【on9+武術+甜】大學武鬥傳

太鐘意呀玲

點解

唔知點解 雖然佢係石仔個故 出既時間唔多 但係咁多個故既女角最鐘意係佢 第二個就係曈曈 可能因為呀玲出身令我同情佢

食個lunch追晒

好唔好睇先

小聖一開波有種莫名其妙的主動

好似真係有d，但翼女係靚仔黎嘛

幾時有阿玲嘅甜

戰力排名

彌生=叢雲=光晨>新月bb>石仔=rina>臭西彩>千柔>>>>阿德>>>>>>>>>>>>>>>>>>>>>>>>>>>>>>>>>>>>>>>>>>>>>>>阿七

未計翼女佢地

之前話臭西彩潛能最勁
佢遲d會唔會同悟飯同一命運

最多係比達姐
臭西彩波大冇腦

柒達

https://www.youtube.com/watch?v=HtjkF9HhK1k

邪惡比達係佢一生中光輝既時刻 無之一

邊有次威過

太鐘意呀玲

點解

唔知點解 雖然佢係石仔個故 出既時間唔多 但係咁多個故既女角最鐘意係佢 第二個就係曈曈 可能因為呀玲出身令我同情佢

好快到瞳瞳啦

6.



晚上10點

楊能都話眼訓得濟，要返去




「K.O！」

今次係阿翼連續第二十次打贏街外人


「好叻呀翼仔，你進步得好快呀」阿玲欣喜道:「石狗，依家翼仔勁過你啦，夠唔夠膽鬥過呀！」

石仔撩住鼻屎:「車..你隻性奴點都要做我專屬女護士一個禮拜架啦，拿拿聲打完返歸食野好過啦！」


阿玲鼓起嘴:「翼仔..你一定要幫我出啖氣呀！」

「呃..盡力啦」



石仔走埋過黎，入左一蚊

「翼仔，就比我睇下你既反應神經進步到咩程度...」




石仔飲左一啖Calpis:「今次照舊啦，一round定生死」

阿翼:「哦...係」





「fight！」


石仔今仗依舊用上Guile，而阿翼就用Ryu

一開始，Guile就只係用保守打法，不停邊守邊削阿翼既血量


阿翼一躍跳起，再利用遊戲既攻擊判定方式，以飛踢扣一扣佢血，並跳到Guile既後面

「咦，醒喎」石仔道

接住阿翼再以一下投技成功打破佢既防守

「阿力cool！」
「阿力cool！」
「阿力cool！」

Guile響起身之後就欲以sonic boom反擊，幸好都比阿翼一一擋住

擋格後，阿翼以一個突前，配上掃腳進攻


但似乎比石仔睇穿，佢以向下擋，防守呢一下陰招

再用一下SA Attack反擊，將Ryu打至硬直！




「弊啦！危險呀翼仔」阿玲都不禁為阿翼大叫

Guile見得勢，馬上配以連技，再接上Somersault Kick，將我既血扣到3分1



「嘿，睇你今次點死！」石仔笑道

阿翼冇理會，因為阿翼已經同Ryu融為一體！！



「呢個時候唯有主動進攻先會有勝算...」

阿翼先跳到Guile既面前，不斷利用上下腿同佢駁招，試探一下

「呢d招對我冇用架！！」


「阿力cool！」

Guile使出sonic boom

不過，阿翼及時向下躲下此招，再駁一招昇龍拳成功反擊


「呵U ken！！！」

響Guile落地一下則用連技同波動拳將佢既血量扣到同阿翼一樣



阿玲:「翼仔好野！！」



之後就係關鍵，邊個露出破綻就會輸

所以阿翼同石仔兩個拉開距離，慢慢佈署下一步


石仔率先行動，一個大前跳黎到我既背後

「你去死啦！！！Double Somersault Kick！！！！」

只係0.01秒，石仔就chok出超必殺技




阿翼睇準時機，以兩下退後

剛剛好避過Guile既超必殺技


「咩話！！！！」石仔大叫

阿翼馬上輸入指令，使出真空波動拳！！




「K.O！！！」

「贏左啦！！！！」阿玲攬住阿翼:「翼仔你好叻呀！！！」


「哼..竟然比你個衰仔打贏..」石仔攤響凳上道

阿玲對住石仔做鬼臉:「睇到未呀，翼仔打贏左你啦！廢柴石狗！！」



「咁係佢本事姐！」石仔站起:「性奴你咪又係要照著1個禮拜護士裝！嘿嘿」

「哼，死變態佬！！」阿玲牽住我:「翼仔肚唔肚餓呀？我同你一齊返去撐枱腳丫，唔好同隻死石狗食姐！」

呢一刻既阿翼，已經又攰又眼訓








「翼仔，有得食啦！」

