「不自由,毋寧死!」
"Give me liberty, or give me death!"
- Patrick Henry
大家睇睇維吾爾族建國失敗既下場(2017年4月):
大家要知道,共產黨清洗異己既方法,就係先分化,擊破,然後鎮壓,直至牢牢掌握絕對控制。
用全力對付香港
對於中共黎講,香港人已經取代維吾爾族,成為中共既頭號眼中釘,雖然呢一刻,或者香港仲有少少利用價值,有外國關注,或者共產黨未露出本來面目血腥鎮壓同監禁香港人,大家幻想下,如果呢場運動一旦開始冷卻,失去動力,大家回歸自己以為既平常生活,共產黨必然會以最快速度清洗香港人。
香港人善忘,但係共產黨絕對不善忘,仲好記仇。佢已經透過呢場運動了解到,香港人好撚麻煩,會係國際層面上為共產黨帶來麻煩,甚至影響國內管治,令共產黨執政穩定性出現裂痕。共產黨對權力既絕對掌握係有近乎病態既執著,佢一定會用最有效既方法解決香港潛在既威脅。
香港民主運動的特性
對共產黨黎講,透過洗腦教育/新聞控制/香港警察鎮壓 已經無辦法壓制呢種會對共產黨造成威脅既反抗力量,同維吾爾族不接受漢人統治一樣,根本就係非我族類既民族鬥爭,無辦法用常規用來統治漢人既手法黎處理,必須用更嚴厲既手段處理,先解決呢種內部不穩既危險因素,之後再慢慢處理外交問題,再唔係,閉關鎖國吃草續命,佢都有把握維持政權。香港偏偏就係一個好大既不穩定因素。
所以我講,香港人係共產黨頭號敵人,而且要用最歹毒既方式處理。
香港既反抗力量,某程度上比新疆更難搞,因為唔係傳統既血緣宗教民族主義,而係利益共同體/價值觀共同體(民主自由),形成一種極度強韌既組織力量。呢股力量,暴露左共產黨對香港控制既失敗,等於同共產黨之前既傳統控制方法出左一張成績單,『哦,用來之前d招無用。』
共產黨會如何壓制香港民主建國運動
正如『新疆』既東突厥斯坦建國運動一樣,根本無可能用統治其他漢人既方法壓制。所以就諗左呢條橋出黎,集中營。
你咪話,呢招又幾有效,至少目前中國境內維吾爾族既反抗力量已經幾乎完全被瓦解。剩下既維吾爾族都流亡海外/成為難民。『新疆』仍牢牢掌握在中共手中,巨大利益,毫不動搖。維吾爾族流散四處,中共都完全有辦法係新疆繼續獲得當地利益,反正係各大主要城市,漢人早就多過維吾爾族,掌握當地一切經濟命脈,而維吾爾族只有為漢人利益階層工作,被剝削。
當共產黨認清香港人係非我族類既民族鬥爭,而且傳統方法無用之後,手段一定會以最快速度進行,會用最殘酷既方法進行。你知啦,依家無得比共產黨慢慢黎搞香港,因為仲要面對外交同貿易困難,仲有經濟問題。
香港人還有利用價值?
大家可能會話,香港人對共產黨仲有利用價值喎...sorry,香港呢個地方或者有利用價值,但係香港人無利用價值。自從共產黨決定搞送中果一刻開始,已經話比你知,香港人無利用價值,送中條例就正正反映左共產黨留港不留人既心態。
共產黨到呢一刻都未出解放軍,只係想留低香港呢個地方黎洗錢/貿易轉口,開槍鎮壓搞爛左無好處。但係香港人可以bye bye,一個一個消失,無所謂。
結論
大家要明白,今次運動只許成功,絕對不許失敗,否則香港人會一個一個被送入集中營。而且無人會黎救你。你睇睇土耳其同伊斯蘭世界點出賣維吾爾族,就算民主國家一樣束手無策。
其他細節,監控燈柱,信用系統,不需多講,大家都明,係對香港完全壓制清洗既前期功夫。
香港人,要有絕對既覺悟,明白失敗既結果,會比死更慘。
妻離子散,失去自由。
係監禁中痛苦為共產黨做奴隸,直至死亡。
請大家再睇一次BBC有關維吾爾族集中營條片,切身處地體會下,如果香港人都面對中共如此鎮壓香港既民主運動,大家會係咩情況:
https://www.youtube.com/watch?v=v8zNPmBttAQ
大家可以諗清楚,到底應不應該為自由盡力奮鬥一次,亦係好可能係最後一次。
今次絕對唔會好似2014雨傘失敗之後咁仲有翻身機會。
大家721見。繼續奮鬥,直至建國。
絕不和共產黨談判。
「不自由,毋寧死!」
"Give me liberty, or give me death!"
- Patrick Henry