1. 圍狗屋目的？
是想引防暴出黎身水身汗?
定抑或心理作用，因為次次都輸，想贏番一次?
2. 圍狗屋正中狗仔下懷
狗仔匿曬入屋，
大家冇辦法睇到佢哋嘅數量、裝備、動靜。
大家冇辦法知道佢哋幾時衝出來，例子包括天水圍警署同埋尖沙咀警署。
大家冇辦法避免佢哋無啦啦喺窗口開槍，例子包括觀塘警署。
佢話「 我哋防暴部隊喺總部涼住冷氣等你哋攰就衝出嚟，但你哋就要每一秒擔驚受怕。」
「 以前長官帶我哋去荒山野嶺訓練，敵人會隨時出現，用石仔窩我哋。我哋最怕離開總部四圍走，點解而家班後生反而主動送上門？」
佢想教一教大家一個概念:「戰術主導權」
當你係街上見到狗仔嘅裝備、數量、同埋方向嘅時候，大家就可以四圍走，撚狗咁樣。
當狗仔見到狗屋出面你哋嘅人數、動靜嘅時候，佢哋就可以準備衝出嚟捉人。
呢一個解釋咗點解深水埗呢幾日捉唔到人，但反而琴晚天水圍警署就捉到人
佢想同大家分享一下防暴訓練最辛苦的環節:
1. 防暴警察唔知示威者幾時出現，令到心理負擔好大。圍狗屋嘅話佢哋就可以坐喺冷氣房裏面指住你哋嚟笑。
2. 示威者係狗屋附近四圍遊走，令防暴隊孭住全副武裝四圍跑，身水身汗。
3. 示威者係狗屋附近四圍遊走，令防暴隊高層需要大量時間決定掃蕩邊一個區域的示威者， 當防暴隊去到嘅時候，又唔見人影，指揮官往往會以為自己決定出錯。
4. 示威者係狗屋附近四圍遊走，令防暴隊喺街上逗留嘅時間越長，就越難分辨街坊同埋示威者，好有可能會誤中副車，射錯催淚彈，令到民意逆轉。
5. 示威者係出咗催淚彈之後散曬，防暴隊終於可以返入去休息，呢一個時候示威者又出返嚟。
呢位海軍提咗我哋幾樣嘢，希望大家以後心水清，唔好行去門口去送頭。
同埋記得，防暴隊由收到call到決定推進，只需要三十分鐘之內。換言之只要圍咗30分鐘，就等於自行送頭
希望呢位海軍可以畀大家一啲諗法，佢絕對唔支持大家咁樣玩
Source:司徒小龍
https://www.facebook.com/GavSzeto/posts/10159160892329062?__tn__=H-R
－－－
注：上述意見乃已退役前英國皇家海軍意見，並不代表本人立場，本人僅是轉發意見，不支持任何的犯法行為。