著住粉紅色護士服既阿玲捧住兩碟牛扒出黎，香氣撲鼻


石仔見到後大感不滿:「喂，我果份呢！！」

「你食穀種啦石狗！唔理你呀！」阿玲為我切下牛扒，遞到我口前:「翼仔~~~呀~~~~」



阿翼吞下一口

「好唔好食呀？」

「嗯..好好食呀..」阿翼接住再道:「不過...我可以..自己黎啦..」



「聽到未呀死姣婆！翼仔都嫌棄你呀！」石仔食住杯麵道

阿翼不禁問:「其實..你地唔係拍緊拖既咩，點解都仲要咁樣..」


「哼！我先唔同你拍呀！」阿玲對石仔做出鬼臉

「你都on9！我見你咁可憐先收你做性奴咋！今晚我著埋醫生衫屌爆你個淫賤護士呀！」




食完野，石仔就車左阿翼返城大

「嗱，翼仔，我車埋你返hall先返去中出隻性奴，算唔話得啦喎！」

阿翼打開車門:「唔該石仔...但係你同阿玲...」

「都話左佢被虐狂黎架啦，唔駛理佢！」坐響司機既石仔笑道:「佢食我既住我既，唔駛擔心啦，你今日都攰啦，星期六日比你放下假啦」

「哦...係..」



「今日打左成日街霸，依家睇野開始越黎越快，不過我真係好攰啦....返到去要即刻訓先得」

第二日既12點

「喂，翼仔，起身啦！」楊能拍醒阿翼

阿翼半睡半醒答:「做咩呀..今日星期六，星期一先開學喎...」


「襯今日咁好天，我地武術學會去黃金海岸玩丫」阿翼被楊能抽起身

「仲玩？尋日打完成晚街霸已經好攰啦...」




出到去廳，發現小聖等人都齊哂響度

「阿翼你咁懶訓架..要我地等你！」小聖淘氣道

「唔..呢好意思..」阿翼摸摸頭:「但係，點解軍浪你都去既？」


「緊係啦，軍浪bb要同我一齊呀！」小珠攬住軍浪道

楊能得意洋洋道:「我一早打比薰姐姐，叫佢迫軍浪去呀，哈哈！」

「哼...我只係唔想比果個女人煩住哂」

楊能拍拍軍浪「軍浪，唔好成日咁cool啦，得閒就多d理下小珠啦」



出到去黃金海岸

可以因為係星期6既關係，所以好多人，位都冇乜


小聖同小珠大叫:「嘩！好靚呀！！！」

「喂，唔好掛住鳩叫啦，搵左位先啦」



好唔容易先搵到位

楊能一放低野就衝去出:「游水啦喂！！！！！！」

「喂，哥哥乜你咁架！！自己走左去玩！」小聖鼓起嘴道


「唉，你地唔好嘈住我訓教..」著住tee恤既軍浪道

小珠挨響軍浪身旁:「你地兩個去玩啦，我響度陪軍浪bb得啦！」

「我想訓個教姐，你咁都要煩住我...」

「嘻嘻，我成世都跟住你架啦軍浪bb」


小聖笑咪咪咁細聲講:「阿翼，唔好阻住佢地啦」

接住再道:「咁..我同阿翼去買野食先！」






小聖同阿翼就去左附近買野食

「嘻嘻，我地都係唔好阻住小珠同軍浪啦」小聖陰陰嘴笑

「哈哈...都係既..」



小聖問:「阿翼呀，你呢幾日練習成點呀？」

「其實果個人都只係教左我d theory同叫我打街霸咋..」阿翼摸摸頭答

「打街霸？咁得意？」小聖笑問


「係呀..佢話可以訓練我d反應..」

小聖微笑:「嘻嘻，咁都幾得意架喎，翼仔你要加油呀！」

「知啦..」



阿翼同小聖去小食亭買左魚蛋同燒賣

「阿翼，你想食咩呀？」

我:「無所謂...燒賣啦」


小聖叉起一粒燒賣，遞比阿翼

「阿翼食丫！」

我慢慢接過:「哦..唔該..」



「咦！你咪係阿翼？」

背後傳黎一把幾熟既聲音

正正就係reg day當日見過既王美瑠

濕透既佢著住一身黑色比堅尼，似乎係岩岩上水

「乜..乜係你呀美瑠？」



「嘻嘻，你仲記得我個名喎，好開心呀！」美瑠馬上挨過黎:「乜你今日又黎游水呀？」

小聖一改平日既溫柔:「係呀！阿翼係同我！黎游水呀！」


「係呀..真係可惜啦..」美瑠捉住阿翼既手心:「不過以後上堂都好多機會見到你啦」


小聖隨即扯開我既手

「阿翼，唔好理d無謂人！快d返去啦！」




返到去之後

「小聖，你..你做咩呀？」

小聖飲住橙汁:「冇..冇野呀..」


「呼，爽呀！」岩岩上水既楊能走過黎:「小聖，做乜苦口苦面咁呀？翼仔蝦你呀？」

「唔係呀...」小聖依然唔講

「個死姣婆...唔通又睇中阿翼...」

下一集晏d再出

點解有兩句咁第一人稱既

8.

