[塔羅]新手, 你問, 我盡力解牌

問感情
請問我同心儀既對象有無發展機會
但佢已經好耐無搵我
多謝巴打

有冇tg？
唔想咁公開問

牌 : 逆位聖杯7 正位愚者 逆位寶劍6

逆位聖杯7代表夢醒, 指出你已經對一對感情/對某人幻滅。
亦代表一廂情願既諗法被拒絕/由一段不切實際既關係中清醒。

愚者係感情中象徵稚氣未脫, 無心機既男仔/女仔。
雖然有追逐愛情既勇氣, 但缺乏縝密既心思。
同時, 抽到呢張牌既人可能受到身邊親友既鼓舞而去追求心儀既對象, 但係小要心唔好鲁莽行事, 同時, 太直接既態度好易得罪人。

逆位寶劍6代表翻船, 計畫失敗。
可能係戀情未成形就曝光而見光死/男女雙方無法通過磨合期, 過渡期既考驗。

牌 : 正位寶劍騎士 正位高塔 正位愚者

寶劍騎士代表自由同改變, 指出你幾有才華, 算係個文藝青年, 唔少女仔應該都幾鐘意。
另外亦代表你既諗法同行動都變得好快。

高塔代表天災, 一啲突發既壞事。
建築高塔要花費大量時間同精力, 但突然就被摧毀, 代表你可能曾經有一段長久而穩定既感情因為意外而無左/用好長時間去追一個人, 但到頭黎得個吉。
同時, 呢張牌都代表左對愛情既期望過高, 相對地失落既情緒更強, 一種憧憬突然幻滅既感覺。
好既方面係, 你可能由曾經自以幸福美好既愛情中解放左出黎。

愚者代表新既開始/機會, 亦象徵稚氣未脫, 無心機既男仔女仔。
指出當時人充滿勇氣, 但行動缺乏縝密既心思, 要小心唔好太直, 容易嚇到人同得罪人。
另指出你追求既人可能太過遲鈍, 警覺性低, 雖然利用朋友身份會好易接近, 但唔明講佢就唔會發現。

抽到愚者的話, 遲啲應該有機會遇到鐘意既類型, 但追唔追得到就要再睇下點

多謝 好準 逆位聖杯 逆位寶劍

牌 : 正位隱者 正位聖杯2 逆位聖杯7

隱者指出你唔擅長經營人際關係, 應該好少拍拖。

聖杯2又叫小戀人, 指出你同你鐘意既對象可能比較曖昧, 友達以上戀人未滿咁, 亦有代表一見鐘情, 情投意合。
負面情狀係相處之間比較見外, 唔夠輕鬆同自然。

聖杯7帶有幻滅既意思, 可能係對於某人/某段感情幻滅, 又或者係一廂情願既諗法被拒絕。

睇落去好似有機, 但勸你要睇清確對方既為人/成件事, 可能事實上並無你諗得咁好

問愛情
幾時先會出現岩既人？
唔知點解成日都係遇到d仆街
有時個心真係攰到好無力

Thx

同男朋友一齊左就黎年 想知一直走落去嘅機會大唔大
唔該樓主

前排真係噪過交仲要令我有氣餒嘅感覺，覺得佢好似一啲都唔著緊我咁，無當我係女朋友咁看待(唔知以為自己搞緊基)。講完一次又一次都唔識，搞到我一次比一次嬲，越來越無心機經營呢段感情

開頭互相好似真係幾了解對方咁，但一齊再耐啲就完全唔係嗰回事

強勢嗰邊係我用咩方法可以令佢真真正正咁更明白我想點

黎緊會返新工，工作順利嗎？人事如何？take呢個offer係唔係啱既決定？

推推

樓主，可唔可以幫我解多次，我最近激嬲左佢，想問有冇機會好返？萬分感激

多謝巴打 無諗過你答得咁詳細
其實好多野自己心入面一早答案
我覺得你占得好準

呢排搵工唔係好順利
想問問我幾時先搵到心儀嘅工作 thx

問愛情
識左個男仔大半年 最近開始傾得好埋
發覺大家好夾 相處落好開心
自己對佢好有好感但係唔知佢點諗
想知有無機會發展做男女朋友？
藍絲