我要係20歲之前，將女神變做女朋友

每個人心目中都會有一個遙不可及嘅女神存在，尤其是係讀書既時期。 我係18歲之前嘅願望一直都係希望有拖拍，而現實往往都係相反，我到19歲依然係A0， 我嘅中學生涯亦隨之結束，而我定下左新嘅願望或者準確啲講係妄想，我要係20歲之前拍到拖!!!!

Lm

文？

序章: 每個男仔心目中總會有一個女神存在,而女神依個詞語正正表示自己同佢嘅距離有多麼的遙遠,或者咁講你地兩個一齊嘅機會非常之咁渺茫。

我叫做陳董冬,我無任何嘅特點,如果夾硬要我講一樣,我可以答你我真係好平凡,讀書一般甚至可以話差,運動除左識打羽毛球之外就無,青靚白淨得黎又唔靚仔。

又唔睇得又唔打得,平平無奇嘅我莫講話女神,連一般女仔有得簡都唔會簡我做男朋友。

我同其他男仔一樣都希望係中學畢業之前唔再做A0仔,依個諗法真係唔知由幾時開始萌生出黎,仲記得初中嗰時玩下hea下又一日,完全無煩惱。

係升左上高中就開始想拍拖識女仔,可能係見到身邊嘅朋友或者同學開始有拖拍,自己不知覺咁羨慕,希望自己都可能好似佢地咁有個女仔同自己係埋一齊。

我一直覺得女仔完全唔洗煩依個問題,只要妳個樣普普通通,我夠膽講妳個級一定會有一個或以上鍾意妳嘅人。

我好記得我中四個時鍾意左一個同班女仔,去到中六我都仲鍾意緊佢,結果我諗大家都估到,我地無係埋一齊。

畢業禮嗰日係我同佢講最後一句野嘅日子:

"我可唔可以同妳影張相呀?"

佢笑住咁點頭,到依一刻我仲好記得佢當時嘅笑容,依家只可以係記憶到回味。

我初四嗰時為自己定左唯一一個目標.......失敗

放榜嗰日,我帶住無咩期望嘅心情去攞一張影響自己將來嘅紙。

收到之後同我預期一樣,個名數字嘅成績,成個禮堂有人笑有人喊,而我攞完之後就走左,留係到都無意思。

當時我好迷茫,望住自己連五條二最基本嘅成績都無,又完全無人生方向。

身邊嘅朋友都陸陸續續報左唔同嘅學校,而我就差唔多日日打機打到天荒地老。

咁岩我係網上面見到有關幼兒教育嘅課程,再上網搵下資料覺得唔錯,所以就膽粗粗報左名。

正常人問我點解男仔要報依一科,我會答佢地自己鍾意小朋友。

而朋友問到我就好誠實答佢地,因為幼教多女仔讀嘛。

就係咁我開始左我另一段嘅旅程,而我都為自己再定左一個新嘅目標:

我要係20歲之前追到一個女仔!!!!

咁快手呀巴打

呢排多野煩訓唔着

唔好諗咁多啦休息下啦 我都訓先
btw唔介意嘅話可以講出嚟睇下幫唔幫到你

煩緊香港既將來
發夢見到自己係前線既人

起碼都有二百萬零一人企出黎相信香港仲有希望，一定有轉機嘅。

就算係眾目睽睽之下依位女同學都繼續講落去完全唔怕羞,對比起其他嘅同學我覺得佢係最特別嘅一個。

但係我竟然聽唔清楚佢個名.......佢介紹緊自己嗰時我仲係到玩緊手機,係直到佢講自己唔鍾意小朋友我先開始留意佢。

剩低幾位同學自我介紹完之後,老師為左比我地快啲認識對方就叫我地搬開哂啲枱,將櫈圍成一個大圈。

圍完之後我地就開始玩小遊戲例如大風吹,爭櫈仔等等........

聽落好似岩小朋友玩多啲嘅小遊戲依家套落我地到竟然有意想不到嘅效果,好多人都開始同隔離位傾計。

令到成個緊張怕羞嘅氣氛消失左,成班都充滿左笑聲同傾計聲。

玩完遊戲之後我地嘅座位已經撈亂哂,依家坐我隔離左右都係女仔,以我怕羞嘅性格當然無同佢地講任何一句野。

而佢地兩個都分別同緊佢地嘅左邊,右邊嘅女同學傾計,我感覺上好似變左邊緣人咁........

而我認為好特別嘅女仔正正就坐左係我嘅正前方。

佢同我一樣好靜咁坐係位到,咁岩得咁橋我望住佢佢又望住我,我對住佢微微一笑,我仲諗住佢會回應返我.......

佢竟然無理到我,依一刻我覺得自己好似個變態佬對住啲女仔淫笑.......

我淨係希望無人見到岩岩嗰一刻........

時間過得好快,感覺上玩左一陣就已經放學,望住啲女同學成雙成對咁去搭車,而我就得自己一個........

我住嘅地方比較偏僻,幾乎無同學係同我行同一條路,我孤身走我路,行到去地鐵站竟然比我見到佢!!!