兩日後就係今個學期既第一日

阿翼一起身就見到軍浪刷緊牙




「早晨..」軍浪竟然主動同阿翼講早晨

「呃...軍浪早晨」阿翼拎起牙刷:「楊能呢？」

軍浪輕輕一答:「仲訓緊」

「係喎，差d唔記得楊能話自己唔會返學...」




響阿翼食緊麵包既時候

軍浪已經拎起背囊準備出門口:「阿翼我行先」

「哦..好呀..」



一打開門

「軍浪bb！！！等左你好耐啦！！！！」小珠一野撲過去:「一齊返學丫！」

「你...做乜等我呀」軍浪一臉苦惱

小珠牽住軍浪:「咁我地都係一齊上堂架啦，一齊返去有咩問題喎？快d行啦，遲到啦！」


睇住小珠同軍浪，阿翼不禁有d羨慕

由細到大，阿翼返學放學永遠都係一個人，響班上面亦冇存在感，仲要有時比人蝦

「根本..從來都冇人珍惜我...」




「阿翼！」

響宿舍門口等住阿翼既，係小聖


「小聖..？你唔係返左學啦咩？」

小聖彈阿翼額頭一下:「咩呀？咁緊係等埋你先返啦！除非....你唔想同我一齊行姐..」

「唔..唔係呀！」阿翼連忙解釋:「只係..我咁大個仔都未試過同人一齊返學..」



「嘻嘻...咁以後大把機會啦！」小聖望望手錶:「就夠鐘啦，快d行啦！！」

小聖捉住阿翼隻手一齊跑

點解有兩句咁第一人稱既

改漏

個故先開始冇耐就個個都成雙成對 咁楊能點算

「today's lecture I will introduce...」


呢一堂係阿翼大學生涯既第一堂

但聽住呢個講師講野，我已經好想訓啦


相反，小聖就好比心機聽書




好唔容易終於捱到落堂

「啊..」我打住呵欠:「嘩..太耐冇上堂，差d訓著呀..」

「嘻嘻，慢慢就會慣架啦」小聖微笑道

「希望啦..」


阿翼心想:「奇怪..點解唔見美瑠既？」







一出到班房，就見到楊能等人都響哂度

「哥哥？點解你響度既？」

「一陣12點係學會就職禮呀，咪拉埋你地一齊去囉」楊能食住雪糕:「無理由得我自己一個上黎架嘛，咪拉埋你地去囉，哈哈」





五個人一齊入到去新興建既「史提芬周綜藝館」，入面都已經坐左好多人

阿翼問:「咁我地坐邊呀？」

「求其啦..」楊能指住其中一行空行:「呢度丫！夠前！」




小珠問:「其實今日除左就職禮之外仲有咩做架？」


坐最入面既楊能答:「有！大專武術大賽既抽籤一陣會抽埋架！翼仔同軍浪要留心啦！」

阿翼驚訝道:「唔係掛...咁快？」

「唔快架啦，10月16號就係第一輪比賽架啦」

其實..阿翼真係冇乜心理準備，畢竟石仔又仲未教過d實質既野



「唔使擔心，我睇果個石仔..應該真係識功夫既...」楊能問:「咁軍浪呢？」

軍浪合起雙眼訓教:「無論對手係邊個都冇意思..我都一定會贏」

「軍浪bb好型呀！」小珠又發姣:「到時你實拎硬冠軍啦！」

點解有兩句咁第一人稱既

改漏

有女餵食野就咩都唔記得哂

呢個時候，有另一批女仔坐黎我地呢行

帶頭既女仔就係nami，似乎就係女子籃球隊



唔知係咪命運既安排，nami正正坐埋去楊能隔黎

小聖細細聲笑住講:「哥哥，你個nami喎..」

小珠亦馬上付和:「去識人啦楊能..」

楊能冇講野，只係對眾人露出自信既笑容





