我要係20歲之前，將女神變做女朋友

小櫻靚唔靚嘅先

遲啲會講到

朝早嘅幼教堂平平無奇，除左老師交低左份功課之外就無乜其他特別野，Katarina都係同我傾左一陣計就去左搵周公，其實我都睇得出佢今日個樣有啲攰。

放飯嘅時候小櫻約左我所以我無跟大隊，我陪小櫻食完支煙就去左平時去開嘅餐廳食飯:

"今日份功課你聽唔聽得明點樣做呀?"

"聽得明呀我覺得幾易呀，妳唔明點做?"

"係呀唔知有無人會教我做呢?"

小櫻擺左一個貓扮可憐嘅表情出嚟:

"太天真啦妳以為妳咁樣做我就會上當?"

"喂呀，你又話我有咩唔識都你都會教我嘅!"

"功課自己試下做先啦唔明再問我啦，唔係嘅係妳學唔到野架嘛。"

"好啦...."

我唔係唔想教小櫻，只不過係想佢試下自己做先，唔係嘅話佢就唔知自己唔識啲咩。

食完飯返到課室得零零丁丁幾個人係到，我返埋位用手機開左集今個星期未睇嘅動漫。

我戴住耳機睇到入哂神，連Katarina佢地返左嚟都唔知，佢除左我一邊耳機講:

"喂，睇刀劍睇到妳咁入神呀，叫你咁多次都聽唔到!"

"sorry，刀劍係我最鐘意嘅動漫所以睇到入哂神~咦妳都有睇開?"

"係呀，我同你一樣都係好鐘意刀劍!"

"估妳唔到喎，我都好少聽有女仔鐘意刀劍。"

"咁你係唔係覺得我好怪呀?"

"唔係呀，覺得妳好特別啫~"

晏晝依一堂我同Katarina有大部份時間都討論動漫，佢識嘅野仲多過我。

臨放學嘅時候我醒起啲野問Katarina:

"係喎份幼教功課妳明唔明要點做呀?"

佢即刻擰擰頭:

"其實都唔係好明，仲要下星期交有啲趕......."

"妳星期六或者日得唔得閒呀?妳skype我我教妳做囉。"

"ah......我wts再覆你，我未肯定得唔得閒。"

"好啦，下個星期見啦!"

佢同我講完bye bye就一枝箭咁走左。

係返屋企嘅途中我係到諗我地兩個之間嘅關係係唔係又近左呢?

我開始期待每個星期三同四兩日可以見到佢嘅日子。

我一直等Katarina嘅wts，星期四嘅一句覆我覆到星期六都未有蹤影，我下晝嘅時候諗住wts問佢今晚得唔得閒做份功課，但我又怕煩住佢所以無send到出去。

今個星期同上星期差唔多，我除左出去練波之外都無出街，我選擇留係屋企打機，一嚟無人約，二嚟出街又無野做。

就係咁我由下晝打到夜晚，終於我等到啦，等到Katarina嘅wts:

"妳陣間得唔得閒呀?"

"ok ah我隨時都ok，妳再wts我啦"

我順便比埋我嘅skype佢，隔左大約十五分鐘左右我嘅skype就響:

"喂妳好呀!"

"Hello~sorry呀岩岩仲忙緊遲左啲打比你。"

"唔緊要呀，我好得閒呀。"

話口未完佢就開左個google文件邀左我入去。

"我邀左你共享啦收唔到收到啊?我陣間仲有野忙要快少少做完佢。"

"收到啦，無問題啦有我係到好快搞得掂!"

"咁我信哂你架啦!"

"但係我都要妳幫下手，講下妳啲意思諗法出嚟，廢事同我果份一樣。"

"無問題呀~"

我開始播住歌諗份功課點做，點知比佢聽到:

"你果然鐘意邊聽歌聽諗野喎!"

"咁都比妳聽到?"

