[長氣多圖][不爛尾] 道北海角之旅

瑞士

唔識滑

無假係要咁玩架啦

唔識咪搵鬼妹教你囉

樓豬食女唔駛你教
搞掂俄妹，嚟緊係瑞士妹？

俄妹好似高質D

睇完覺得都唔係好值得去

想問下一月去稚內嘅話多唔多札幌機欠航

咁日本妹要邊個教

俄妹一定高質好多啦

竟然係咁
禮文真係靚

我見有巴打話得一半半機會

樓豬啲日文咁勁
緊係樓豬教埋

DAY4.2 野寒布寒流水族館 稚內市青少年科學館 野寒布岬 稚內站

由碼頭又行番去車站
七月中上天氣之子啦

而香港要遲一個月先有得睇
唔知今次新海誠仲會唔會黎香港呢

兩點幾番到稚內
而一陣五點幾就要坐火車去旭川

淨番三個鐘頭
係夠時間去埋稚內另一個岬
野寒布岬
再食埋海膽飯
原本係咁樣PLAN既

車站出面2號巴士站就可以坐到巴士去野寒布

大約三四個字會有一班巴士
估唔到係呢種地方都會有咁密斑次既巴士
巴士站連俄文都有


巴士總站係野寒布站
但離開野寒布岬都仲有幾分鐘既路程

離遠都已經見到稚內燈塔

原本係想去最出名既樺太食堂

點知已經賣晒last order左

今次黎到稚內
vin又食唔到
估唔到連樺太食堂都無得食

咁我唔份氣
又唔記得自己bookmark左漁師之家
唯有去格離果間みなとや

入面一個人都無真係伏伏地

黎到最北成三日時間都仲未食過海膽飯
伏都要試一次架啦

其實都OK既
不過可能海膽真係唔係我杯茶啦
第一次食全碗海膽飯
感覺係怪怪地咁
下次都係叫做海鮮丼算
對我黎講
海膽可能都係用黎做配菜比較好

原本以為未必夠時間可以去晒野寒布岬同埋水族館
但原來兩個地方都好細
食完野再行完都夠晒時間有突

水族館500YEN入場
入場費包埋另一個科學館

可能我遲黎
兩個館加埋可能都只係遇到十個人左右

一入場就見到ON99生勾勾

全部只有兩個戶外水池

一眼睇晒就係得咁多

兩屠高室內館

又有印仔玩


特別嗚謝室蘭水族館

咁細個館入面都D野其實都無咩點期望過
不過有D的的色色又幾得意







出番黎見到隻野都仲係咁ON99


另外間科學館
感覺上好似仲多D野睇

因為睇過比宇宙更遠的地方

所以其實對南極大陸都幾有興趣

當年第一次睇呢套動畫
真係幾感動
我咁多年既人生到底係度做過D乜

仲有一個獨立館
但出去果時大風到仆街

入面有獨立貨櫃

模擬番係南極探測既住屋

竟然仲有慰安婦



本館仲有D化石睇下



冥王星已經完全消失左係九大行星之中

稚內燈塔就係水族館外面

今日既日落時間係1926
但係咁既天氣都已經無乜點分日唔日落啦

野寒布岬即係惠山泊海港公園

真係一個海港黎

原本都幾多人既
不過幾乎全部都團體客
一窩蜂咁黎
又一窩蜂咁離開
等下等下就影到無人既野寒布岬


同宗谷峽一樣
東北面就係庫頁島
不過又係乜撚都望唔到

成個公園就係得咁大

同宗谷峽一樣
真係有種到此一遊既感覺

係度吹左一陣風
另一批既泡菜客又殺到

我都係走先

同宗谷岬一樣
野寒布岬一樣有間手信店
但係呢間就大間好多

一樣有到達證明書賣
但係呢度更加識搵錢
加張郵票又可以呃到我洗多D錢

發覺今次黎到道北
無乜我最鍾意儲既鎖匙扣
但係呢度到達證書就好撚多

又番番去巴士總站坐番巴士走

比預期時間用得更少時間
唔洗趕JR

其實第一晚係稚內就已經諗起
我記得人地玩四極踏破
係可以四張證書合成一張既
但我係宗谷岬買果張最北證明呢
係橫睇點睇都唔似係一張可以四合為一既野黎
所以我就上網睇下
到達四極踏破張證明書到底要點拎既呢
最後搵到
原來遠在天邊近在眼前
係稚內車站入面既觀光案內所就可以拎得到

