆老母老師種下嘅根
第二，批林批孔搞到好多人都好撚憎儒家思想同唔信孔子果套
第三，破四舊立四新否定咗傳統思想，所以啲人唔會理幾千年以來嘅歷史同文化，又點會同你講尊師重道
第四，根本班支那人都係蠢，文革都可以玩10年，玩撚到冇晒智商，俾老毛點批呢個批果個，批埋自己老豆老母
第五，當時只要係紅衛兵，手執毛語錄就可以橫行天下，批你咪批你，吹咩
第六，在上位嘅人都應該檢討下，點解返在下位嘅人會咁僧你，僧到要篤灰
第七，當時唔批自己老豆老母老師會俾人屌，朋輩壓力都有影響

利申: dse中史5*，求5**/歷史系巴絲指教
Btw，台灣朋友話林彪入咗中華民國忠烈祠，聽講佢寫過信俾蔣介石，有機會係間諜黎

掉轉黎睇 何妖、老黑、警犬係當時都應該比人送去批鬥

幾千萬。

昨日班愛國賊，計返年齡正正係紅衛兵既一代，早就習慣恃權凌勢，享受政權賜與既身分利益，為所欲為，故昨日大肆行兇亦能理解

不過將40年前既事再重演啫

有興趣聽文革時代民間既批見聞既，我略為提下可以，因為祖上正係右派背景而慘被批鬥，需要年年坐監

留明

我有時覺得共產黨大躍進個d係果黎
因為中國人呢5千年既儒家思想文化等等
搞到個個人都冇獨立思維
人地做佢又跟住做，唔會諗咁樣做有冇問題

點解周恩來冇比人批？因為佢係老毛條靚？

係咪因爲老毛同周恩來死左，以前d老野又死晒，得返鄧小平地位最高，所以順利執政？

開頭目的係為左將矛頭指向當時漸掌大權嘅劉少奇 同塑造個人崇拜

師兄記得咁清楚我都5*但係好多details都唔記得

有講法話根本㔁小平係毛澤東欽點 如果唔係點會做左劉少奇條靚咁耐都唔死