【突發】《中英聯合聲明》之戰眾籌上線！

我要攬炒 · 2019-07-12T10:39:47+08:00

【突發】《中英聯合聲明》之戰眾籌上線！收到過萬正評之後，我地下定決心集結香港人力量，開辟《中英聯合聲明》國際戰場！我地有幸得到有大型眾籌經驗既人拔刀相助，令到以下眾籌page順利面世。 https://www.gofundme.com/f/uk-ad-campaign-to-defend-sinobritish-jd 為咗升級民間外交戰，我地2日內設計咗十幾款登報文案，下面係其中一款俾大家參考：重申一次，是次計劃絕非爭取歸英。今次眾籌由道義、人權、英國利益三方面做切入點，計劃透過： 1）反覆刊登英國報章全版 2）持續網絡攻勢令英國政府、大眾認真看待中共違反《中英聯合聲明》，繼而推出措施支援香港人，協助我地反守為攻！承接前post分析國際形勢，中美貿易戰、送中、立會香港旗、英國黨選等多樣因素加埋令《中英聯合聲明》得到真正關注、跟進並非天荒夜譚。籌備既時候，我地有咨詢英國政壇意見，得出結論係 —— 假如香港人唔把握今次機會，竭盡將《中英聯合聲明》推上國際談判桌，以後好難會有同類機會反攻！最後，感激大家因爲攬炒團隊過續而信任我地。為咗更加全面確保是次眾籌公開公正，我地同G20一樣有專業會計師同律師睇住盤數，爭取最多香港人支持。如果最後有餘額，我地會將全數捐贈俾英國NGO Hong Kong Watch ，自己分毫不取。補充一下，Hong Kong Watch 係由一班英國政壇關心香港既人自發組成，一直有同英國國會議員互動，關注《中英聯合聲明》。我地同佢地無任何正式關係，只求略盡綿力支援同路人。即使你覺得機會渺茫，你都唔應該放棄希望。要贏，就要贏埋我地香港過去5年失去既所有野，以至將過去22年所受既屈辱，百倍奉還 Credit: Financial Times 前Post: 假如我地帶頭發動眾籌英國登報，以《中英聯合聲明》做突破點升級，你支唔支持？ https://lih.kg/1292779