[塔羅]新手, 你問, 我盡力解牌

牌 : 正位寶劍騎士 逆位聖杯5 逆位寶劍10

寶劍騎士指出對方對你都有啲好感, 同時代表其中一方唔會耐心咁陪伴&守候, 就算兩情相悅, 對佢黎講都有好多野重要過愛情。

逆位聖杯5代表雖然遇到挫折, 而且問題並未解決, 但當時人已經睇同開左, 決定只保留美好。

逆位寶劍10代表兩之間激烈既爭吵/外力破壞, 不過重有彎可以轉。

對佢黎講愛情無咁重要, 你睇開啲啦
你真係想同佢一齊的話, 睇怕你都係要忍落去, 唔係就嘈大交

牌 : 逆位正義 逆位權杖侍者 正位隱者

逆位正義代表過去你受到過不公平既對待/你對人地不公平(etc始亂終棄/十五十六)

逆位權杖侍者代表難以得到對方注意, 如果你最近有目標, 對方好可能對你無乜興趣。

正位隱者指出你不善於經營人際關係, 人地好難明白你諗緊咩。

綜合黎睇, 你最近都無咩機會拍拖住

Ching你啲解法幾獨特

牌 : 逆位錢幣9 正位權杖騎士 正位正義

逆位錢幣9代表你前排被冷落/感情上比較被動, 成日宅係屋企。

權杖騎士代表熱情開朗熱愛運動既男仔, 好中意帶你出去, 亦可以代表有一個高度競爭情既情敵出現。

正義代表依段感情經過審慎評估先係一齊, 彼此門當戶對。
不過結合上一張牌去睇的話, 你可能要同個個情敵"公平競爭"

整體黎講都算過得去, 如果無情敵出現的話就好有可能可以結婚, 有的話就……
只可以同你講, 你要加油啊

鍾意左個女仔幾年 4年前同一間學校 近排搵返佢 有冇機會追得到

因為係未發生既事, 怕你被兩張逆位影響到時心情。

先提提你。

占卜結果係不加以外力改變之下既結果, 一切皆有可能

牌 : 逆位寶劍侍者 逆位寶劍9 正位錢幣6

逆位寶劍侍者提示你要小心講野, 無把握既野就唔好亂講。

逆位寶劍9代表可能會受到批評同打擊, 將會遇到麻煩, 你可以暫時逃避問題, 有助轉變心情。

錢幣6代表獲利, 如果你入到的話間公司係相當唔錯。
同時張牌提示你要有合理規劃, 分散投資, 可以試埋其他公司既考試

牌 : 正位錢幣8 逆位愚者 逆位聖杯4

錢幣8顯示分手原因係因為太過老實, 無晒激情/過份埋首於工作。

逆位愚者當時人比較天真, 缺乏捫辦是非既能力, 容勿被人玩弄感情, 重要睇唔清現實

逆位聖杯4代表當時人係感情中不再安於現狀, 想尋求新既刺激, 甚至新既對象。

雖然你想復合, 但對方有可能已經忍唔住想去搵新對象。

當然占卜既結果係可變既, 你真係想復合既話, 真係要花多啲心思啦, 雖然話細水長流, 但偶然都要有啲驚喜&新花款㗎

問愛情

識左一個男仔5個月，當中有發生關係，
基本上得我主動搵佢
請問會唔會繼續會有好發展？

單睇逆位錢幣9的話的確有可能, 但加埋張寶劍6的話我覺得正向既可能性高啲咁

不加外力改變既結果即係？
係咪機會都唔大？

畢竟只係靠書自學左一排, 唔係好知自己同大路解法差幾遠

失業中，我會搵到份好工嗎？
想占埋男朋友既職業前途。
唔該你

簡單黎講, 姐係你去補反可能出現既不足的話, 就好有可能改變到個改果

比如再準備下個考試既範圍

明白既 唔該你！

再推, 唔該你Ching

我已經拍埋道歉片⋯⋯
佢已讀不回

咁誇張
方唔方便講下你點解激嬲佢

再推，唔該樓主

我都推一推

問愛情
同男友一齊幾年，想問幾時會再進一步

牌 : 正位錢幣10 逆位錢幣9 正位女祭司

錢幣10代表關係緊密而不熱絡, 其中一方可以提供穩固安全既生活, 但感情交流較少, 缺乏浪漫。

逆位錢幣9代表被冷落/被動, 甚至係玩玩下既感覺, 對方對你既感覺可能未去到戀愛對象既程度。

女祭司代表矜持拘謹, 理性與智慧, 對愛情無乜興趣既感覺。
係戀愛中有口是心非既傾向。

抽到呢張牌的話, 短期內你想成功打動佢既可能性比較微