擔心要還押但未夠21歲嘅絲入，勵敬懲教所-你問我答

冇連登ac，借朋友嘅

係勵敬懲教入面比人還押過1個月，想知d咩可以問

基本資料
勵敬係15-21歲嘅入去，同女童院好唔同，入面好似真係坐監咁

一入去會有一個叫指模房，要填資料，換囚犯衫，入面一係要叫姑娘，一係要叫Madam，全部人都好撚閪
第一句就問你有冇去過佔中 佔旺 係咪黃絲
利申 我犯嘅罪唔關政治
之後要影相，比個牌仔你，分Cat A B C，嚴重重犯就Cat A，毒品就B，輕罪就C，我係C
屌完你一獲，就會帶你去個人倉，俗稱過渣，去過其他地方嘅去要去過一過渣

呀公會比生活用品你，毛巾，牙刷個d都會有

因為我犯嘅罪唔關毒品，第2日就去左大隊，會比份野你背，一定要背晒先分野比你做

一日3餐，有pe堂，逢星期五有基督教過黎，每日工作至530，食飯，睇半個鐘電視，就返房(4-6人) ，10點前要訓，6點起身

入面冇人對你好，d姑娘知你後生，乜都屌左先，做人做都好冇尊嚴，比同房人欺凌，比Madam取笑，每一日都好想死，但真係因爲班基督徒，令我改變左。

仲有好多野講唔晒，你地有咩想問？我答到就答

衰咩？
最後甩唔甩到？

衰咩唔講啦，我真係有做過，判左感化

英雄（雌）莫問出處啦

多謝你分享

有冇咩新入去嘅要留意？

冇社團背景應該點算？

錢銀上有冇咩出面嘅人可以幫到？eg劃飛果類

出面嘅人除咗錢財，有冇咩幫到手？

會唔會想收到我地寄嘅信？

諗到再問

辛苦晒

祝你人生展開新一頁，唔使再接觸呢啲野

好人一生平安

咁夜都未瞓就搵朋友仔陪你傾下計啦

你真係幾撚煩 block撚左你算啦
本身都想聽下你有咩偉論發表到出黎
但可惜全部都係廢話

新入去一定要醒目d，朝早見到任何madam要講早晨，基本上任何時候見到人都要講: x姑娘你好

打招呼，肯回應好重要，唔好比人覺得你好蝦

我都冇社團背景，個時我得16歲，唔好相信任何人，如果你屋企人有買文具比我，記得唔好比任何人寫野，只能夠自己寫，全部野都有number，自己用自己，入面冇朋友可言，90%都係衰毒品

冇錢銀上面好幫手，買下零食，紙巾比還押嘅已經好好，入面d野好難食，一定要買洗頭水，因為佢本身係唔會分比你，要家屬買先有得用洗頭水，或者問姑娘比，佢心情差就唔比你用

岀面嘅人我都諗唔到可以點幫，基本上還押嘅囚犯每日可以被探訪1次，要問返家屬個邊有冇野可以幫

信個道可以寄比還押者，但全部信madam都會打開check，特別衰政治嘅check得更加嚴，你想寄比佢要知佢還押number先寄到

還押個個可以每日寄一封岀去，一樣會check內容

我已展開新一頁好耐，謝謝你

監躉唔一定無良心
揸刀叉食人肉唔係文明
著西裝唔代表唔係衣冠禽獸
話緊你呀廢藍

我同班警狗暴徒唔一樣，唔會用過期催淚彈，唔會亂打人，唔會遲到39分鐘。

我係曾經做錯過，但都有一直好好讀書，同毅進仔唔一樣

有無得落night?

你覺得入面madam點樣？份工好唔好做？同男監倉有咩大分別？

入面咁悶 點解會識唔到朋友?

1) madam會唔會打人
2) 指模房係咪要通櫃, 搜身係點搜
3) 女仔洗唔洗操

含撚啦撚樣

條友我晨早block咗，應該三毛來，唔使理佢講嘢

冇

madam係好撚閪，鬧我係賤種狗，記得第一日入去，咁啱個廁所爆水渠，佢叫我攞啲布去抹，因為太多水，我抹咗好耐，佢就係咁鬧我死撚蠢，話我係侏儒，講咗好多侮辱嘅說話。份工就睇人囉，如果你本身係鍾意鬧人嘅，咁就啱你，因為你隨時隨地，每一刻都可以侮辱人，裏面嘅投訴機制可以話係廢嘅，因為你投訴完人，之後會比madam針對，我冇試過，但係見到有人係長期madam針對。特別因為我呢個係主要對象青少年，21歲以下，所以d madam 可以話係蝦到你上心口。

我都冇去過男監倉，所以唔知道

因為裏面大部份嘅人講緊已經俾人還押左1-2年，好多都係衰毒品，18歲，已經生咗兩個仔，基本上全部都係d唔讀書，日日岀黎蒲

我唔係衰毒品，算係正常學生，冇食煙無飲酒唔吸毒，同佢哋性格太唔同，所以入到去比佢哋用鬼故嚇我，每日朝頭早都要打掃，啲最粗重嘅嘢佢哋都要畀晒我做，成日比說話我聽，我已經唔理佢哋，但係真係好辛苦

1 我未見過madam打人 所以唔知道

2冇通櫃 ，搜身係除晒所有衫褲，舉高手，底褲都要除，擘大隻腳，痞低起身三下

3 每一日都沖涼 不過係朝早

有冇見過好人madam 真係想為你地好 想你地好過？啲職員有無得玩電話

冇好人madam，嘴裏面話關心你，其實係想知道你到底因咩事入黎，了解晒你嘅過去，同你喺度傾計，chok完你之後都係好撚閪

比較好嘅，其實就係平時唔理你，講嘢會講唔該，稍微有少少禮貌嘅，其實已經係好難得，呢啲多數係一啲新人madam，咁嗰啲新人平時都要對啲高級嘅恭恭敬敬。

玩電話嘅話我淨係見過啲比較高級嘅玩電話，其他我冇見過，不過都好少，因為裏面有太多CCTV，佢哋正常來講係唔可以玩電話，因為每個人都有對講機