［長文連載］分享一年交友App經歷 (2)

好開心，係我第一個爆Post既Post
開定新Po先。

［長文連載］分享一年交友App經歷 (1)
https://lih.kg/MERjzU

呢到既經歷以純愛為主，
以搵真愛為目標。

當年深感自己已經唔細仲係A0,
冇乜戀愛經驗，
唔識散發available既氣場，
現實中淨係識同人做朋友。

於是膽粗粗試下玩交友App，
而係玩左差唔多一年之後，
終於識到而家男朋友。

係呢一年入面每遇到一個人，
自己既戀愛經驗值都會有所提昇，
唔係單單指同異性相處既技巧，
我認為更重要既係，
呢一年入面我更加了解自己想要咩，
唔再係以前連咩叫戀愛都唔知既A0狗。

所以希望係呢到，
同大家分享下自己係個一年既經歷，
一方面俾自己整理下回憶，
都好想鼓勵下咁多位
渴望搵到另一半既巴打絲打們，
唔好俾自己留係Comfort zone入面，
唔行出第一步，

女神男神係唔會係個天到跌落黎嫁！

有咩問題都可以拎出黎一齊討論下～

記住！

You have nothing to lose.

常見問題： （答案均屬樓主個人意見）

Q: 交友App好似好易俾人玩弄感情？好難信人⋯⋯

玩交友App諗太多太少都唔好 有時見到一啲人玩app玩到好極端
一係就開曬player mode，
完全唔信人，最後得個吉；
一係就勁投入，鐘晒個頭埋去，
人地fade out又覺得人地玩弄你感情
但係玩得app就要預左，
認識既每個人都係隨機，
要學識接受同放手，先會玩得開心


Q: 做唔到情侶，可唔可以做朋友？

講真，大家以戀愛為前提接近對方
但冇意思又話要做朋友其實好尷尬
做左朋友又點？
現實中又唔係一個圈子
你係淨係想同佢WhatsApp傾計？
咁係咪又仲會岀黎食飯見面？

做朋友係要雙方都由衷、
真心地想做朋友先會成立。

當你開左口話做朋友
佢應承左，但原來佢心入面仲覺得自己有機會，
呢段友誼都只係單方面既一廂情願

而我都幾肯定，其中一方話做朋友，
另一方九成會話好，
但佢心入面點諗根本冇人知。


Q: 真係覺得自己好柒，唔擺相得唔得？

就算自己的樣子如何
都係屬於自己既一部分
就算真係太柒都應該要接受同改變
唔想人見到自己個樣會改觀根本冇可能
既然都知自己問題係邊， 不如諗辦法改善 只要由柒 —> 普通，
再加埋自信，已經會有Market。

Btw女樓主我玩App之前個人都冇乜自信
會諗點解自己現實中冇乜人追
但玩App原來會培養到自信
原來自己都唔算柒
只係唔識同異性相處既方法。

Q：覺得大家唔岩，洗唔洗同佢講大家唔夾？/ 點解覺得大家唔夾，都唔可以講聲先斷？俾人Fade out好hurt。

其寶減慢回覆頻率同速既Fade out
某程度上已經係最好既做法。
一日未到已經表白或者擺明溝緊，
都冇野需要解釋。

Fade out人既有需要覺得唔好意思，
俾你拖住唔知點咁先仲慘； 俾人Fade out都唔好覺得hurt， 唔好咁上心，應該要興幸人地冇拖住你
等你可以重新出發。

Q：樓主幾手西？
一手，淨係俾左現任男朋友。

另外係上個Post

#623 大空人420號 巴打
打左一篇金石良言，
總結左好多交友App Tips
Share埋俾大家

2 日前
我都玩左一排同大家分享下：
1. 千其唔好chur
一個正常有社交既女仔係會有佢自己既生活圈子
絕對唔鐘意一個個岩岩認識既人干涉佢生活
個女仔係無義務覆你
當然如果佢有禮貌又有時間咁咪覆你

2.
盡量唔好問d facts既問題
如果佢係學生 我會問下佢係唔係好學生呀
諗一d問題佢要諗過既 又可以同你表達到佢係一個點樣既人
唔好問d你讀咩科，你返咩工。。。
呢d問題可熟左先再傾 一開始輕鬆搵個話題傾下
唔好審犯咁