"聽到呀~"

Katarina跟住首歌嘅旋律哼出嚟，哼哼下仲唱埋出嚟，我好靜同停哂手咁聽佢唱，甚至覺得佢唱得好聽過原唱~

等到首歌完左我就繼續開工~佢一邊比意見我，而我一邊將佢講嘅口語轉返做書面語:

"你真係好明白我諗咩喎，我講幾隻字你就幫我成句打返哂出嚟~"

"係咩可能我係妳心入面條蟲~"

靜左幾秒之後我聽到啲狗吠聲就問佢:

"妳屋企有養狗架?"

"係呀，由佢地細細個開始養，養到佢地生埋狗bb~"

"哇咁妳屋企咪好多狗囉?"

"係呀加埋有七隻呀，老實講我鐘意狗仲多過小朋友~"

"咁多隻咪好難照顧?其實我都想問點解妳唔鐘意小朋友但又會簡讀幼教?"

"都難架不過慣左就無咩野。點解呀?其實無乜特別原因，純粹想比啲挑戰自己~妳呢?好少男人會簡讀幼教架喎!"

"妳依個原因都幾特別~我呀?!因為我鐘意小朋友算唔算一個原因?"

"差唔多個個都係話自己鐘意小朋友先讀，我仲諗住你係男仔所以有啲咩特別原因添~"

(其實我有特別原因呀只不過唔想比妳知~)

大約過左一個鐘左右，份功課已經完成得七七八八:

"唔該哂你呀阿冬，無你我都唔知份野要做幾耐~"

"少意思啦，不過妳要報答返我架喎~"

"到時再算啦，咁我去忙先啦，下個星期三見啦!"

"好啦，byebye。"

cut左線之後我幫佢份功課收埋尾，但其實我連自己果份都無開始做，唔知會唔會累左Katarina啦.....

我好鐘意咁樣同Katarina傾下閒計，我亦都覺得自己了解多左佢，我諗依份就係幫佢做功課嘅回報~

時間一日一日咁過，距離我二十歲生日亦都愈黎愈近，係開學到依家已經過左兩個月，我地組亦都經歷左一，兩個大大少少嘅assignment。

當然個人嘅assignment亦都做過唔少，基本上每一份我都會幫Katarina做。

雖然佢從來都無要求過我幫佢手，但每次我都主動幫佢，為嘅唔係希望有任何回報，而係想有多啲嘅機會同佢交流傾下計。

每一份功課出到嚟嘅分數都係佢高分過我，兩份相同嘅功課都係出自我嘅手筆，但我會哂更加嘅時間係Katarina份功課，而自己果份就求其做完就算。

有一次放學我嘗試過約佢食一餐晚飯，但比佢直接拒絕左，我有諗過係唔係我地仲未夠熟佢先拒絕我。

直到我生日前一個星期，我諗左一個計劃，依個計劃目的就係為左約佢出嚟，唔好以為約一個女仔出街好簡單，Katarina正正就係一個反面例子。

"喂，今個星期幼教份功課比較難喎，我怕我一個夜晚嘅時間搞唔掂。"

"都係嘅我見Jaffy都聽到成頭霧水，咁我睇下星期日抽多少少時間出嚟兩個夜晚搞得掂啦嘛。"

"不如我地星期六約出嚟做?妳o唔ok?"

"ah.....我聽日覆你啊，我未肯定到住~"

"ok啊，唔得嘅話就照妳頭先講咁，分兩日夜晚啦。"

其實我好想問Katarina究竟點解每個星期都咁忙，定抑或佢一直呃緊我扮忙呢?

我又好似上星期咁樣等佢嘅wts，我就好似一個變態佬咁成日mon實佢最後上線時間~

每隔十分鐘我就會望一次，終於到左2100佢終於上線，仲由在線上變成輸入中........

"我聽日1400ok呀，你呢?"

"ok呀，旺角方唔方便妳?

"方便呀，我聽日咁岩會去果到，聽日見啦!"

