講返先，呢個acc唔係我自己，係我叫朋友幫我出post，所以呢個acc其他thread，同我沒有關係。
1）有無覺得，近來好似唔多覺TVB有播港台節目？因為自2016年9月起，逢星期一至五，港台於TVB播放時段，由晚上7時提早到6時，試問呢個時段有幾多人睇緊電視？
TVB仲停播埋《城市論壇》，所以港台節目在TVB的收視下降咗好多，由2013/14年的759000，跌到2017/18年的272000。2）自從港台電視31啟播後，每名製作人員的節目製作數目，由8.2升到12.8。以前一星期做幾集比TVB同ATV播，而家就run 24小時頻道，但人手同資源加得唔多，結果當有大型事件爆發，所有人都疲於奔命，一人身兼多職。最新財政預算案仲要cut budget，電視部cut 2%，電台部cut 2.4%。
3）現時主要表現指標係收視率，好似話最近直播示威現場，收視有提升，希望大家繼續支持。目前審計署計收視率，係唔睇YouTube同facebook，但中高層老細會睇網上反應，所以大家即管多多支持。另外，rthk.hk網站同幾個apps，咩On the GO、RTHK News、Screen，政府都有人睇住使用率，可以的話亦請多多使用。
4）現時睇港台31直播方法有：數碼電視、模擬電視（2020年底停播）、RTHK Screen app、RTHK官網。如果想睇新聞，就用rthk news app，或者上news.rthk.hk睇。
5）港台節目要負社會責任，兼顧不同社群需要，有時內容比較小眾，或者題材較有門檻，希望大家唔好介意，當比機會自己，睇下可能「唔了解、唔熟悉」的事物。
hi