返新工個幾月，近排日日俾人屌老母

1/4 返新工，人生第三份工，grad咗2年

份工工作性質內容係點就唔講，費事自爆，但要靈活變通，就好似普通科咁樣樣都要識啲，同唔小心做錯咗影響可以好大，甚至搞出人命傷亡 同事之間都唔會長期留喺公司

一入到去已有少少唔對路，不過為拎經驗冇辦法，因為想當跳板轉行 (非地盤同體力勞動工)，全team得6個人左右，有啲同事唔想教人，所以返咗一個星期唔到就要自己摸 有工作指引可以睇，但好多野又冇寫，啲同事一早就話睇完都冇幫助

某同事A把口好爛，做咗三年，其他都冇乜嘢，其中同事B就比較願意教人，但冇同事A咁爛口，第一星期仲未識晒人就問同事點做，佢已經feel到好唔耐煩嗰隻

過兩個星期，我問同事C個問題係咪咁解決，佢就話係，最後跟住指示搞到成個場跳晒掣 (詳情唔自爆)，亦係返咗工犯咗兩年最大鑊個錯，成條team秒速知，只係super放緊假應該唔知咩事，就係咁開始俾同事A屌老母同人身攻擊我 當時咁啱A同C都喺另一個場，跟住我話跟C個方法搞到跳晒掣，A就反屌"你係咪弱智同完全冇common sense!!!!!!"

作為一個新人真係唔好亂嚟，所以就算睇完工作指引同摸完咁做唔知有冇做錯，第一二次都要循例問問其他同事係咪就做 (除同事A) 再過一兩星期到而家，除同事B之外全部都唔聽我電話，一係就聽但覆話好忙，過一陣同事A就會打返嚟，第一句即刻屌，屌完老母先肯答我

如是者琴日又有另一個問題要請教人，跟住同事A打嚟，一問完佢超大聲喺電話爆
[size=5]"我屌到你老母生愛滋呀!!!!!!!! 咁撚簡單都唔識!!!!!!!!!! 咁個態度公司肯定炒鳩你啦!!!!!!!!!"[/size=6]

屌還屌仲咒埋我阿媽生AIDS，即刻慶過火屎，我個場好多客喺度同仲係新人先唔敢互屌，跟住今朝早即刻發埋惡夢

咁個情況應該捱返一年半載，即走定同dept head反映，因為月尾全team要同dept head開會，如果有得individual傾計就可以反映一吓

即係咁
做錯野 俾人小路寶
就算幾難聽 都無得怨

我自己就咁諗
作為新仔 初階社畜
如果一份工 乜撚都要你自己摸 自己學 無人guide
我會諗呢份工做黎有乜野價值

問人野 求教 姿態要放低
但係我就會諗 值唔值得
我受左氣 學左呢D野 究竟有無野可以拎得走