［長文連載］分享一年交友App經歷 (2)

呢個就係難題 因為細佬我平時好唔識表達自己

Case 5.5

其實Daniel既IG一直冇del到同Ex既相，
我冇特別意思，只係有啲好奇。

「點解你玩Tinder，但你唔del同Ex既相既？」

「點解要del？」Daniel反問我。

其實都唔係話一定要Del，只係會令人疑惑你玩Tinder既動機係乜。

「你唔驚其他女仔見到會亂諗野？」

「你有亂諗野咩？」佢又反問我。

同Daniel傾計佢都唔係第一次咁樣，成日我問佢野，佢又唔正面回答，又要好似要質問返我咁，呢樣野係我其中一樣唔鐘意佢既地方。 其實Daniel既性格同我都冇話好夾，同佢相處又唔係特別開心。驅使我同佢繼續Keep住傾既原因，

可能只係因為，自己擺脫唔到成日有人同自己講野個種依賴。

其實我由細到大都冇特別鐘意同人Text，我會同人Text吹水講無聊野，但都係點到即止，唔會好似而家咁無止境傾落去。但自從玩左App之後，冇人同自己講野既話生活就好似冇左啲野咁。我係咪交友App上癮呢。

「咁我又冇亂諗野⋯⋯」

「我覺得⋯自己未Ready啊⋯」

「下我又唔係逼你啲咩⋯」

Daniel好似誤會左我暗示佢啲乜野，但我越解釋就越似身有屎咁。

「唔好講呢個喇我地都係。」轉Topic都一樣似身有屎。

一個會應承同自己出5次街既女仔，可能係Daniel眼中已經係十拿九穩。但佢唔知，原來呢個女仔會同佢Keep contact，只係因為有人願意花時間係自己身上，而大家之間又有不溫不火既距離感。

我竟然係不知不覺間，
變成左會係App到識人攝時間既人。
（利申如果佢好積極既話我係唔會咁做嫁）

我以為自己仲會維持呢個狀態一段時間，直至個日Daniel做左呢件柒事。

Daniel間唔中都會係IG share啲搞笑Post我睇，然後有一日，佢又Share post黎，撳入去一睇，其實Daniel都真係幾柒⋯⋯



佢唔小心，將我同另外2個女仔加埋佢一齊開左一個grp，然後將個Post Share左呢個grp入面⋯⋯



最後呢個grp係冇人出過聲，都冇野好講啦講真。

但都因為呢件事，我就決心Fade out Daniel嚕。

其實，當Daniel同我講佢未Ready既時候，個下我係真係信左，如果有一日呢個人同我講，佢Ready喇，佢想拖我，咁我係咪又會重蹈覆轍呢？係咪又會隨波逐流呢？ 然後，我又突然醒覺自己之前同佢咁樣傾計係幾咁浪費大家時間，大家既目的根本都同，與其同一個對自己唔重要又冇相同目的既人傾計，點解唔花多啲時間係自己同家人朋友身上？

後來Daniel都有嘗試聊返我傾計，我都係選擇hea覆，之後唔覆，唔想再同佢講野，我黎緊仲要去實習，之後又要寫Final year project，我好忙嫁！


我決定戒App喇。

到底樓主可唔可以成功戒App呢？

可能我個人太鐘意講9野
但match親既30+以上，
好似真係有條gap係中間
好認真唔識笑咁

我自己唔會
見第二次，又唔知人地介唔介意
大家個距離好似未去到可以一人一啖

我係絲 我都會要求aa 大家搵錢都辛苦 關係又冇再進一步 唔好意思要對方請
上次同我心儀對象出去食 我都係要求aa
唔想佢覺得我老奉要佢請

好明顯唔得

唔成功

巴打加油啊，
其實個女仔都算係咁
佢收你兵你最後你可能會憎佢，
而家咁都叫大家留左個好既回憶。

盡情唔開心啦，發洩下！

我好似見到另一個樓上另一個巴打個case
大家好好傾，好close
但個女仔都係話唔係佢杯茶

可唔可以講多少少
佢話你啲咩唔係佢杯茶呢？
樣？feel?

另一樣野就係，
你接唔接受到同佢無左朋友既身分？
如果你根本唔想同佢做frd既
我係鼓勵你試下flirt的
呢個狀態去到最後你唔會開心
只會越黎越沉，
然後見住佢同第二個越走越埋

我都係咁
我信有一日 我地真係可以行番出黎
加油

玩咗一排我覺得好難有中間位，all or nothing 嘅game

嘩點止曖曖地，
好曖昧啦，乜乜豬喎

啊妹真係睇得通透
針對你既優點直接抽擊

我以前都係讀基督教學校
睇返啲經文都有啲感觸
雖然唔知自己而家同男朋友係咪咁
但我相信我地都已經有共同目標

多謝你啊巴打

正確黎講只係講咗一次
我前日影咗公司張廢墟台面佢睇，佢話好有衝動幫我執
尋晚我話諗起佢尋日果句，的起心肝執緊，佢整咗句好叻豬啊俾我
之後尻up咗輪，佢臨瞓我話你快啲去做豬，佢回我晚安加兩個面紅emoji

佢冇呃你
佢係真係唔知自己想點
even自己鐘唔鐘意你都唔知

突然又令我諗返起
以前玩App既時候，
其實對住好多個人我都知道
只要我開綠燈就可以一齊
對方冇野唔好，傾到計
但我又真係唔識分辨自己係咪真係鐘意佢
而家諗返先知自己其實對佢係冇feel
但頻繁既約會會令自己感覺疲勞
做唔到果斷既決定

你斷係岩嫁
因為俾再多時間佢
佢都一樣係唔知自己想點
但呢一刻撻唔著
都好難之後無啦啦撻著

岩

似係fd zone多d,
除非你做得好過份好黑人憎
女人通常都唔介紹同追過自己嘅男仔繼續做fd

所以話，一次過同幾個傾其實都好大風險
大家都係撒網式

唔知講咩好
沈一排再企起身，慣啦！

嘩
好似漫畫情節
真係要兩個都好岩先做得
兩個都ok真係會好浪漫






唔係既話就可以報警

絲打得閒都上黎分享下你遇到既故事啊～

我都識好多耶撚朋友
但都好多會破戒

睇佢覺得信仰對佢黎講係乜嫁咋

我都真係幾羨慕個樣可以好童顏
一定有男仔鐘意個樣可愛嬌小啲嫁
比起肥真係易解決好多



你個時冇同佢講你幾歲咩？