"咁就聽日見啦~"

佢比左個ok emoji我就off左。

依一刻我興奮到好想叫出嚟，我盡量忍住依種感覺，因為我仲有最尾兩步未做。

前排我睇到佢IG story話想睇一套戲，所以我就計劃今次扮約佢出嚟做功課，實則就係約佢睇戲~

我好快上網搵左場1400左右嘅場，再係網上面訂埋飛，好啦差最尾一步。

我嘅最尾一步就係幫佢做埋份功課.......因為我都覺得自己無乜可能係一個夜晚之內搞得掂，況且我仲要做埋自己果份。

雖然係辛苦啲，但整體嚟講今次嘅約Katarina計劃大成功!!!

依家已經係凌晨四點鐘，我仍然同份功課搏鬥緊，我依一刻好想即刻攤落床到一了百了，但一諗起份功課係Katarina嘅我點都要頂埋佢。

一做我就做到凌晨六點鐘，份功課起碼完成左七成左右，我牙都無刷攤左床幾秒就訓著左，但我仲有一件好重要嘅事未做........

第二日我比三個電話嘈醒左，響第四次嘅時候我終於聽左個電話:

"喂..............."

"阿冬?你係邊呀?"

仆街啦我差啲講埋出嚟，我尋日唔記得左較鬧鐘，我望下個鐘已經兩點鐘:

"ah.....我搭緊地鐵啦，妳呢?"

"我依家係旺角附近啦，你到左再打比我啦!"

"好呀，陣間見啦!"

收左線之後我又牙都無刷即刻換衫，手機銀包鎖匙攞齊之後我就衝左出去，搭地鐵要九個字，搭巴士更加唔洗諗，我一邊等lift一邊諗最快去到旺角嘅方法。

真係天助我也落到樓下我見到有架的士落緊客，個客落完車我就衝左上車，老實講我咁大個仔都未試過搭的士出旺角。

好彩嘅係無塞車，我去到嘅時候岩岩好兩點二十分，我打比Katarina問佢係邊:

"喂 妳係邊到我到啦。"

"我係朗豪坊starbucks出面，咁岩有位你上過嚟搵我呀。"

距離套戲開始仲有十分鐘，我狗衝上去搵Katarina，我上到去見到佢就即刻拉佢起身:

"做咩呀?"

"行啦行啦就嚟夠鐘啦!"

"去邊啫?"

我無答佢一直行係前面，行幾步就擰轉面睇下佢有無跟住我，佢個樣表現到好無奈。

行到咁上下，佢又再問我:

"你係唔係想帶我去睇戲?

"你點估到嘅?"

"咁我份功課點算呀?"

"我尋晚幫妳做左七，八成啦，唔洗擔心喎。"

我係褲袋拎左張飛出嚟比佢，佢望一望個開場時間之後仲行得快過我。

我地入到場嘅時間岩岩好播完哂啲廣告套戲正式開始。

套戲播嘅時候我間唔中都會同佢解釋下啲劇情，雖然我唔知佢有無厭我煩........

就算得一套戲嘅時間我都好享受同佢相處嘅時間。

睇完套戲岩岩好五點過啲，我唔係隨便簡個時間出嚟約佢，因為我記得佢六點前就要返屋企，係旺角返到佢屋企附近啲時間綽綽有餘。

我同佢一齊去搭地鐵沿路上我問佢:

"依套戲妳係唔係想睇好耐?"

"係呀你點知嘅?"

"之前咁岩睇到佢ig story話想睇嘛，sorry啦偷偷地帶左妳去睇戲。"

"唔緊要呀，我本身都想睇套戲~"

傾多左一陣計我就到站落車，臨落車之前我問佢聽晚得唔得閒做埋份功課，佢點點頭話ok。

總結嚟講約Katarina睇戲計劃大成功!!!如果依件事發生係我生日正日我會當係一份最大嘅生日禮物。

推

當你替自己set limit
係咪代表20歲之後就冇機會？

當然唔係啦 睇落去啦

7月1號 明天停故一日 請巴絲見諒

星期日夜晚我地照約定傾住skype做埋份功課:

"哇!你又真係做左八成有多喎~"

"係呀無呃妳架。妳畫好妳張畫就得啦!"

