[塔羅]新手, 你問, 我盡力解牌

目標泛指好多野, 逆位錢幣2有暗示你可能同時暗戀緊幾個人既意思。

你最好先決定下對依家既你最重要既事係咩, 係想拍拖?想努力搵錢?定係有其他野都好想做?

如果真係想拍拖的話, 要睇清楚你最在乎既人係邊個, 唔好十五十六咁

我地係唔同部門
好難先會有一次機會一齊做嘢
佢就係黎hi過我兩次，但我份人比較冷淡後知後覺
錯失過幾次認識機會

問愛情
想問下今年年尾之前有無機會遇到適合拍拖既對象？

想問愛情
分咗手半年，但半年都一直有聯絡同見面，想知道復合機會。thanks thanks thanks

準到好癲啊樓主我真係有同時間暗戀過其他人
多謝你啊

唔係呀有冇可能一齊拍拖 我連拍拖都未開始

長知識了

最近對一個男仔有好感 個男仔應該都對我有好感。但大家對大家好似無左份信任咁 個男仔好似忽冷忽熱咁。想問愛情 我同佢會點

佢就真係好大差別 不過你講中左我又真係好難揾到好岩傾計既人 上一個就算幾差都好 我都好想識同一個type

散左個幾月
想問會唔會復合？？
Thx!!

近排同個女仔成日見面出去食飯行街
大唔大機會一齊？
Thanks

估唔到有咁勁既好評
細個個時都有買過書想學占卜
但個時三分鐘熱度, 所以虎頭蛇尾咁
如果大家覺得我解得ok的話
我都想將占卜當兼職咁去試下

同你睇左睇女方既諗法

牌 : 正位女祭司 逆位權杖ace 正位寶劍9

女祭司代表佢比較理性, 對佢黎講愛情並唔係佢既第一位。

逆位權杖ace代表佢對愛情無必勝既把握。
或者係指佢對戀愛既熱度黎得快, 去得快, 對你失去興趣。

寶劍9有擔心既意思, 同時指出佢係黎段感情中受到傷害, 未走得反出黎。
另外重可以指佢隱瞞左一啲秘密或者煩惱, 無同人分享討論, 選擇自己面對恐懼。

睇落佢已經放棄左呢段感情

牌 : 逆位寶劍2 逆位錢幣2 正位寶劍4

逆位寶劍2代表情侶之間既爭吵, 亦有失去平衡既意思。你既前排嘈過交?
指出其中一方太過強勢, 或者係其中一方理虧, 但都唔肯承認錯誤, 通常係爭論之後, 問題仍然無解決到

逆位錢幣2亦有失衡既意思, 指出係感情上顧此失彼, 小心全盤皆輸。
同時指出男女雙方相處不協調, 溝通得唔好, 彼此認識得唔夠深, 拍拖拍到似係到敷衍人咁。

寶劍4代表休息, 感情中既空窗期。
指出你地兩個缺乏情感上既交流互動, 可以各退一步, 比對方一啲思考同喘息既空間, 有助醞釀新既感情發展契機。

睇落你地既問題有啲嚴重
係問題未解決到之前建議先冷靜下
休息是為了走更長遠既路

牌 : 逆位寶劍ace 正位戀人 逆位錢幣4

逆位寶劍ace代表你唔肯下定肯心割捨錯誤既感情。
係咪未放得低上一任?

正位戀人代表係戀愛路上進展順利, 代表個段愛情好單純, 不求名利, 好有初戀feel。

逆位錢幣4代表人際相處上非常斤斤計較, 缺乏好人緣。
亦代表捉得越緊就越易失去, 擔心太多反而會顧此失彼, 對愛情既要求同條件越多, 就越容易錯過機會。

睇落你要先收拾好以前既感情。
如果係想拍拖的話, 最近一排既運氣最好, 但要注意自己對對方會唔會要求太高同太多

牌 : 正位錢幣7 正位錢幣侍者 逆位錢幣ace

錢幣7代表等待既狀態, 亦暗示你曾經成被被人發好人卡
指出你有可能太沉浸於壆身事犔, 缺乏互動, 以及他人既關注。

錢幣侍者代表真誠覦心同高度專注力, 只要你入定決心就一定會出盡全力。
你既條件未入好好, 亦唔擅長花言巧語, 但係用誠意都有可能打動對方。
同時有機會代表你依家被某個人迷住, 佢已經成為你既男神/女神, 心中既白月光。
如果你係絲打, 呢張牌亦指出你係愛倩中容易滿足。

逆位錢幣ace代表可能出現感情騙子, 接近你只係為左騙財騙色。

牌 : 皇帝逆位 女祭司逆位 寶劍2正位

皇帝逆位象徵暴躁, 但又試圖掌控一切既人, 佢固執己見, 記為所有人都要聽晒佢講野, 事實上佢並唔係好勁。(明顯講緊中共
逆位皇帝可以代表即將倒閉既公司, 或姐即將覆亡既國家(暗爽

逆位女祭司代表態度敷衍, 懶係勁咁既女人, 同所有人既關係都好表面同虛假。(應該指林奠

寶劍二代表出現難題, 陷入兩難既情況, 所謂魚與熊掌不可兼得。
同時有兩股力量對峙既意思, 代表停滯不前。

先唔好太樂觀地睇前兩張牌既暗示, 畢竟太早打飛機係唔好既事
只係睇最後個張寶劍2的話, 香港依家僵持既情況應該會持續多一段時間。
畢竟啲仆街唔肯撤, 重要講埋下年會重提, 我諗大家係暑期休息一陣之後又要繼續出去圍鳩垃圾會。

簡單啲黎講就係, 唔好放棄住, 我地重有得打架