經過呢幾日,大家開始迷茫,唔知下一步點做好
請大家俾小小耐性睇一睇
首先講返個因果關係
先講反送中
第一因:因為反送中
第一果:有一百萬人上街抗議,希望撤回 69示威
第二因:因為政府無視69嘅1百萬人
第二果:有612示威行動
第三因:因為612,政府宣布暫緩送中條例,但同時宣布612定性為暴動,加上有一位烈士犧牲
第三果: 616大遊行,希望林鄭下台,撤回612暴動,釋放義士,徹回送中條例
咁呢個就好似巴絲講,先和理非,不果,就衝 612係成功嘅,亦成功叫多100萬人上街。
所以講真我地拎到200萬市民嘅attention ,政府係年底先都唔會再講,因為如果佢反口,國際間都會有好大輿論,所以可以放埋一邊先,因為佢一郁,佢一定仆硬街
第二,講警察
今日617係一個好好嘅例子,警方友善嘅,我地會配合警方,我地都唔想阻到市民生活!
對比612,點解我地發夢會衝?係因為警察撩交打,引我地打交,我地為左自保先反抗。我地唔好理邊個衝擊先,細心諗,其實警察友善小小,可能真係唔會衝
又講下因果,我發夢現場見到嘅
第一因:警方係添華後退,引示威者,加上之前已經捉人噴椒
第一果:開始有人叫衝
第二因: 發夢有朋友見到立法會個邊開槍加催淚彈
第二果: 真係開始衝
第三因:警方向人群投擲催淚
第三果:大部分冇gear嘅示威者真係撤走
好,講到呢到。就係大家迷惘嘅點
我地依家需要嘅係牆頭草,個d覺得警察合理,但認同政府唔應該咁急去推嘅人。
咁邊個最大責任呀?係政府
政府俾過大權力警方,令佢地濫權。證明政府對警察訓練係令到我地嘅警察冇左良知。
所以黑警嘅出現係政府失當
第三,和理非同勇武派
其實大家係相輔相成,
因:和理非冇用,政府唔撚理
果:勇武派爭取
因:爭取唔到,和理非繼續上
果:爭取更多時間同支持俾勇武派合理出場
和理非勁在多人,可以爭取多d時間,支持,輿論
勇武勁在一呼百應,真係嚇到政府 612就係好例子
所以分工合作,事半功倍。
最後,其實重好多議題要出聲,好似明日大嶼,國歌法。
但係大家細心d諗下,歸根究底都係政府無能,漠視民意。
我地要嘅係真普選同民意,我地依家有200萬人,要好好利用
可能有巴絲concern deadline,本人係同時有deadline,但回顧第一點,政府係唔會講送中住,因為一講佢一定仆街,所以我地一路提醒大眾嘅時候,要繼續做其他野,係好機會話俾大眾知重有好多問題存在
淨返低嘅,全部都係因為冇普選導致嘅。
本人同意改變需要流血,但我同時唔想有人受傷。
我地要不斷拎多d民意,文宣好重要,計劃都好重要,我地唔可以失民意
大家都睇到警察扮死狗,搏同情,點解我地唔可以?我地之間重有好多牆頭草
依家亂咁衝實少左好多人支持,我地欠嘅,係東風,個timing好簡單,政府錯,就係好時機,我地要發夢衝!就要大條道理咁衝!
7月1號可以係好時機睇佢點回應
下星期嘅議題都係社會好敏感嘅,所以,大家要睇清楚,但好好利用200萬人
文宣好重要,依家個個都好留意新聞,social media都好多資訊,流動性好高,係好時機。
不分化,不篤灰,不流血!
我相信合作得好,一定可以成功
612話俾我地知出奇不意先制勝
616話俾我地知和理非嘅威力,有好多人留意新聞,留意政府有冇小動作
最後最後,烈士RIP