(因為今次份教案需要我地每人自己設計一個活動出嚟，今次連主題都無所以大家都自由發揮，正因為自由發揮所以令到份功課更加難，以往有主題跟住做相對易啲。)

"我畫緊架啦，我覺得自己真係好有藝術天份~"

"send嚟睇下比我睇下係唔係真係咁靚。"

我以為佢講緊笑畫都未畫過，點知佢又真係send左張圖過嚟。

"又真係幾得意畫得幾靚嘅，妳就好啦啲簡單野妳做哂，我就做啲辛苦野。"

"你知唔知我畫得好辛苦架，一啲都唔簡單架。"

"係嘅係嘅，見妳畫得咁靚就算數啦~"

由以前連招呼都唔敢打，到依家佢講一句我疾返佢一句，到依家無話不談......

到左下個星期三present day，present嘅內容就係我上星期六日同Katarina做果份功課。

我同佢一早試左一次確保份功課無問題，佢抽到頭三present而我就最尾幾個:

"你就好啦抽到咁尾，我就頭幾個present...."

"咁頭有頭好，尾有尾好嘅，頭果啲老師會比分鬆手啲嘅~"

"但係我有啲緊張啊，之前小組project都有Jaffy carry依家得返自己我怕講錯野......."

"唔洗緊張喎，好似平時小組咁present就得，最緊要嘅係妳份功課出至我手筆喎，一定無問題架啦!!!"

佢對住我笑一笑就繼續準備自己份野。每次佢對住我笑我個腦都會空白左，次次佢一笑我地嘅話題就會完。

好快就到佢present我係位到望住佢，視線全程都無離開過，見到佢表現得咁淡定我就安心哂。

佢present完之後陳老師仲讚左佢一句:

"Katarina妳文筆幾唔錯。"

佢尷尬咁對住Miss笑一笑，返到埋位就好興奮同我講:

"喂阿冬你聽唔聽Miss岩岩講咩!"

佢好大力咁打左落我背脊到.......

"妳講還講又唔洗咁大力打落嚟嘅，都話妳實無問題架啦!"

"多謝你啦，無左你真係唔得。"

依句說話一直係我心中，我好想同佢講我無左妳都唔得，當然我無講到出口。

今次到返我對佢笑一笑，發自內心嘅微笑，見到佢份功課比老師讚同佢開心我就鄧佢開心。





(想睇佢畫張畫嘅話可以留言話我知，多人想睇嘅話我會post出嚟~)

第二日星期四我早左半個鐘返到學校見無野做就落左樓下去幽會地方撞下小櫻，果然佢一早就起到食煙，佢見到我之後就打手勢叫我過去:

"喂早晨呀阿冬"

我對住小櫻笑一笑我無回應到佢:

"喂乜你咁無禮貌架。"

"晨早流流眼眼訓訓邊有精神同妳講早晨喎。"

"車，唔講咪唔講囉，係喎頭先我見到有隻貓係附近好qq架，我叫佢仲望住我!"

"原來妳係貓痴嚟架，我都幾鐘意貓貓~"

"係呀，我屋企有養貓架，等我搵張圖比你睇先~"

佢拎部手機出嚟係到搵圖，搵到咁上下我偷睇到成頁都係佢隻貓~

"嗱，我家小貓呀，係唔係好得意先。"

"又真係幾得意喎，我幾鐘意黑白色嘅貓貓我覺得幾特別~"

我同佢一路睇相一路傾貓啲野，我間唔時望到佢啲相裡面都有個小朋友係到，好奇心促使我問佢:

"啲相裡面個小朋友妳啲親戚個仔嚟?成日都有佢出現嘅~"

"ah......唔係呀你再估下~"

其實我心裡面已經有答案，但我唔太敢相信.......

