［長文連載］分享一年交友App經歷 (2)

咁咪當frd 食下飯 搵下飯腳

其實好似網上識嘅人真係好少發展到好fd 多數係zip時間？

啱呀 應該冇咩女仔會鐘意婆婆媽媽既男仔
自信呢樣要自己建立 如果你自己縮埋一邊自卑個女仔開晒綠燈你都唔會識行 如果呢個唔得咪下一個囉 you have nothing to lose 放鬆d同對方相處

又係呢D想嬴又怕輸case
你地覺得唔見面,可以永遠keep住現狀咩
你起度嘥緊自己時間咋
條女可能已經俾其他人約左出街
佢好快就唔再覆你msg
結果都係得個吉

lm 31o

Sorry lo

多數都係，之前識左個又係咁，又要係屋企話悶，約佢又唔出

Case 5.

慢慢覺得
同Daniel既關係越黎越雞肋，
食之無味，棄之可惜。

其實Daniel 個外表係我鐘意個type黎，夠高夠橫正氣樣，拍埋去顯得我細粒啲，試過同佢岀街個陣係街撞到朋友，後尾朋友話覺得我地幾襯。佢又鐘意行山，佢係會去外國行山個啲黎，如果可以一齊去旅行行山都幾開心啊。

但原來不知不覺同佢都岀左5次街lu，又差唔多一個暑假，令我諗返起上一個暑假，我都係咁樣用左我啲時間，又係不停岀街，大家都對大家好，但最後無疾而終。

講真，我都有啲攰喇。

已經玩左App一段時間，初初玩App個時，好勤力咁match人，畢竟冇試過咁密集式識到咁多異性，個過程都帶俾我好多新鮮感同優越感。但慢慢，經歷過太多無結果既結果，都只會將所有累積落黎既新鮮感同優越感磨滅。

就算見親既男仔都係一個與別不同既個體，我覺得自己對佢地既感覺都冇分別，甚至我已經冇左最初同男仔見面既緊張同期待，佢地做既每一個舉動同講既說話，我都分辨到佢既動機。有一樣野冇變既，就係遇到突如其來既flirting同身體接觸，我都仲係識毛管戙。

點解會個個都冇feel嫁？直頭開始有啲懷疑自己其實係咪鐘意女仔。

至於Daniel，岀左咁多次街，都仲係普普通通，大家保持住朋友既距離，食飯AA制，佢似乎冇追我既諗法，而我依舊冇心動既感覺，而我都冇同佢做朋友既諗法。

始終已經用左咁多時間，
總要有個結果既。

冇乜時間啊

岀左短短既case 5開頭先

對面唔再開話題
啲回應變冷淡係咪應該move on next?
我好掛住之前明明仲覆得好熱情, 會主動開話題既佢

我覺得如果個落差好大 可以next 因爲對面可能識到個更好傾既

終於追晒樓主既po
有d位同樓主好相似
我都係o係交友app搵到男朋友（初戀）
都一齊左一年半啦

開頭玩真係完全唔識同異性相處
又會用d農場文章既技巧
不過覺得好生硬好唔似自己
加上自己都好外協
所以俾人fade out同自己fade out人都試過

又試過以為會成功拍到拖
點知原來自己只係對方既後備方案

有段時間灰左機唔敢掂個app
之後down左T字頭app
當時都係諗住食下花生
笑下交友app d人邊有真係咁靚仔
結果唔知痴左邊條線唯獨like左依家既男朋友

佢主動同我傾計果陣 我都無抱好大既期望
都係當普通傾計
甚至出黎果陣我都覺得應該可能要再相處下先
但之後都好快就一齊左

所以有時緣分既野真係好難講
慶幸自己都好好彩
無話遇到太多壞人
事後都覺得自己當初太執著俾人fade out真係好傻
不過覺得玩app平常心同做自己都好緊要
相處舒服最重要

係呢度見到好多係app度識到有緣人/伴侶既巴絲好開心 祝福你地

可以就咁講啲日常野都可以啊

今日返工返學有咩搞
晏晝食左咩都幾好食啊

有機會一齊去食

Match到既機會係大啲既
但遇唔遇到mr right都係講緣份

咁又唔洗太chur住？

晏晝停左傾計，
咪夜晚先再搵下佢囉～
或者可以睇下佢會唔會主動搵你呢









但
如果
佢冇搵你
都唔好太灰⋯⋯

係有啲唔公平既
但男對女我覺得唔ok
好flirt好狗公





但聽返我男朋友講
原來我第二次同佢岀街都痴得好埋
係不自覺地

想問下，交友app係唔係會用啲Ai扮真人黎係咁同你傾計，但你唔俾月費就回唔到佢。跟住俾左錢之後先發覺上當，啲搵過你嘅人靜曬

同埋發覺好多（98%）交友app都係強制收費，唔俾錢連野都唔俾講

咁搞笑,你個時察覺既咩？

其實我覺得唔係細好多既問題
而係個女仔太細個既問題

30歲男人個女朋友23歲都係常有的事，
但個女仔得17歲，睇下佢份人成唔成熟嫁咋
唔係好似好有代溝咁。

咁呢個係你自己真係太9 match wor
我當年一見到外國人就Skip
有文化差異

我而家Case 5就係講到
我當年都遇到呢個問題個陣既心路歷程

唔關我事 佢地自己黎hi我

冇試過同人做到Frd，
都冇諗住係App識朋友

大空人巴打又黎贈我地金石良言
我冇補充