3. Good listener
你係要專心聽佢講野
過程中你既腦可能會有好你自己既見解
係佢未講完之前 唔好講你自己d野
更多唔好用你既價值觀去批評
盡量係佢既角度去睇佢描述既野
好多人都話唔知講咩好
其實當你個腦諗緊下一句講咩
嗰一刻代表你已經冇專心聽佢講嘢

5.
竟然你想搵命中住定既一個
過程中難免會出現好多rejection
Rejection 代表你哋唔夾 就算一齊到都唔會開心
所以你應該覺得rejection係一件好事
幫你地慳返好多時間
千祈唔好死纏爛打 更加唔好鬧對方
可以禮貌咁問下佢feed back
然後就thank you, next

6.
心靈空虛既人唔好玩app
總會有一班好識運用呢一點既人騙色騙財
你一定要有自己嘅世界
然後再用你自己呢個世界去 搵一個同你夾既人
最有效率既溝仔溝女 既方法永遠永遠都係投資自己身上
不妨去學下唔同嘅新野 增加自己見識
做下運動
感情永遠都係 竹門對竹門木門對木門
你提升自己條見 同時代表你可以選擇更加多既人

絲打會唔會覆埋我上個post

但其實3個月係咪真係耐左d
到底佢點諗
暫時仲未搵到藉口約佢
佢又唔會好似你咁send d戲/餐廳話想睇/試

你知唔知佢有冇同其他人約過岀黎啊？
太淆底，
對自己冇自信都可以係原因嫁

有朋友都試過好耐先約到岀黎
原因都係個女仔驚見到面會唔岩

冇話係咪耐左啲既，
你地又唔係冇野講fade out jor

岩岩覆左

其實係app已經識到幾個女仔，
有幾個開到口叫我約，但我又1516唔岩feel唔想約

完全無戀愛個種feel

我未遇到Ryan之前都以為係
後尾先發現原來唔係咁

戀愛某程度都幾似做緊lab咁
將兩樣野溝埋
去到最後都係會達到穩定狀態
但穩定之前係會有化學反應

而我對Ryan根本就冇個個狀態

又形容得幾好

我自己都覺
諗左陣點解釋好
但其實戀愛真係好抽象

樓豬，我試過第一句開場白就係好on9 嘅罐頭msg介紹自己，然後佢回第一句：「robot? 」😂咁就打開話題

係啊，所以真係講乜都冇所謂

btw你地個幽默點對上左喎

大家都keep住有野講
有時仲會send下心心emoji講下傻妹傻豬咁
第一次約佢個陣佢就係話驚我覺得唔岩會唔理佢
可能佢真係冇自信
但其實我已經偷偷地搵左佢ig出黎
我真心接受到
但又唔話得佢知

咁巴打係想拍拖定其實未ready先？
想拍又得閒咪岀黎見下先
又冇損失既～
一日未見都唔知自己同佢有冇戀愛feel嫁～

大方d話交換左ig先？
其實交換ig幾好 可以多d話題 又可以了解下對方平時既生活

原來真係冇自信

都flirt緊咯，如果佢再拒絕
不如你唔怕講埋啦

傾左咁耐，真係想見下你⋯

都係好方法

lm

多謝你
你地鐘意睇就好。

樓主拍左幾耐先比左第一次現任？

我諗我會盡快約
因為我feel到我開始對佢冇耐性
我覺得再拖多一個月我可能就唔鍾意佢
交換ig冇問題
但我平時只係po下story
post得10個鬆d
我印象中佢ig都幾多po下
好似唔太公平

真係對上左, 同埋佢識講下笑, 我又會同佢講下笑, 基本上完全搭到咀
傾左幾日由基本溝通, 到而家了解左大家背景, 工作schedule, 幾點得閒傾, 今晚試下 flirt 佢佢又無抗拒, 仲串串咀咀
不過呢佢係大忙人, 星期一至五番工, 星期六 shift, 星期日 parttime

樓主從女仔角度講, 睇番某D位都一言驚醒洛克人