比較咗MTR個禁制令真係有古怪

推

推

825荃葵青，826入國泰城抗議，831民陣，902三罷
全面批鬥警犬及其家屬
㩒錢/換美金，經濟制裁中共

826好撚緊要 自己諗下

push

推

推！！

推

推

推撚爆
記者朋友記得跟

有人講未必係
可以睇睇下文再分析

轉載：

本人因為私人問題身心受到極大困擾，呢一兩日除咗自我折磨之外，都係摺埋一二邊唔想見人。但係見到極多巴打 share 黨鐵禁制令聲稱「行使虛假文書乜乜乜」呢單野，亦都懇請大家唔好跟車太貼。

有連登巴打仲出埋哂呢啲 on9 post（see below）（仲要超多share），雖然大家係同路人，但係個post只能夠用「衝出嚟柒」嚟形容。

/// 比較咗MTR個禁制令真係有古怪
https://lih.kg/1501933
- 分享自 LIHKG 討論區 ///

禁制令究竟係乜東東呢？

舉個最慣常嘅例子：假設林鄭偷咗我一億，而我知道嗰一億擺咗喺佢個銀行戶口入邊，我可以向法庭申請一個緊急單方面的禁制令（urgent ex parte injunction）凍結佢個銀行戶口，等佢唔可以隨便攞錢出嚟。成功凍結左佢個戶口之後，我先再慢慢告佢，最後贏咗官司就攞返筆錢。

要「緊急」嘅原因，係因為林鄭隨時都可以將我筆錢調走，所以我一入紙攞禁制令，法庭嗰日就基本上要即刻（based on 我提供嘅證據）判俾唔俾個臨時禁制令我，otherwise 就算我最後贏咗場官司，啲錢可能已經比林鄭調走哂。

要「單方面」（即係林鄭/辯方唔知道我攞緊禁制令）嘅原因，係因為如果林鄭已經知道我擺明車馬攞禁制令，佢就一定會喺我入稟法庭之前調走筆錢，搞到最後就算攞到禁制令都冇用。

法律制度係儘量公平嘅，法庭如果只係聽一方面嘅講法/證據就決定判或不判禁制令，是對辯方不公平。所以呢一種「緊急單方面臨時禁制令」最多只會維持一兩天。法庭會在禁制令上列明一個「return day」，讓辯方可以喺 return day 呢一日出庭抗辯，爭取停止維持禁制令。

所以一般情況下，呢一啲「緊急單方面禁制令」一般都唔會有 action number，因為攞得「緊急單方面禁制令」，其實案件都未正式開始。直至到原告被告喺 return day 浦哂頭先至會有一個正式嘅 action number。亦都因為係咁，正常來講你唔會喺法庭嗰個 internet database 入邊摷到「緊急單方面嘅禁制令」嘅判案書。

所以，機管局嗰個禁制令有 action number、有判案書，因為嗰單嘢已經上咗 return day。黨鐵嗰單嘢，尋日先啱啱攞禁制令，未去到 return day，所以暫時唔會有記錄。

我都好唔鍾意黨鐵，但係話佢哋「行使虛假文書」，呢個機會率幾乎係零。首先聲稱攞禁制令嗰間律師樓係 Hogan Lovells，係一間世界有名嘅英國律師樓。機管局嗰張禁制令都係佢哋攞嘅。除非黨鐵連間律師樓都作埋出嚟，otherwise 一間世界有名嘅律師樓去砌一份假嘅禁制令出嚟簡直係天方夜譚。

再者，黨鐵冇可能自己砌完一張虛假嘅禁制令出嚟，而又 expect 冇人會察覺到。每一張禁制令都需要一個高等法院原訟庭嘅法官開出。高等法院原訟庭法官只有28個（未計少量特委、暫委法官），一張咁鬼 High profile 嘅禁制令出咗嚟，唔會冇人知係邊個出。如果黨鐵真係 expect 成個司法機構都唔會有人察覺有一張虛假嘅禁制令流出，咁都真係太荒誕、太低B。雖然共產黨（唔係竹升妹）有時做嘢真係好「俹簁」，但係就算自己醒，都唔好睇得人哋太低。

