擔心要還押但未夠21歲嘅絲入，勵敬懲教所-你問我答

我指步操個d, 體能
1 出去個時上庭個時都係要咁搜? 其實要除晒搜咪好尷尬? 佢係會搜得好仔細要唔著衫幾分鐘? 之前gphone都係到要投訢
2 睇過<<同囚>>, 男仔好似朝早定沖完涼要check mark, 除晒衫褲, 女仔應該無check mark 呢D?
3 會唔會同d 同倉做到姐妹
4. 入面著o的野可唔可以自己入

每次離開懲教署範圍都要係咁搜，我個人覺得都幾尷尬，我諗大概都要2-3分鐘

沖完涼冇check mark

唔會做到姊妹

一定要着佢嗰啲嘢格仔衫

平時都冇check mark既? 真係有check mark係咪好似男咁耍除晒

bra個d冇得自己入?

入面係咪真係有D突然生性讀書好叻個D
或者有d 本身可能家境幾好讀得下書既, 因為衰d ON9野入去

係咪要定時剪頭髮剪到小丸子頭咁

有時有一樣野叫打風，通常一個月一次，就係check晒你所有嘅物品，同埋會摸胸個d

bra 同底褲呀，所有衣物都冇得自己入

我識嗰啲係冇突然生性讀書好叻嗰啲，大部份都係mk 早生仔個d

有個8大大學生 衰貪心入左

頭髮嗰啲通常幾個月剪一次，但係可以留長頭髮嘅

因為係還押，相對自由都會比較大 （例如留長頭髮）

女監既職員真係痴線好多

聽就聽得多但真係未接觸過

真係好痴線，明明已經係好幾年前之前，但係好似已經成為咗我嘅心理陰影，嗰陣時啲好難過嘅回憶仍然歷歷在目
有時諗返起都打冷震

Be strong!
相對黎講男監真係輕鬆好多

還押洗唔洗上堂 一日時間咁長點過 會唔會好悶

最嚴重會比人罰咩

聽人講法庭判完係法庭都要除哂2次, 入到去又搜咪好多餘...
個收押過程去到勵敬係咪要打完指模就搜身, 搜完著翻自己衫先照X光再比囚衣你換 之後見完高級madam就帶你翻倉 想知多啲

見你地細路女係囚車運送途中, 仲洗唔洗帶手扣

我哋會有一個房間叫還押房，通常朝頭早去到12點就做嘢，例如幫政府摺文件，跟住食完飯之後去到好似2:30就係break，可以喺嗰間房裏面睇書，休息下，2:30去到5:30繼續做嘢，之後就食飯，食完飯就睇半個鐘電視，跟住就翻房，10點熄燈瞓覺

最嚴重會俾人罰咩？因為我都冇俾人罰過，唔係好清楚，但係會叫你見啲高級，同埋要寫解釋文章，再嚴重啲就要隔離，但佢係懲罰唔知會唔會有打人嗰啲

係呀，你出去之前要喺懲教署除一次，去到法庭又要除，其實係好多餘，不過佢要確保你喺架車裏面冇受到任何污染（即係私藏毒品），因為你搭車去上庭，有好多人，有時候一架車可能會兜埋過去男倉（荔枝角收押所）

無論幾多歲，只要你係囚車都要戴手扣

10點熄燈瞓覺 其實咁早咪根本訓唔到

冇俾人罰過? 你係咪啲乖乖女黎, 其實入到去做乖乖女定串77個d著數啲 乖乖女易比人恰

出去都要搜? 根本係入面都無毒品個啲運到出去啦
其實次次都要咁除 會唔會慣左都麻目?
聽講男仔要擘開比佢望後面有冇收埋野, 女都係咪要咁仔細? 定係全身求其望兩望算?

到時慣左就冇事，我10點前就瞓

係乖乖女 先比d madam 同其他人恰
你唔係掂毒品 其實係好難融入佢哋圈子
做返自己就可以啦其實

岀入都要搜 ，好難講，規矩要搜

冇得唔麻目，例如還押嘅人每日都可以有得次見親人，cat c 見面係唔使夾玻璃，所以只要有親人嚟見你，就每一日都用驗尿。。好累

仔細搜，好仔細

有得見親人? 咁男朋友其他fd得唔得

每一日都驗尿, 但係會好累? 食訓痾唔係人基本野 唔洗煩既野黎?

cat c 見面係唔使夾玻璃
成個勵敬都係CAT C黎?
見面唔使夾玻璃咪好易運到野入去?

有得見，其他人都得，想見邊個係你決定，你同意見佢就得

cat c 如果有親人探你就要驗，我個時屋企人日日都有來，所以日日都要驗，好累好累

唔係，得好少cat c
唔洗夾玻璃但手要放低，冇得掂，有人望實

如果都係衰啲細單野坐幾個月好快姐
有冇見過啲衰大單野 好似販毒個啲有機會判10年8年, 其實佢地自己心情係點會點諗?

你話入去搜身好仔細搜, 點樣仔細法先, 我有fd細個入過男/女童院,都係要全裸比佢check, 都係差唔多?

咩人都有，其實大部分都會判好耐，因為告運毒
識得有個19歲，仔又生埋，預比人告8年，仲係好樂觀，佢講左句: 仲有大把日子要捱，唔通真係日日喊咩
入面好多判好多嘅人d心情都係咁
反正判得輕個d好驚

全裸 會摸 舉高手 分開腳企 痞低起身3下

係咪好多唔合理既規矩
有冇啲咩野規矩你覺得係最難做到
有冇啲咩好難適應

起初覺得530起床好辛苦，會難適應
唔合理規則: 5分鐘要沖完涼，madam有權唔比洗頭水你
eg 有20人，但得10格，通常新人要遲d沖，遲d沖個d基本上入去濕一濕水就岀返黎，5分鐘包洗頭沖涼洗底衫褲。遲左岀黎會比人鬧，m巾用晒嘅話未到每月發貨日都冇得拎。

5分鐘邊做到咁多野 ... 容咩易上一輪沖啲人特登拖慢啲搞到下一輪得2,3分鐘, 都唔知沖涼定洗衫好

不過好似都算係咁, 你話有一格格, 同泳池個啲咁, 都叫有私隱
本身以為冇一格格, 大家望到大家 或者madam望到你 都幾唔慣

啲M巾用曬咁點算？由得佢漏？
祝福你有個好嘅人生唔好記著啲衰嘢

應該有得買?