擔心要還押但未夠21歲嘅絲入，勵敬懲教所-你問我答

一係就問人借
一係就匯報比madam 等佢屌獲你 問你做乜咁快用晒，要寫report

謝謝你祝福

冇加

你話沖涼有一格格, 係咪好似泳池個啲咁? 係既原來幾有私隱
本身以為冇一格格, 大家望到大家 或者madam望到你 (睇戲男個D係咁)

有一格格，但遮住個塊版冇泳池咁大

有frd發夢畀人拉咗 暫時喺勵敬拘留
係咪要開始呢啲生活 遲啲上庭打唔甩係咪都要返去？
佢未夠21歲

更慘，我之前唔係衰政治，一入去裏面啲人已經即刻喺度問你有冇去過佔中，佔旺，凡係衰政治係入面都不好受，我嘅經歷其實都好幾年，生活模式應該都係咁，唔知懲教嘅人係咪仲係咁賤。還押嘅好處係可以每日一見，e段時間要比多啲支持同鼓勵你朋友。上庭打唔打得甩好難講，但入罪而未夠21都係留係勵敬，只不過套衫會換左啡色，還押係裏面打工有得坐，摺下紙，入罪後可能會分去洗衫/煮飯/其他苦力。

每次上庭個官都會重新考慮有冇保釋必要，但通常一開頭判你還押都冇得保。總之未夠21，無論判入獄，少年所乜乜77個d都係stay係勵敬，黎黎去去都係個班懲教蝦你個班𡃁妹。

為你朋友禱告，要堅強。

點打發時間, 一日咁長
一入分分中一年半載

其實裏面真係好悶 可以因為一件好少好少嘅事就開心
每日都要做嘢 我嗰陣時基本上每日都好早就瞓覺
可以叫屋企人入野比你 例如筆 簿
無聊嘅時候就畫吓畫 每個星期都會有啲教會嘅人入嚟傳道 我自己都聽下聖經
還押嘅可以借書睇 不過啲書10年都唔更新一次 或者叫屋企人入書 每個月最多六本

第一次全裸搜身要係陌生人面前比人睇全相 係咩感覺?
搜既過程同女童院咁一樣?(有FD入過女童) 有FD 話會睇埋你口鼻、同下面係咪真? 有咩傷都要mark

唔使

好尷尬
係呀一樣，有大粒少少嘅墨都要Mark低

尷唔尷尬就如果佢得1對1咁睇住 無其他人係到 都好D, 好彩大家都係女人, 反而咁樣check感覺好似會好凍咁, 如果好似冬天呢幾日天氣

但係佢係咪check 完即刻就派囚衣你換先, 因為早幾日見懲教有單新聞, 有人投訴check完仲要答問題:
https://www.thestandnews.com/politics/%E6%8C%87%E6%8E%A7%E5%8F%97%E4%B8%8D%E4%BA%BA%E9%81%93%E5%B0%8D%E5%BE%85%E1%85%A0%E5%8A%89%E5%BA%B7%E5%85%A5%E7%A8%9F%E5%90%91%E6%87%B2%E6%95%99%E7%94%B3%E7%B4%A2%E4%B8%80%E8%90%AC%E5%85%83/
劉康在庭外表示，當日他被「剝光豬」搜身時，遭一名懲教署職員質問：「參與政治收幾錢呀？」使他被不合理地赤裸 30 秒

姑娘同madam 冇所謂 叫個時一定要全中/全英 唔好中英夾雜 eg 唔該madam
做錯少少都比人屌到上天花
好深刻好記得自己係裏面比人屌到冇尊嚴
個日第一日入去 都未過房(仲隔離緊) 然後廁所漏水
個madam叫我攞布抹 我完全唔知d布放邊 拎錯左又罵 抹得慢又鬧
好記得佢叫我唔撚好做人 話我係死豬閪 賤種 好撚蠢 個刻係好侮辱
到而家我仲好記得 啱啱諗返起都忍唔住喊
喊係因為已經成為咗心裏面一個陰影同埋一諗到義士喺裏面 我就忍唔住喊得更加失控 懲教真係好藍

冬天夏天都一定要除晒㗎啦
係一對一 會閂門嘅
係呀check完之後就會有拎囚衣
早知懲教嗰啲都係好藍
我講緊好幾年前入去就已經俾人問係咪衰政治（雨傘）我話唔係，佢都死追住我又冇去過佔中佔旺

入面食d咩, 係咪好難食