同佢講想拎CERT
佢就會叫你簽個名寫低自己係來自邊一度
問埋你幾時去過幫你整番個日子
係就算你無去過宗谷岬佢都唔會理就係發張證書比你


呢張真係可以四合為一
以後可以去埋其他三個岬

再番埋酒店拎番張行李
三日兩夜既最北之旅就要結束啦
講真呢個地方並唔係話好靚
但地理黎誚係真係有D唔捨得

等等下已經見到架埋左站

特急宗谷號

上次去指宿無去到日本最南JR站
今次終於去左日本最北JR站

搵左位日本人幫我影相

發覺佢係斜恩黎

係最北車站
有好多車站既距離寫晒係度





最後係日本最北端
稚內驛

今次真係要講聲さよなら
唔知有生之年仲會唔會再番到呢個地方呢

由稚內坐到旭川
坐左差唔多四個鐘
如果去到札幌更加要五個幾鐘
其實換ANA機票中間可以包三程內陸機
但因為時候關係咁坐坐夜車可以慳番一個日頭
所以我都係揀左自費JR去到旭川

坐坐下就聽到廣播話架車去唔到札幌

車內職員真係要續個續個去旭川既乘客講解要點做
其實我都唔係好清楚發生咩事
因為我只係去到旭川
職員都無show過我

唔經唔覺又坐到左旭川
一個四個月前曾經到過既車站
旭川動物園既巴士時間一樣都繼續寫左係車站入面
呢架新既觀光火車唔會停旭川
但竟然都會見到宣傳


之後會係旭川住兩晚
係旭川站新開既Y'S hotel
酒店正正坐落係東出口
極之方便

因為新開
間房都叫做靚靚仔仔

但佢就出左公告話可能有飛蟲
叫人唔好開窗

Y's Hotel係東出口
而係西出口既就係JR Inn
完完全全就係正對面


安頓好晒就落街夜遊一下
上次黎到只係去過旭川動物園同埋AEON
住都無住到就去左層雲峽
今次終於可以好好地咁係旭川遊一下

作為北海道第二大城
係完全無辦法同札幌相提並論


十點鐘左右JR站都已經唔見晒人

今晚既目標就係離開車站十幾分鐘路程既成吉思汗大黑屋
係估唔到附近好多無料案內所

成吉思汗大黑屋

一個人食燒肉唔係未試過
但今次真係有D唔慣
周邊都好熱鬧好嘈
我覺得自己係完全格格不入

餐單就全部都係羊

其實就唔係太肚餓
黎到真係純粹想見識一下呢間旭川最出名既食店
咁就只係叫左兩款羊肉
連飯都無叫到
靚女副店長即刻拎左個爐出黎

即場仲幫燒左第一舊羊
其實副店長真係幾靚女
但係成浸油煙味
同個feel好唔夾

好食又唔係話特別好食
不過我平時都麻麻地食羊肉
呢度真係完全無羊羶味
以為食緊牛肉

飽就唔係好飽
不過意思意思一下盲唔錯
再食埋個甜品都差唔多


夜已深
不過酒店仲有個大浴場
話說今日真係行左好多路
真係要鬆一鬆

過左十二點一個人都無
可能霸晒成個場

仲有桑拿可以焗

DAY4 完

聽講有人食開雪糕

仲諗緊
主要原因係無乜好吸引我去嘅景點
仲要係chur住一日兩島咁
但又想去下宗谷岬
去到又無理由唔去埋
好能矛盾

無料案內所有咩睇？
靚女副店長又冇圖？

毒撚邊敢影相呀清

又無話一定要去既
好多人冬天去都無呢個島去

睇黎5月去呢度睇櫻花仲好