"你好似估到啦喎，你估得無錯呀係我個仔呀~"

"妳真係識讀我心，我地識左無耐我諗咩妳都好清楚，原來妳有個仔架啦~!"

"係呀，我一直都無同你講係因為唔想你對我反感，不過我都估到就算我唔講你都會發現到~"

"痴線啦我點會覺得反感呀，妳個仔仔好得意呀。"

"多謝妳啦阿冬~"

其實我好早就feel到小櫻有一種媽媽嘅特質，簡單啲嚟講就係母愛，我都唔知點解我會feel到依種感覺......

"多咩謝喎，我平時講咁多廢話妳都肯聽，我多謝返妳就差唔多~"

佢和藹咁對住我微笑:

"既然你知道左我個秘密，今日餐晏就入你數啦!"

佢食埋依一啖煙就拉埋我起身行返學校:

"行啦仲講遲到啦!!!

我同小櫻依份珍貴嘅友誼我一直都有好好珍惜.......

今日朝早嘅堂除左分組活動之外都過得平平無奇，我有我玩手機，Katarina有佢嘅訓覺，我發現佢每星期總會有一日會無精神，甚至兩日都係咁。

雖然個老師教啲野幾有趣，但係佢講野實在係太悶啦，連我玩玩下手機都頭唔順都要恰一陣。

當我起返身嘅時候已經係落堂前五至十分鐘左右，我望下周圍啲同學差唔多有成半班都訓著左，其餘半班就自己做自己野，得幾個同學係認真聽緊老師講書。

我諗住望下小櫻做緊咩先發現佢個人消失左，我無擺係心到覺得佢只係去左廁所，我醒左之後就keep住玩手機直到落堂。

當老師話落堂嘅時候其他人都即刻醒哂，仲有幾個即刻衝左出門口應該係肚餓~

等老師出左門口之後小櫻竟然攞住盒蛋糕入嚟。

"生日快樂啦阿冬!!!"

係喎!!!!我連自己生日都唔記得左添.......

"喂生日快樂呀阿冬~"

小櫻將蛋糕擺左係我面前，Jaffy亦都幫手將蠟燭插係蛋糕上面，其餘兩個組員都圍埋過嚟，阿山就應該一早知情所以準備左膠碗同餐具。

而Katarina亦都係我隔離望住我，可能佢岩岩訓醒仲迷迷糊糊，但佢都同我講左句生日快樂~

"happy birthday to you~"

小櫻帶頭開始唱生日歌比我聽，其他人亦都跟住唱，我咁大個仔除左屋企人同阿琦阿聰之外佢地係第三批人幫我慶祝生日。

佢地唱生日歌嘅時候我除左覺得尷尬之外，仲有一刻我係想喊出嚟，因為我地只係識左幾個月，但佢地已經連我嘅生日都記得。

"快啲許個願先啦!"

小櫻催我快啲許個願，我個腦依家仲係好空，因為所有野都發生得太過突然，我仲未接受到~

我瞇埋眼在腦海許左個願望，再吹熄哂啲蠟燭，小櫻拍完手之後問我:

"冬仔你許左個咩願呢?~"

"我緊係唔同妳講啦，講左出嚟就唔靈架啦!!!"

我切左一下個蛋糕之後就交左比Jaffy，佢好快手咁將個蛋糕分到每個人都有一舊。

佢切完之後就同Katarina一齊出去話買pizza返嚟，而小櫻又再襯依個機會問我:

"喂妳個生日願望係唔係關於一個人架~"

我用一個微笑嚟回應佢，佢反左個白眼，之後我再同佢講:

"多謝妳啦，我連自己生日都唔記得左，妳地竟然會記得。"

"好少野啫，到我生日你同我慶祝返就夠啦~"

依個下晝我點都唔會唔記得，我人生中第一次意想不到嘅生日慶祝，加上我身邊有佢。

下晝堂我同Katarina照舊傾下動漫玩下手機game，唔經唔覺就到放學。

臨放學之前佢問左我一句:

"喂阿冬你頭先許左個咩願呢?"

