[長氣多圖][不爛尾] 道北海角之旅

下次去北海道應該都差唔多係咁
不過就旭川變左根室
去埋知床5湖

Thanks
不過都應該會寄 返事拖住搭花咲線同釧網線
寄左既話可以去到旭川先拎返

教我食女ok?

冇咩薰衣草

Lm學嘢

DAY6.2 北海道中心 富良野神社 景觀之路 千望峠 日之出公園 カミホロ荘

坐巴士去到富良野本通5丁目落車

其實格離就係北海道中心
但係北海道中心位於富良野小學入面
而其中只有一面開放比大眾
其他全部都係學校範圍
所以即使近在眼前
都要兜個大圈入去

北海道中心

成個中心標都係學校範圍入面


出面就係操場

如果係上面番學既細路
應該會成日見到好多ON9唔知做乜春黎個咁無聊既位打卡

學校對面就係富良野神社
未夠鐘租車就隨便行下

入面一個人都見唔到



手水舍竟然係手龍頭黎

D水都唔知係度積左幾耐

簡簡單單參拜就算


硬係覺得北海道D神社唔太出名
唔知係D神明覺得北海道太遠定北海道人無乜神仰呢

富良野農夫市集

其實即係一個商場仔

有好多間餐廳之類
仲有個廣場仔可以休息表演

二號市集

無乜特別

行過富良野最出名既餐廳唯我獨尊後面

原本都諗住係度食既
不過既然食左個漢堡包
就直接去拎車唔好浪費時間啦

最後黎到富良野站

富良野薰衣草特急

我已經BOOK左聽日回程
所以最後都揀左係呢度還車
還完車就坐呢架特急番去札幌轉小樽

同埋最重要既當地入場券


因為我係JR北海道租車
所以寫字樓亦都係車站入面
我大約會由三點起租車
租到聽日四點半還車
就算K CAR係好平
但保險要買兩日
所以加加埋埋都要成五舊水港紙左右

第一次係日本租車
準備好護照
國際車牌
信用卡大致都無問題
不過佢仲會問埋你今晚同聽晚住既地方
其實搞好晒都過晒鐘
我租三點車
夜晚六點前要去到溫泉旅館
中間幾個景點都有D趕
當然係想越快越好啦

呢架就係我第一次自駕既私家車

日產DAYZ
屎忽仲要貼左張我係外國人既標誌係度

CHECK完車基本上都無咩問題
然後佢就會教你用GPS

拎住呢個表入左D號碼落去就可以搵得到你想去既地方
可以你佢既CODE
或者電話號碼

不過因為我一早已經SET好晒係GOOGLE MAP
仲特登買左個車夾過黎
所以就無咩點用部GPS
同埋上富良野八景有好多景都搵唔到
都係信電話比較好

唔好話真係第一次係日本渣車
事實上我一個人渣車都算係第一次
係香港考完車都無實際點樣渣過
係臨出發前兩三個星期先搵左師父操左次車
想當然係比人屌到仆街
所以黎到日本
仲要一個人渣車係真係有D驚

不過
凡事都總有第一次
想要係每次旅程都得到更多
就要接受新既挑戰
而今次
就係我一個人去左自駕

其實一開始都唔係好習慣
係好在就係JR站都唔係太多車
不過一出到郊外就黎料
明明路牌就寫住40km
開到六十幾都比人過頭
然後我開始知道係郊區係無準則
雖然入彎始終都係唔太習慣
試過有一次差d失控
但係習慣左都無乜野
最後都叫做無驚無險咁還番車

由富良野開出去
第一個站係離開差唔多廿分鐘車程既上富良野八景
景觀之路

發覺呢D景點路線都會少少位比你泊車
[img]t[/img]
唔洗停係路中心

睇完風景就閃介
仲以為呢D地方會停好多係度影相

我以前唔太鐘意渣車既原因
係因為所有景點都係點對點完成
上車
到景點
然後又上車
再到景點
好似完全都無係呢條路上面行過咁
有時連自己去左邊
都會好陌生
講唔出
但係呢幾個上富良野八景
如果唔渣車又一定去唔到
所以好多野都好矛盾

下一站
千望峠

有個觀景台仔

風景同頭先差唔多咁

一樣係上富良野八景之一


其實我本身都有PLAN過去晒八景
但當中其實有D好偏又無野睇
最後都放棄左

就係咁
連遊記都變左係飛住去一樣
所以我先至唔係咁鍾意咁樣好似完全唔洗搵交通工具就去到既方法

中間無經過上富良野站
不過都去左便利店買左呢張入場券

呢一堆地區既圖案
唔係用薰衣草
就係用上呢架小火車

是日最後一站
日之出公園

公園有上下兩個停車場
我就泊左下面果個

然後行上去

感覺真係得富田農場果邊先多人
黎到呢度已經少左好多人煙
而最重要原因
可能都係薰衣草未開掛

一千頭乳牛達成


其他花都好似麻麻地咁

日之出公園應該係比情侶黎既

其實都叫做有D薰衣草既



日之出公園

薰衣草發祥之地

係好耐之前
呢度應該係有吊凳可以升上黎

又或者
滑雪季節會有用掛

個場其實幾大

但有D空洞

想當然
呢度都係上富良野八景之一

戀人之鐘

無戀人既我
只可以係度酸溜溜咁響鐘

唔知要幾時先會滿開呢


之前話呢個公園有兩個停車場
呢個就係山上面既停車場

仲個展望台

對面可以望到今晚住既十勝岳

毒撚神器

可以係度自拍

如果成個場都紫色係應該會幾靚既

但原來並唔係所有紫色植物都係薰衣草

佢無寫出黎既話我都唔知

食完周圍行下
細細間既手信店

不過唔岩我呢D寄走左行李既人

門口擺左兩架單車係度


十勝岳公仔

賣成800YEN
真係唔知邊個會買
又唔係得意

原來係真係有巴士可以黎到既
每日來回三班車


呢度仲做埋日歸溫泉

但環境又唔算太雜
係可以接受既水平

上次係禮文島影唔到星星
呢度竟然話富良野係日本讀排名第一既星空

可惜望出去又係一粒星都見唔到

雖然臨近七月

但呢度都係得十度左右
避暑真係一流

睇新聞見到話有兩人死左

諗番起自己今日渣車都差D出事
好在無上報紙

唔講唔知
原來沙灘都有開封儀式


入夜之後窗外面黑晒乜都睇唔到
好多飛娥見到有光都撞過黎隻窗到

仲有幾隻唔知點撚解可以入左黎

咁飛娥就點都好過其他蛇蟲鼠蟻
起碼個樣唔算恐怖
係煩左D

最後試埋個溫泉
可能個景都係差唔多
呢度男女湯係唔會交替既

而D相係日頭影既

都幾多位比人沖身

室內溫泉

露天溫泉

真係可以直接爬到出去草林
但係夜晚比人霸住左
我都係要第二朝先浸到露天溫泉
仲有個桑拿室可以玩

整體呢度雖然唔算係太大驚喜
但都尚算滿意既
最重要係遠離市區
呢度起係山上面
連溫泉街都稱唔上
如果冬天黎到可能真係會好爽

DAY6 完

你應該搵成日回你果位清先岩

未開晒

10度浸溫泉正呀

樓豬馬路炸彈

邊位

好眼訓

十度係真係濕浸浸

已經升左lv