岩岩出院然後依家食藥食到成個人呆曬
見到又有烈士出現，愈來愈多人情緒受困
大家既無力感，我好明白，好似努力做咩都冇回報
又會覺得自己好廢好冇用，明明咁多人支持都撐唔到落去
然後愈諗就會愈唔開心，會不斷問自己點解企唔返起身
每一次我有自殺念頭前，都會進入依個「惡性循環」
愈係深究自己點解會咁，愈對自己產生厭惡，就會慢慢步入絕望。
但今次出左院同以往唔同既係，我有好強烈既感覺：
「我唔想再係咁」
唔想再一面喊住又笑住咁自殘
唔想再冇曬表情絕望咁上天台
更加唔想比人送去醫院然後比人綁住個身冇曬自由
我唔想再係咁。
所以就算好辛苦，食藥食到變on9，晚晚都好難過，一孤獨一人就好易喊⋯⋯
每次訓醒我都要提自己「我要生存，我唔想死！」
我唔想死！
我要改變！
我唔可以再係咁！
我知道大家一定好辛苦，好自責，好討厭自己
但我想講，你地已經好努力！好叻！
你地仲見到依個po，就代表，你地係堅持緊！努力緊！身邊既人唔理解，唔緊要，但我睇得出你地既掙扎！
冇人會怪你地嫁，冇人會鬧你地嫁
大家都唔想再失去任何一個同路人
就算依個諗法係自私，但我都唔想你地走！
深呼吸，放低電話
食自己中意食既野，冇胃口都要迫自己食，
或者做下其他野，運動又好，打機又好
又或者學下人祈禱，當同個外星人吹下水
我果個po有巴打勸我暫時唔好睇連登，比自己抖一抖
我聽左佢講，迫自己唔睇，係有啲作用
但大家唔好覺得咁樣係逃避
，休息係為左走更遠既路，人冇事先做到世界冠軍
（雖然依家都係忍唔住開返黎睇）
相信自己總會走得出黎
總會有曙光既一日
加油