無錯就係我不知不覺間比佢吸引左嗰位女同學。

佢低頭玩緊手機無留意到我。

我個腦係到糾結緊過唔過去同佢打招呼好,因為我連人地個名都唔知......更深一層嘅原因係我怕羞........

我糾結左一段時間,等到地鐵到嗰一刻,我鼓起勇氣.........上左車~~

自推

推一推 支持下

thx巴打 盡量一日一篇或者兩篇

無錯我連同佢講聲hello嘅勇氣都無,我就係一個咁無膽嘅人........

上到車之後我簡左一個同佢相隔兩,三嘅位坐,隔一陣就偷望佢一次,十足十啲變態跟蹤狂。

可能我做開邊緣人,佢完全注意唔到我,佢玩左一陣手機就瞇埋眼休息。

其實望真啲佢個樣除左惡左啲之外都幾靚女,加上唔怕羞嘅女仔已經買少見少。

我望得佢太過入神,連有電話入都唔知,係我中學同學阿聰打黎,我想聽嘅時候佢已經cut左線。

我打返比佢,嘟嘟......嘟嘟.....嘟嘟

"喂冬哥終於肯打返比我啦?肯定又掛住溝女啦!"

"痴線溝緊女就唔打返比你啦,有乜節目呀聰爺?"

"無呀想問下你得唔得閒約出黎食個飯啫,襯大家都岩岩開學暫時都咁得閒。"

"緊係得啦,我地成個暑假都無見過,係時候出一出黎見下啦!"

"咁你順便約埋阿琦啦,你地約好時間再同我講!係咁先啦"

阿聰講完之後就快快手收左線,地鐵亦都到左總站,我望去女神嗰邊佢已經消失得無影無蹤,我落左車之後周圍望都見唔到佢。

最衰都係阿聰好地地wts唔得嘅係要打過黎......我心裡面不停咁詛咒佢。

無辦法啦,我轉車搭上歸家路途。

返到屋企阿媽即刻問我返學返成點,我答佢有好多女同學之後就返左入房。

我衫都未換就拎起電話打比阿琦約佢,嘟嘟......嘟嘟.......嘟嘟.....響左好耐阿琦都無聽到

你已經被接駁到.......我收線之後攤係張床到,諗返起頭先如果我有同佢打招呼,依家會唔會已經同佢wts傾緊計呢?

我諗諗下就攰到訓着左。

加甜plz 現實j唔到寫返篇ff文幻想下都好

有畫面

LM

係共鳴

唔會加啦 加左就唔係真人真事

睇嚟巴打都係一個有故事嘅人

多謝第一位絲打支持

文？

外篇: "喂,阿冬起身放飯啦!"

我迷迷糊糊聽到阿聰叫我起身。

"訓左兩堂數學堂啦你,仲未訓夠呀?我同阿琦行先啦!"

我迷迷糊糊擘大眼,望到黑板上面密密麻麻嘅數式先醒起岩岩上緊數學堂。

課室已經無哂人,大家都出哂去放飯。

我慢條斯理咁行出課室,行落樓梯嘅時候不斷都聽到同學啲笑聲同傾計聲。

我行出學校門口好自然咁行去平時同阿聰阿琦食開間餐廳。

我去到門口阿聰一見到我就猛咁揮手驚死我睇唔到佢咁........

坐到埋位阿聰即刻同我講:"喂冬哥幫你叫左你最愛嘅沙嗲律麵加杯凍檸茶啦,仲有咩吩咐呀?"

"你咪玩阿冬啦,睇佢個樣仲未訓醒咁~"

阿琦順勢係側邊打左阿聰個頭一下

"係啦係啦同阿冬講下笑都唔得!"

阿聰好似個小朋友唔憤氣咁講

驟眼睇落去佢地十足十一對已經拍左拖好耐嘅情侶,但其實佢地只係一對普通朋友...

"係喎阿冬你咪話班上面有個女仔幾斯文靚女嘅,你仲未同我地講係邊個喎!"

阿聰向我追問前排同佢講過嘅野

"噓,你細聲啲得唔得呀?周圍都係我地學校啲人......."

我同阿聰講完佢係到傻笑,佢份人就係咁稚氣。

"我講緊細細粒幾白淨嗰個呀,佢叫阿宜呀。"

阿琦對住我講:"哦 我有同佢傾過幾句計呀,佢真係幾斯文。"

阿琦講完阿聰就即刻答嘴:"吓 我覺得佢麻麻地渣喎,靚過佢又斯文過佢嘅女同學大把啦!"

"你理得我啫,講完比你聽係邊個又要駁!"我嬲嬲地咁同阿聰講

阿聰亦都好識做咁講:"我講下笑渣,你又唔洗咁大反應喎,阿宜應該都係個好女仔黎嘅~"

"黎啦黎啦同學仔沙嗲牛肉麵加凍OT到"伙記係我隔離放低碗麵就忙住去第二枱

我攞起個叉嘅時候唔小心甩左手,個叉叮一聲跌左落地下.........

係到係到

G持