所以 99.999% 就係司法機構入邊可能採購部有啲少量疏忽，印錯咗嗰章又冇人察覺。之前有巴打話四月嘅時候已經出現咗呢個錯體怪章，我自己未 FC 所以我都唔會跟車太貼，不過照常理推論，真心膠印錯章呢個嘅機會率最大。當然亦都唔會排除有人想陷司法機構於不義。

需要留意嘅係，就算印錯章都係政府公務員體系有少量疏忽，同法官基本上冇乜關係。

呢單野基本上同法官完全冇關係，唔知點解係啲 comment section 入面，又有啲人衝出嚟話要查嗰啲法官乜乜乜。

我都係講嗰句，同路人搞邊度都好，千祈唔好搞法庭。

香港司法制度係香港人最後一條防線，亦都係敵人最想剷除嘅一樣野。

連登巴絲打可能唔知，但係終審法院嘅傳統就係審案一定會有海外非常任法官。而中國大陸就係最想快快脆脆趕走哂呢一班海外法官。

依家香港終審法院非常任法官 roster 非常顯赫，包括何熙怡女男爵（Baroness Hale，英國最高法院院長）、麥嘉琳法官（Beverly Mclachlin，加拿大最高法院前首席法官）、范禮全法官（Robert French，澳洲高等法院前首席法官）。

香港有這麼高質素嘅司法人員，是香港的福氣。呢一啲聲明顯赫嘅法官，願意在這一個亞洲小城擔任法官，其實都係托賴香港行之有效嘅司法傳統。呢一班法官肯飛過嚟香港審案，當然唔係俾面林鄭政府，而係認同香港法官審案嘅高質素，亦都當然係認為我哋前首席法官李國能、現任首席法官馬道立領導有方。

續：

我正式私人執業前有幸和一位已退任嘅非常任法官（唔講邊個啦）有過一席話：佢喺香港審案嘅原因就是因為信任香港的司法制度。

一班已經喺自己嘅國家已經升到最頂嘅法官，根本上係無慾無求。如果香港司法制度出現危機，第一班走嘅，就一定係佢哋。

如果有一天佢哋真係畀人逼走，我都希望係腐敗嘅政權逼走佢哋，而唔係自己人 friendly fire 搞到佢哋對香港司法制度失去信心。

政府永遠都唔會將政治問題政治解決，經常將嗰波拋比法庭，要求政治中立嘅法官去做磨心。

喺好多嘅政治檢控上面，政治中立嘅法官 hands are tied，就算認為那一方的情操高尚，都只能用法律、而不能用自己的道德尺度去審理案件。

所以同路人請注意，運動嘅矛頭必定係指向政府（而不是法庭）：在法律嘅層面上，要求政府對部份執法人員（過分使用武力）、黑社會暴徒作出適當嘅檢控，或要求行政長官在判案之後特赦示威者 - 呢啲都係政府做到而法庭做唔到嘅嘢。

所以上邊 post 嗰條link，懇請大家唔好再 share，不要製造恐慌。如果有 LIHKG account 的話就麻煩負評一下：唔識講法律、但係又滿口法律係最恐怖嘅事。我喺連登只係 P 牌仔，又唔可以正評/負評人，講嘢又冇人聽。依家只係希望大家謹守崗位，對準一個清晰嘅目標，唔好亂咁 friendly fire 或者亂咁製造恐慌。

推！
偽造文件
欺騙市民

五大訴求、缺一不可

Push

推爆佢

pish

推呀

有冇人隊左上twitter?
黨鐵公然做假文件

推上報！

關於臨時禁制令如何運作，各位巴絲可以參考下：

https://www.facebook.com/photo.php?fbid=10213312180592219&set=a.2225834378565&type=3&theater

推到記者見到

推