【和理非全部入嚟 (銀髮都入嚟)】自發性民間記者會上線啦

警察點解成日開記招？
點解講嚟講去到係果啲? 但係又要開?
因為真係呃到人！
1. 搞到件事好似好重要好正式咁, 增加市民注意.
2. 帶訊息俾支持者: 簡單啲講係一啲唔想知過程的人, 包括藍絲同政治冷感嘅人. 呢啲人通常唔會睇成個直播. 只會從公佈結果去了解成件事.
3. 製造政治冷感者: 有睇直播嘅人, 再睇埋記者會. 通常會覺得嬲之餘, 亦都會有種無力感, 久而久之會成為政治冷感者. 對運動失去希望.
( 原因可以睇呢條片https://www.youtube.com/watch?v=2cMQAIp9kjU&t=1150s )

以上三種情況都有利政權方面穩固自己勢力.

但係而家係時候警察記招過後
就到我哋和理非出場開記招
搞一個市民記招去講敍事件
一於大巴大巴車落政府度

目的：
1.製做對立面
防止媒體單方面出現政府一面倒說話, 製造市民討論事件

2.補充資訊，由市民角度出發
用市民把口去講 “所謂抗暴對民生嘅影響”
比中立同藍絲用＇切身處地＇嘅角度去思考下問題，更易入屋
引發市民廣泛討論

3.方便其他記者引用做證據、文宣
比記者、文宣引用番街坊坊意見
去做宣傳or反問政府

4.俾有用嘅觀點係電視機播
「政府從來無落實過五大訴求！」
「林鄭唔用法定字眼！」
「警隊影響到普通市民，路過都打。」
「警察同白衫勾結！俾人影到！」

５.大幅吸納銀髮族同地方師奶嘅支持
提供一個唔犯法又可以幫到後生嘅途徑去發聲
銀髮族同師奶會成為主力，防止佢吔上場俾防暴推.

效果：
呢啲說話會正式浮上面
會變成“正式嘅公眾聲音”
唔再只係喺連登同網上流傳

方向：
定期舉辦（可能一星期一次），但地點次次都唔同（主要以發生過示威嘅地方舉辦）

1. 平民街坊記者會
題目 : 媒體上會出現例如 “最新：兩點上環市民見記者'”
時間 : 每逢示威之後，警察記者會之後
地方 : 有示威果區
(室內，可能係一啲社區中心)
流程：
主持講嘢
環節一：讀左新聞發布先（比如警方早前嘅發言，或者係一啲報告）
環節二：街坊發言
主要由當地無示威嘅街坊發言
(非固定發言人)
越有關民生嘅嘢越好，越貼地越好
環節三：現場其他路人插嘴環節
環節四：記者提問番街坊

街坊發言內容 :
比如
發言人陳師奶（元朗居民）：
「今日強烈譴責警方搞到佢間屋好大陣催淚彈味, 亂咁放催淚彈，但又唔搵人清潔返我間屋，而家好擔心啲化學物品影響健康」

發言人黃師奶（上環居民）：
「上環果次示威，我買完餸返屋企時啲差到好惡咁問我攞身份證，又唔俾我返居企，我明明買咗條火點返屋企蒸家嘛，而家搞到條魚唔新鮮啦，嘥哂我條魚。」

平民化,，易入耳，師奶阿伯聽得明
易引起討論，易討好同齡嘅人
師奶吸師奶，呀叔吸呀叔
媽媽吸媽媽，細路吸細路
新聞稿發表之後隨左記者會用，仲可以當通告，貼大廈告示板之類，等更多人睇到居民的想法

其他好處：
一、無參加示威嘅街坊同銀髮有可做嘅事
二、唔犯法
三、當地警察（不論有無返工）２４小時都會俾當地街坊指責，製造極大壓力（提議佢吔可以返大灣區生活，一定無人鬧）

媒體方面：
第一次會邀請所有正式媒體 （除咗ＴＶＢ，製造＇只有你先無嘅街坊新聞＇）
另外，希望所有巴打用盡關係，希望所有網媒，網台，ＫＯＬ，大Ｊ，ＲＯＣＫ ＧＯＲ，杜文凙，ＨＯＣＣ果啲做現場直播（借ｃｈａｎｎｅｌ又好，轉播又好）。要做到最廣泛嘅媒體報導，連政府都做唔到果隻。

發起人：
唔希望係泛民搞，因為會俾人覺得有大台。希望連登巴打們可以組一個小小嘅ＴＥＡＭ繼續做。ＳＥＴ ＵＰ應該唔難，不過要有做ＰＲ同媒體巴打幫下手（有巴打話推到銀髮做，希望真係可以）

主持人：
希望係葉德嫻（有諗過何韻詩，但由於對象係師奶同銀髮，有無巴打有好提議），有個熟口熟面嘅人會更易入屋。

問題：
１. 驚唔驚被捕？
應該唔會, 受訪人仕係無參加示威. 但有係現場食花生嘅街坊. 但可能要考慮藍絲追擊問題.

２. 作用未必好大, 因為偏藍嘅媒體唔會播/repost?
目的唔係由我吔直接抽擊, 而係靠師奶把口係平日去直接抽擊. 子華神話過 '師奶把口係快過光速'.

３. 泛民而家每次都會開, 咁有咩唔同?
泛民講一定係5大訴求之類. 而且好多反泛民嘅市民會覺得係假同理會唔聽.

街坊講嘅係警察對市民嘅影響, 如果你係電視睇到沙田街嘅街坊開記招, 首先我老豆老母會'八卦'一下佢想講咩, 當街坊講 '如果警察唔係度就無事', 我諗佢吔咩都唔諗已經深感認同, 最少心入面會有句 ' 有無搞錯呀, 搞到街坊'

其他：
有諗過搞＇記者界嘅記者招待會＇，比如佢吔可以開過LIVE '戰地記者會' 去講下所見所聞. (點解好似變咗港台節目咁?). 佢吔呢個記者會應該會吸引到好多媒體文化層面嘅人.

歡迎巴打俾下意見

萬事小心, 香港人加油

推

巴打有心

推

push

推

推

up

差少少細節，大家再積極討論

推到有巴打落手做

輕輕一推，85大罷工

推

支持
諗法好好

good
但居民一定要係清清白白
最好係D咩業主立案法團出尼

其實喺前線監察嘅正常非建制 例如鄺俊宇 郭家麒 陳沛然 都可以以監察員身份參與記者會

仲有可以叫嚟觀察嘅咩咩人權組織講吓佢見到啲咩 我記得光復元朗嗰日夜晚都有呢啲人受訪 不過係非正式咁喺港鐵站啲凳到採訪

推

幫手推先

呢個可以當係其中一次嘅記者會發佈

推

請大家幫手推上熱門