都有瞓唔著、無食慾、精神緊張、情緒低落嘅情況呢？
如果你有咁嘅情況，請你放心，
我哋好多人都同你一樣，
經歷緊唔同程度嘅焦慮、抑鬱、恐懼。
以下我會分享一啲以往喺我焦慮、抑鬱症發作時，會用到嘅情緒舒緩嘅方法，幫助各位走出陰霾。
打杖，。情緒來襲，係因為佢哋有重要嘅訊息要帶畀你，每種情緒都有佢嘅功能，有出現嘅原因，例如悲傷，其實係令我哋行動力減低，從而保存能量，留喺係安全地方。我哋可以透過同自己溝通，聆聽心靈嘅需要，從而加強心力。
1. 察覺
要走出情緒困擾，首先我哋要察覺到自己嘅情緒狀態。我哋要承認呢一刻，的確係被困，係要好好照顧情緒嘅時候。要察覺痛苦只係暫時，係會完結，而你絕對有能力同方法幫到自己。
2. 紀錄
情緒可以好細微，唔開心可以分成好多種。我哋可以靜落嚟同自己溝通一下，觀察當下你內心嘅情緒有幾多種，用紙筆全部寫落嚟（最好用鉛筆，紙筆磨擦嘅聲音可以令人靜落嚟），切記必須對自己誠實：
呢啲可以係原始情緒，亦可以係次級情緒。
次級情緒嘅例子係，你因為「感到悲傷」而「厭惡」自己，呢類嘅情緒係會阻止你察覺真正內心需要，而且加重情緒負擔。
請留意有無以下諗法：
「情緒是不好的，而且是愚蠢的」
「我的情緒一點也不重要」
「別人都不在乎我的情緒，我又何必理會」
「表達我的情緒是一種軟弱的象徵」
「情緒化與失去控制是同義詞」
「女人不應該發怒」
「男人不應該恐懼」
「我絕對不能感到害怕」
「情緒化是一種軟弱的象徵」
「情緒總是礙事」
「情緒是那些歇斯底里的人才有的」
「我希望我感覺不到任何事情」
「永遠不可以有強烈情緒」
「我害怕我自己的情緒」
如果你有上述諗法，你要問自己：
「呢個諗法係唔係絕對真實？」
「呢個諗法由邊度衍生？」
「如果堅持呢個諗法，有咩優點，有咩缺點？」
3. 表達與接納
根據唔同嘅性格，你可以選擇：
- 同適合嘅人講
你信得過嘅，會聆聽而不批判你嘅都可以。
- 用文字寫出嚟
可以唔洗畀人睇，淨係自己睇到就得。
- 畫畫
心想畫咩就畫咩，唔需要理靚唔靚，畫緊啲咩，因為呢一刻你只需要同自己交代。如果真係唔知畫咩好，可以試下禪繞畫。
- 靜坐內觀（冥想）
無經驗嘅人都可以試下。
搵一個舒服嘅姿勢，坐又得瞓又得，
將注意力集中喺心口正中央位置，
慢慢一呼一吸，畀自己簡單咁留喺當下呢一刻。
合埋眼聆聽由遠至近嘅聲音，
感受你而家身處嘅地方，
感受你嘅身體每個部位，
感受你自己身處此時此刻，
你安全又寧謐。
當注意力慢慢集中喺一點，你可以開始觀察內在嘅情緒。留意，你只需要觀察，拋開一切批判、判斷（理應、應該、一定），專注客觀地觀察整個畫面/感覺。
專注喺搵到嘅情緒上面，
例如憤怒，我哋感覺佢，體驗佢。
感受當下嘅憤怒，專注於憤怒，
接納你可以有咁嘅情緒，
我哋注意佢向你傳達嘅訊息，
或者佢如何激勵你前進，
而唔係徘徊喺情緒嘅衍生物，
即過去點樣，將來點做或者次級情緒。
一開始可能會有好多雜念，你唔需要理佢哋，同佢哋講聲「多謝你」然後let them go.
如果你需要冥想引導，可以搵我幫手，留個tg畀我，電話隔空幫你
文長但希望幫到大家保護心靈健康，各位我哋一齊努力啦
