A. 坦白從寬，講出事實真相：雖然一開始講大話係唔岩，但係亡羊補籠，未為晚也，相信大家都清楚831事件主要責任不在消防，係絕對唔會為難你地的
B. 繼續否認／同警察及HA繼續夾口供／唔回應市民質疑：作為一間服務香港市民既公營政府部門，失信於香港市民既後果有幾嚴重？等我話俾你知啦，以警務處同港鐵做例子，香港消防處有機會遭受以下對待：
1. 消防局被破壞：就好似各區警署咁，日日被人激光射住你，仲有機會被人塗鴉添
2. 設施被破壞：就好似港鐵入閘機咁，係清晨／夜深既時候俾人無聲無息咁破壞，有苦自己知
3. 老豆搵仔：在職消防員有機會被人「起底」，個人私隱蕩然無存
4. 失去裝備：英國、美國同埋歐盟其他國家已經動議，唔向警察提供佢地出產既裝備。警察就話可以買國產裝備頂住先，但係消防每次出動都係搵命搏的，你真係放心將自己既安全交托係國產裝備上面？
5. 人權法：美國最遲今年年底一定過到人權法，將香港高官同侵害香港人權既人／機構制裁，依家已經有人動議將香港警隊加入清算名單，香港消防處作為香港政府既部門，又係今次831事件中不斷助紂為虐，加埋入制裁清單都係有可能的
6. 社會形象：依家警察「毅進仔」既形象深入民心，港鐵變黨鐵、TVB = CCTVB，都令佢地係香港社會既形象大幅受損。想必被市民當街當巷鬧「你既良心去左邊？」，消防都唔好受的
你可能會話，既然消防幫左警察一個忙，叫返警察幫手應該冇乜問題掛？警察依家都自身難保，佢地有冇能力會幫到你？更重要既係，佢地有冇心去幫你？要知道，前線既消防救護員已經被警察多次阻礙救援，人地當你地係阻頭阻勢既人炸，阻住佢地做野既人，同曱甴冇咩分別。你犧牲自己既名聲去幫一個聲名狼籍既人，姐係做臭自己個朶。
我相信如果你地肯公開831所有有關既文字、錄音紀錄，冇一個香港人會怪你拯救不力。大家應該仲記得咁多次遊行示威，大家都係立刻讓路俾消防；但係依家你幫一個被香港人敵視既恐怖分子講一個根本不能完謊既大話，咁你就係助紂為虐、同流合污。可以預見到，香港消防處既既宿命將會好似香港警察同香港鐵路咁，甚至更慘。
今次消防想做萬人景仰既英雄定過街老鼠，就睇今舖
條路自己揀，扑街唔好喊
-完-
出黎呀 自由閪！ 
