８２３人鏈：香港之路Hong Kong Way正！式！上！線！！！！！！

春蟲 · 2019-08-19T02:37:13+08:00

我而家宣佈８２３人鏈：香港之路Hong Kong Way 正！式！上！線！！！背景資料：１９８９年８月２３日傍晚７點，喺加埋只有８００萬人口嘅波羅的海三國入面，有大約２００萬人手牽手組成一個長度超過６００公里的人鏈，穿過波羅的海三國的首都，向世界展現佢哋爭取自由嘅決心，史稱「波羅的海之路」。全世界媒體爭相報導，成為一時佳話。自從２００９年起，歐盟將８月２３日定為「國際黑絲帶日」、「全歐洲紀念極權和威權政權下的受害人之日」。波羅的海之路： https://zh.wikipedia.org/zh-hk/%E6%B3%A2%E7%BE%85%E7%9A%84%E6%B5%B7%E4%B9%8B%E8%B7%AF 國際黑絲帶日：<a rel="noopener noreferrer nofollow" href="https://zh.wikipedia.org/zh-hk/%E6%AD%90%E6%B4%B2%E5%8F%B2%E5%A4%AA%E6%9E%97%E4%B8%BB%E7%BE%A9%E5%92%8C%E7%B4%8D%E7%B2%B9%E4%B8%BB%E7%BE%A9%E5%8F%97%E5%AE%B3%E4%BA%BA%E7%B4%80%E5%BF%B5%E6%97%A5" data-sr-url="https://r.lihkg.com/link?u=https%3A%2F%2Fzh.wikipedia.org%2Fzh-hk%2F%25E6%25AD%2590%25E6%25B4%25B2%25E5%258F%25B2%25E5%25A4%25AA%25E6%259E%2597%25E4%25B8%25BB%25E7%25BE%25A9%25E5%2592%258C%25E7%25B4%258D%25E7%25B2%25B9%25E4%25B8%25BB%25E7%25BE%25A9%25E5%258F%2597%25E5%25AE%25B3%25E4%25BA%25BA%25E7%25B4%2580%25E5%25BF%25B5%25E6%2597%25A5&d=vYBJSn118KuPZzv3ld2hV3ZcicNxvv30RIDxG8JU3dY%3D&h=71e64981" target="_blank">https://zh.wikipedia.org/zh-hk/%E6%AD%90%E6%B4%B2%E5%8F%B2%E5%A4%AA%E6%9E%97%E4%B8%BB%E7%BE%A9%E5%92%8C%E7%B4%8D%E7%B2%B9%E4%B8%BB%E7%BE%A9%E5%8F%97%E5%AE%B3%E4%BA%BA%E7%B4%80%E5%BF%B5%E6%97%A5 ３０年後嘅香港風雨飄搖，而家我哋號召各位趁住波羅的海之路３０週年，加入我哋組成人鏈，重現呢個震驚中外嘅和理非抗爭！正式名稱：香港之路 The Hong Kong Way 日期：２０１９年８月２３日（星期五）集合地點：港島線及荃灣觀塘線沿線各港鐵站路線圖 (細節待定) 大致分三段：港島線（筲箕灣 — 堅尼地城）：13KM 荃灣線（黃埔 — 美孚）：7.02KM 觀塘線（深水埗 — 油塘）：12.6KM 時序：集合並在行人路上排隊 19:15-20:00 手牽手組人鏈 20:00-21:00 和平散去 21:00 行為：唱歌，叫口號。１００％和理非，不起衝突、不企出馬路、唱完Ｋ畀啲掌聲自己，然後就可以返屋企。當然呢個只係一場戰伇，我哋長期處於戰爭狀態。行動目的：當年波羅的海三國向世界呈現佢哋三國團結一致嘅立場，而家我哋香港嘅市民都團結一致！五大訴求缺一不可，尤其是最最最重要嘅五大訴求之首：雙普選！！！要求中央及特區政府聆聽香港市民爭取民主自由嘅強烈民意，馬上落實雙普選。最重要嘅係成為外媒鏡頭下嘅焦點，向各國展示香港人爭取自由民主的決心同團結，將香港政治推上國際層面更高位置，希望更多國際勢力關注並支持香港人。要記住，行動係為咗模仿３０年前波羅的海之路The Baltic Way成功嘅和理非抗爭，最終目的係為咗上外媒成為viral video！越和理非出嚟嘅效果就越好越上鏡。做返啲香港人擅長嘅收割光環同搶佔道德高地啦！多年來訓練有素，養兵千日用在一時。如果大家自問睇完個post都覺得興奮，好想快啲參與喺呢件一生人一次嘅大事，或者可以畀到建議，就入group一齊完成呢個壯舉啦！ Group: https://t.me/joinchat/J3VqxBTMg_LTNL9idzQLOw Channel: https://t.me/HKWay IG: https://www.instagram.com/hkway823/ 勇武嘅手足，好感謝你哋一直以嚟嘅付出，呢次行動又點少得你哋呢？希望勇武手足可以以和理非嘅手法參與。但係！唔好誤會，勇武萬萬不能退場！！抗爭仍未有成果，我哋仍需堅持，團結一致，兄弟爬山齊上齊落！核彈都唔割！！雙普選前誓不罷休！！！ 823人鏈We Connect，百萬人齊築香江路！ Let the WORLD witness our unity!!!!!