"唔話妳知喎，妳估下囉~"

"我估呀?.......我估係關於女仔嘅!~"

我無出到聲，而佢見我無出聲就順住個勢講:

"睇你個樣就知啦，我都話過你唔識講大話架啦!~"

我都係無答佢，佢講完就走左出去放書入locker，而我乘機揹書包走人，廢事佢再問落去。

今日我踏入左20歲，而我19歲許嘅願始終無實現到，但我今日已經有個新嘅願望..........

樓主有緊要事做 停更兩天 敬請見諒

夜晚嘅時候我仲陶醉係今日晏晝生日會嘅事，依個驚喜真係夠我開心成個星期。

我正準備訓嘅時候手機震左一震，我望一望原來係阿聰同阿琦差唔多同步係個wts群send左句生日快樂比我。

我打完多謝之後阿聰再講:

"你地兩個幾時得閒出嚟補返餐生日飯呀?!"

我望一望我個時間表最快都要下個星期先有時間:

"我下個星期尾先有時間你地ok?"

個訊息藍tick左一陣之後我見佢地兩個同時輸入中阿琦覆先過阿聰:

"我唔得呀，下星期尾我約哂人做assignment啊，sorry"

阿聰睇完之後可能刪左輸入中嘅野，我見佢地都靜左就講:

"唔緊要啦，遲啲再補返數啦，忙左學校啲野先緊要啲!"

佢地兩個不約而同send左個ok emoji出嚟。

我lock返手機係張床到諗，之前最唔想發生嘅野終於發生左，大家各有各忙好難有時間約到出嚟聚一聚，我就係怕因為咁樣而令到我地由熟人變陌生人......

唉......諗咁多都無用，我拎左披冚埋個頭去搵周公。

時間過得好快，轉眼間就嚟到十二月，由於我地聖誕節之前要交一份比分比較重嘅assignment，所以成班都好忙。

我地組亦都唔例外差唔多每個星期都有兩至三日都要約時間出嚟或者留係學校做assignment。

係依個咁嘅時勢，我班入面其中一位男仔同我講話見到Katarina同其他男仔好親近，一開始我以為佢講下笑無乜點為意。

但係之後小櫻同我講話見到有一個男仔送佢返學我就開始擔心，我試過有幾次想親口問Katarina個男仔係佢邊個，但我怕聽到一個我唔想聽到嘅答案。

我開始埋怨自己係唔係拖得太耐無同佢表達自己嘅心意，而白白送左個機會比人.........

直到有一日我親眼見到個男仔送Katarina返學，我個心情直接跌到落谷底，我好驚佢已經同個男仔係埋一齊........

我開始逃避佢，就算未確定依件事我都選擇逃避依條路，佢上堂問我野同搵我傾計我都會hea覆佢。

因為我投放左太多落佢身上，我怕一次過失去，我就係咁傻........

有文
好嘢

期待樓主更新

鬼畜女神

晏少少會更新 巴絲稍候片刻

老實講我由開學第一日開始就已經睇中左佢，唔單止佢係其他人眼中嘅女神，而係佢有一種氣質吸引到我。

諗返起一開學果時，我本來都覺得自己無咩機會可以接觸到佢，甚至覺得依一年裡面連同佢講野嘅機會都無。

點知命運嘅安排令到我同到佢一組，其實果時分組嘅時候Jaffy想叫埋小櫻同阿山，但係每組最多只可以四至五人，可能果個時候小櫻已經知道我鐘意Katarina所以佢讓左個位比我。

