我哋沙田區中學逃犯條例關注組將會喺今個星期六6月29日喺立法會示威區舉行「全港中學生反送中集會」,集會將於下午三時開始,希望屆時能集結全港中學生參與。
/
集會目的係要
政府完全撤回修例,
撤銷612暴動一說,
釋放被捕義士,
追究警察過份使用暴力,
悼念為反送中運動而犧牲嘅烈士,以及用我哋學生嘅身份去引起國際關注。
/
當日
希望各位中學生穿著校服參與,我哋希望以示威者穿著校服既畫面震憾國際,但如果依然有憂慮而不想穿著校服或有其他市民參與亦
希望能以白色上衣代替。
/
集會內容包括學生及市民發言表達意見、整banner、悼念義士、放映會等。
/
基於今次集會主要係俾全港中學生參與,所以宗旨始終如一,
不流血,不受傷,不被捕。
/
雖然00後不被社會睇好,覺得我哋淨係識玩逗陰、飲喜茶,大部份亦只係中學生,但係個社會我哋都有份,將來變成點,受嘅都係我哋,所以希望以我哋嘅身分去出一分力,爭取更多唔同媒體嘅關注。
/
最後,相信大家都見到呢幾日嘅集會人數愈嚟愈少,而呢段時間最得閒嘅一定係一班考哂試嘅中學生,所以希望各位師兄幫手推post,同share去你哋嘅ig,facebook,snapchat等社交平台俾更多學生同市民知道。仲有,
香港人團火唔該唔好咁快熄,條例一日未徹底撤回,我哋都未贏。
/
「生於亂世,有種責任」