「hi！你咪係女籃個隊長？你好呀」楊能主動發動攻勢

「hello！你好呀！」nami點頭示好:「你地係..咩學會架？」



「我地五個都係武術學會既」楊能伸出手:「我叫楊能，多多指教」

nami聽完楊能個名之後就係咁笑:「楊..楊能...哈哈..哈」

實在估唔到個樣coolcool地既nami都會笑到咁




呢個場面非常尷尬，小聖幾個都忍住笑

但反而楊能又冇乜野




「對..對唔住呀..一時忍唔到..」nami握住楊能既手:「我叫何娜美，你叫我nami得啦」

楊能點頭:「我知呀，有時我經過都會睇下你地女籃比賽架，你都打得ok丫」



nami大感好奇:「係咩！多謝你捧場呀，不過近排我地都打得麻麻地，d friendly都輸哂咁濟」


「其實你地進攻方面都打得幾有組織，可惜防守都仲係差少少」楊能扮到好有智慧

「嗯！！我都咁諗呀！」

個故先開始冇耐就個個都成雙成對 咁楊能點算

真毒楊能

點解有兩句咁第一人稱既

改漏

有女餵食野就咩都唔記得哂

係就好

楊能同nami一路傾得開心之際，阿翼亦問小聖

「小聖..一陣果個就職禮有咩做架？」

小聖笑答:「聽阿哥講，好似就係上台拎一張就職證書架咋..」

「吓..咁簡單架咋....」




一個身穿西裝既主持人行出黎

「好！歡迎大家來臨香港城市大學學會就職禮！依家請各個學會上台領取證書」





好快就輪到阿翼佢地既武術學會上台

個過程真係快過去澳牛叫餐，上去、拎證書、落返黎





「好啦，今日最後一個環節，就係公佈黎緊9月15號舉行既大專武術大賽校內選拔既分組啦！」主持人興奮道

熒幕出現一個大大既樹狀圖

「呢個就係今次校內選拔既樹狀圖啦！今次校內總共有24位參賽者，而出線既名額就只有三個！」




楊能一路睇住:「每組8個人，玩淘汰制，即係要打3次先出到線啦..我就B組，第一場打...泰拳學會既唐拾一..聽都未聽過」

隔黎既nami問:「咦，乜你都有參加呢個比賽架？」


「係呀！如果你得閒既話，到時黎睇丫！」

nami笑答:「嗯，好呀」




「軍浪bb就A組..打MMA學會既彭與硬」小珠笑道:「不過點都唔係你既對手啦！係咪呀軍浪bb！」

「無論咩對手，我點都會贏..」軍浪轉頭望住小珠:「不過你可唔可以唔好再叫咩bb，好噁心」

「咩喎，咁小學果陣我都係咁叫你架啦，哦..你怕醜！」



「咁我...」阿翼不斷搵住自己既名

「響C組，第一輪對手係....」

空手道學會既戴施興！！！！

個故先開始冇耐就個個都成雙成對 咁楊能點算

真毒楊能

我收返我講既野 話口未完就掂到女神隻玉手

「估唔到第一輪就要打你呢個死o靚仔！」

一講就到，戴施興已經響阿翼身後出現


「放心啦..到時我會快快手解決你！」


楊能笑道:「所以話你真係on99，阿翼已經練成左三十招必殺技，到時睇怕你唔想入放學ICU都唔得啦！哈哈」

「必殺技？！哼，睇下點！」講完之後戴施興就離開場館




「哥哥呀，你又做乜擺阿翼上枱呀！」小聖氣沖沖問

楊能輕鬆道:「唔駛驚..呢一個月，我相信果個石仔一定會教到翼仔打得贏呢個大師兄既！」

「如..如果唔得呢？」我膽粗粗問



「咁我地武術學會就會正式收皮」