[長氣多圖][不爛尾] 道北海角之旅

睇埋你啲舊po,多咗好多地方想去

我比較貪心
度度都想去下

一陣完左佢

DAY8 余市蒸餾所 島武意海岸 神威岬 新千歲機場 羽田機場

成晚都覺得間旅館唔係好值
不過一朝早起身個早餐係絕對可能令人改觀既
雖然係全自助餐

地方細細但勁多款式

而且唔係鳩流流果隻

粒燒賣都靚過尋日好多

同埋終於見到個河景

加埋今日好天氣
真係一個完美的朝頭早

咁其實而家一泊一食都唔洗過千
就原諒左佢啦

臨走影多張

呢堆房就有小樽運河景
不過價錢都會貴好多

上次黎運河既時候係冬天既夜晚
今次黎到係夏天既早上

兩種完全唔同既感覺
其實條運河真係無相像中咁差
不過連登仔所有野都係伏咁無計
尋晚住果間旅館其實都幾顯眼

今次要拖住個GIP行番去車站
越行真係越憎呢一段路

又見番呢條手宮線



放左件行李係小樽巴士總站

500YEN雖然唔貴
但原來可以放係旅遊巴下層
蝕左

今日參加既係中央巴士既J-2經典路線

今年中央巴士加開左新既K線
一樣都係去積丹半島
但係唔會經過小樽
所以都係參加左J2呢條線

係第一大廈果邊拎飛

8000YEN連午餐
不過如果要我再簡一次既話
我就一定唔會參加啦
一黎旅遊巴次次都迫到死
二黎我自己應該唔會去試酒
三黎可以簡埋自己想去既餐廳食午餐
不過咁
巴士真係好少班次
要PLAN得好好好好先得
尤其是我夜晚仲要飛番香港就完全係唔方便
只可以選擇呢條交通方便既計劃

時間表

中間遮住左既係島武意海岸
只有廿五分鐘時間
而最後既水中展望船亦都取消左
雖然有塞車
但比起預定時間早左好多番到小樽

係小樽同札幌上車既分別在於
可以遲50分鐘起身
不過又要減番由運河行上黎巴士站段路
其實都係慳左半個鐘左右
純粹叫做可以入住到呢間小樽最高分既旅館而已

可能我早BOOK左
我個位就排左係車頭

格離坐左個中東佬
不過佢都算幾友善

第一站係余市蒸餾所
坐旅遊巴就無辦法係余市JR站買入場券
而到達前每人會派一張試油卡

手寫你自己個歲數就可以免費試飲
唔想飲既話可以到格離博物館參觀

8888車牌應該要好撚貴先入手到


今日中央巴士既導遊

咁宗谷巴士既導遊感覺上親切好多

余市蒸餾所

入到去先知道張試油卡係任拎既


試油場

每人可以得到三杯

有介紹教你要溝乜野黎試飲


話說
今次全個旅程做得最錯最後悔既事
就係飲晒呢三杯酒
我自己酒量係極差
飲完之後塊面紅過關公
再加上坐長途車搖到個人好唔舒服
結果呢個旅程既最後一日就比呢三杯酒破壞晒

無研究開D油真係唔識



見仲有D時間就落去博物館行下散下油氣



入面擺左好多油筒
不過好黑影唔到相

由余市去島武意海岸
都要成粒鐘時間
但可以係星期日關係
係勁多自駕車駛去
都真係塞左一段時間


去到島武意真海岸果時真係好唔舒服

島武意隧道

入面好黑乜光都無

穿過隧道就已經見到海岸

又係藍到不得了

其實係仲可以行樓梯落去海灘

但一黎時間少
二黎唔舒服
最後都無落到去
而事實上周圍都好多人
又多旅遊巴又多私家車


最後去左廁所嘔左嘔
叫做舒服左少少

午餐係間叫鱗晃荘既旅館入面食

有碗魚生飯同豆腐

但係好唔爭氣個胃已經亂七八糟
竟然食唔晒

我地今日坐既就呢架紅色既北海道中央巴士

積丹渠蓋

全日三個景點既最後一站

神威岬
亦都係我係積丹半島最想去既地方
但係估唔到原來神威岬停車場同燈塔既距離係差咁遠
仲要上上落落
唔怪得比成70分鐘係神威岬公園自由活動

淨係行上去入口都已經不得了

真係好辛苦

入口
女人禁制之地

好多巴打講番
呢度天氣一唔好或者大風就會唔開放
好難得今日天氣好
又無乜風
但我個狀態就真係差到不得了

係禮文島已經覺得澄海岬不得了
但係神威岬更加係其之上


最可惜就真係要行山


人又多
仲要比後面推住咁行
雖然真係好撚靚




我好少去一個景點會行唔完
決定左既話
就算唔夠時間
都會想辦法行一個圈
但係黎到呢度諗
我諗再行落去真係會死
就算去到盡頭應該唔會比而家見到既再特別既
最後我真係無行完全個神威岬
失望固然係失望
但真係命仔緊要
我仲想要番香港發夢