依一段就係開學分組嘅小插曲，亦都算係我同Katarina嘅開始。

開頭我地兩個都無乜野講直頭我地咁岩有機會坐埋一齊，仲要佢做埋主動嘅一方我地先至有計傾。

因為一隻手機game吸引左佢，我地嘅話題就係奇奇怪怪由一隻手機game打開左，之後再因為一套動漫再加深左我地之間嘅話題，我都無諗到會係由依兩個因素而令到我地有計傾。

跟住落嚟我地就係靠每一份嘅assignment每一次嘅skype間唔中傾下閒計，感覺上每一份assignment都係我地之間嘅橋樑。

慢慢我地返學嘅時候都開始都左野講，佢間唔中都會講下佢嘅野，我亦都會分享下我嘅野，每當Katarina提起佢自己鐘意同唔鐘意嘅野我都會記低，例如佢鐘意食士多啤梨唔鐘意食朱古力咁依啲細節我都會一一記低。

可能我做嘅野太過明顯，連Jaffy都留意到我對Katarina有意思，有一次我地約左去Jaffy屋企做assignment，做到咁上下我同Jaffy落左街買野食，咁岩佢問起我:

"阿冬呀，其實你係唔係對Katarina有意思?"

"ah...妳睇得出?"

"當然啦我睇人好叻，同埋我見妳成日幫住佢，啲功課已經係一個好例子，啲文筆同妳自己個份都差唔多。"

"比妳發現左添~"

"我同你熟先同你講，我覺得妳唔好擺太多時間心機落佢到會比較好，我諗你都明白佢應該唔會鐘意你依類型嘅男仔，因為我同Katarina相處左一段時間知道佢嘅要求係點。"

Jaffy依句說話令到我呆一呆，講到底Katarina始終係女神，而我只係一個平平無奇嘅男仔，唔靚仔又無錢點及得上其他男仔，Katarina都有同我暗示自己鐘意啲靚仔嘅男仔，而我只不過係路人。

Jaffy講嘅野非常有道理，唔係我睇唔起自己，而係我本來就唔係Katarina鐘意嘅類型。

無錯我曾經有段時間係想放棄，但係另一個人叫我唔好放棄，因為佢唔想我後悔，佢唔想我試都未試就投降。

果個人就係小櫻，無論我有咩唔開心佢都會第一個出嚟安慰我支持我。

仲記得第一次我因為Katarina而唔開心，小櫻係第一個比到意見我嘅人，佢無厭過我煩亦都好樂意聽我講。

唔知由幾時開始佢已經成日留意住我嘅一舉一動，甚至知道平時我唔知自己做左嘅野。

我有乜唔開心有乜煩惱佢都可以睇得出同估到我煩緊咩，就算我唔講出嚟佢都會主動開解我。

小櫻從來都無叫過我放棄，反而一直比希望我鼓勵我，比我知道自己係有可能有機會去成為佢嘅果個人。

老實講我由識小櫻嘅第一刻就無當過佢係朋友，而係當佢係我第二個阿媽。

因為佢成日都哦我，話我果樣唔岩果樣唔好，有時我覺得佢煩過我阿媽~

佢令到我知道我嘅世界唔單止Katarina一個，仲有好多人係身邊支持我，我諗佢咁講係因為佢知道我投放左好多野係Katarina身上。

我覆述返Jaffy同我講嘅野比佢聽，佢好認真咁同我講左句:

"你問心果句，你自己點諗你最清楚，你真係想試都未試就放棄?"

依句說話就係我堅持到依家嘅原因。

就好似我同Katarina之間嘅友情一樣由無野講變到無話不談，我相信總會有一日佢會對我改觀。

但係依一次我真係想放手放低所有野，我覺得就算我做左啲咩野唔會變就係唔會變，我幾努力去改變都係徒勞無功。

我諗小櫻留意到我同Katarina之間少左交流佢就主動約左我食lunch問我:

"喂你同Katarina做咩呀?"

"無野呀我地有啲咩?"