就係咁番左轉頭
而成個積丹半島就咁完滿結束
但係當中因為飲左果三小杯油搞成咁
我真係以後都唔再日頭掂油
少少都唔要了

回程係余市個宇宙紀念館停左一陣
附近有些少手信可以買下
但係就唔夠時間入去紀念館參觀
真係純粹係門口望下

咁樣北海道既行程就真係結束啦
淨係得番坐機場線去新千歲轉機到羽田再番香港

因為番到小樽時間算早
就去轉左另一班機場線番機場

去到新千歲一如以往都咁混亂


時間多左好多
可以慢慢係機場買手信
今日係係國內線轉機
唔洗好似上次係咁來回國際線同國內線

又番左去PKMON STORE睇野
唔講都唔知今年係番炒超夢夢


新千歲國際線禁區入面就好多免稅店
上次仲話邊個ON9會係出面買手信
今次我就做到啦
唯有係同一間買多d去到個免稅額啦
結果又去番上次果間買薯條同蛋糕

係新千歲坐ANA番香港既話
就可以黎到國內線既呢個轉機COUNTER CHECK IN

行李會直掛到香港

夏天D行李真係特別輕
然後會出齊所有連埋番香港既機票

不過係國內線出既機票紙質就同國內線一樣
再加上多張轉機巴士飛比你

其實係無用既
到時架巴士都係任搭既

新千歲D餐廳長期都係FULL晒要排隊
我都係入LOUNGE冷靜一下

國內線個lounge都幾大

但係只有野飲就無野食既

係度望下停機坪

望到黑到天埋

最後呢班機仲要DELAY左

因為今日星期日
而呢一班又係全日最尾一班飛番東京既機
真係坐到FULL晒
一踏出LOUNGE果刻就好似去左難民營咁
個個都爭住上機
都幾惡頂

坐一陣就已經番到羽田
落機又係餓狗搶屎咁衰撚過香港人
坐巴士轉個terminal
又再入禁區

要坐頭等先可以行優先通道

上次去國泰lounge個雞拉麵就麻麻地
今次去埋上次好串日頭唔開既ANA試下

不過一到埋牙位就緊張到手都震埋

折騰左成日
入到lounge第一件事就去沖涼
番到羽田機場都十點幾鐘
個lounge就無乜人
所以沖涼房都係任用

其實就無乜特別


不過第一次用dyson風筒

細路仔唔識野連開都未識開
舞左一輪先識較熱度
仲有結衣BB套裝


沖完涼舒服晒搵個位位低

都真係幾少人下

又有飛機睇


可能夜媽媽
熱食唔太多

壽司亦唔算吸引

今朝飲完而家真係怕怕

不過即叫即整都仲有供應

要左9號拉麵

部機仔都幾大部


好快就有得食

質素都唔算話太好
但叫做好過國泰果邊

好耐無坐過凌晨機番香港

波音767

座位唔係1-2-1
而係2-1-2
本身我係揀左最後排呢款毒撚位既

但後尾見好多唔多人搭

就轉左坐雙人位
雖然唔係真J
但無人係格離騷擾其實幾舒服

welcome drink

一人一支水

個位就同國泰假J差唔多

如果假J黎講
可能日航真係最好
起碼可以成張開盡打斜
ANA都要屈少少


早餐餐單

不過呢
今日又試過唔舒服
又坐左成日車
又要轉機
真係幾累下
結果一上機就訓著左
訓到機長廣播先醒
好訓係好訓
不過就無左程飛機餐
最後剩係得杯野飲


番到香港仲要等頭班巴士番屋企
果時先岩岩天光

最後因為7月1日
新一個月可以報名參觀皇居
點知已經全撚部full晒

下午又唔開放
咁難得有機會去到東京
都係去唔成皇居

全程
完




係日本呢幾日
每日都mon住香港發生咩事
其實真係好累
臨近71
去到機場真係好想快d飛番香港

然後呢
星期六就會出發富士山之行
今次唔只係我一個人決定既事
雖然登頂並唔係乜野大夢想
但都係微小心願既其中一個
無話一定要達成
但為左呢次旅行比起前幾次都準備得更多
再過多幾次
身體未必支撐到咁多負擔
我真係好希望呢個目標唔係出年亦都唔係第時
而係可以係今次完成

或者
呢次遊記呢
可以出得比較鬆動D

樓豬又去東京食囡

咁多人去皇居

唔係好明
你講緊臨上機前去參觀皇居
定嚟緊下次去皇居？

完本 support

去迎賓館或者日本銀行啦

Yes dklm

渣ga Ching
3杯仔就唔掂

真係要鬥搶先得
坐完架飛機已經無晒

求介紹

下次

參考下先
不過未必book得切

你都見過我飲完豬hai個樣架啦

你兩個

要問另一位ching喎

渣ga