"你唔同我真話我嬲架!!!!"

我靜左落嚟乜都無講，而小櫻就望實我，我頂唔順佢嘅氣場同佢講哂所有野:

"就係我之前同你講話送佢返學果個男仔?"

我點點頭，佢再講落去:

"你肯定左果男仔係佢男朋友?"

今次我擰擰頭，而小櫻就翹埋雙手講:

"冬仔呀你唔好成日都為左啲未肯定嘅野而亂諗野啦，我上次都同你講過!!"

"我明，但係今次唔同，我唔識去表達自己依家諗緊咩，依個亦都係我唔想同妳講嘅原因......."

其實我好需要時間去比自己靜下，我放低飯錢就準備起身走，小櫻見到我想走就講左句

"你咪問過我點解咁留意你嘅，我依家答你，因為我覺得你份人好特別，同你傾過幾次計我就知道你唔鐘意同人分享自己嘅事，就算有唔開心嘅野都收係個心。
而我就係知道你係咁嘅人先會聽你講同主動關心你，因為我想你知道你身邊係有人可以聽你傾訴，我都唔長氣啦，你想走就走啦!"

小櫻講嘅依番說話我的確聽到有啲眼濕濕，佢了解我嘅程度多過我自己本身，我細細聲講左句多謝妳就走左。

我返到課室汁哂啲野入書包就走人，我嘅出席率仲好夠所以走幾堂都無所謂，落到樓下我最唔想見到嘅人出現左係我面前:

"你走啦?唔上下晝堂?"

我聽得出Katarina有啲擔心咁問我:

"嗯......"

我隨便答完佢繼續行，我行左幾步佢再係後面追問我:

"阿冬你係唔係有咩唔開心?"

我無答佢亦都無停低........

我一走就走埋星期五同埋星期二嘅所有堂，成個星期我都匿埋係屋企，一諗起Katarina嘅野我就會無哂動力。

由朝到晚我都匿係房打機，連手機都無睇過，心情依然好沉重就好似佢真係比其他男仔追到一樣.......

我間唔中會諗係唔係自己唔夠主動唔夠進取而失去左一個機會，係唔係自己錯失左一個機會?

"阿冬不如我地出去買啲野食同行下囉，阿sir講野好悶....."

"ok呀我都就黎悶到訓著。"

我印象中佢係第一次約我出街，只不過係上堂上到悶果隻出街，而唔係禮拜六日約出嚟約會果種。

依次亦都係我第二次同佢單獨係埋一齊，第一次就係睇戲果次，同親佢單獨相處總係會有種緊張感......

"妳想去買咩野食呢大小姐，或者想行去邊呢?"

"ah我想買撈麵食呀，晏晝唔係食得好飽，就去ok啦。"

"咁行啦~~"

行過去ok嘅途中我地都無乜點講過野，平時都係佢開話題我做被動個一邊。

今次我鼓起勇氣問佢野，次次都係女仔做主動始終唔係咁好:

"係呢Katarina，我想問妳一樣野好耐架啦，但係成日都唔記得左。"

"你問啊~"

"我想問呢點解妳成日都要六點前就要返到屋企同點解妳好似日日都好忙咁嘅?"

"乜我無同你講過咩?"

"無呀，妳從來都無同我講過啊。"

"好啦既然你咁都留意到我就話你知啦~"

Katarina本來由快步行轉左同我並肩一齊行:

"其實呢我平時放學返到屋企就要做家務，洗衫煮飯同打理我啲狗仔，早知我一返到屋企就會忙到踢哂腳。"

"至於點解我六點前就要返到屋企就係因為我媽媽唔想我去夜街同埋快啲返屋企做家務。"

我聽完Katarina講完之後即刻對佢改觀，因為佢係我眼中係一個公主，但係估唔到佢會有我都唔知嘅一面。

油頭暗瘡毒撚咪撚攪人啦

死毒撚 咩咁多ff
依啲題材好老套