話說我呀公好細個就無咗媽媽
太爺之後娶嘅繼母婚後幾年都無生bb
佢地老一輩好迷信 覺得因為有個繼子搞到自己生唔到 於是打到呀公頭破血流
(不過打完之後又真係生到仔,仲要生咗兩件.......)
搞到我呀公12歲就頂唔順
明明屋企都叫做養得起都要走出嚟做嘢 再輾轉落咗嚟香港
期間佢地一個仙都無俾過呀公
過咗幾年太爺死咗
個繼母面皮厚到喺太爺臨死前喊哂口話好驚無錢養家又盛
迫到呀公要養佢同兩個同父異母嘅細佬
但嗰時呀公本身已經有老婆仔女要養
啲細佬十幾廿歲可以做嘢都仲成日作故仔呃錢
例如話某某親戚八十大壽要錢
但個親戚早幾年已經死咗
然後賣祖屋呀賣地賺咗錢又唔分返俾呀公
依家成日有啲親戚過嚟香港玩就借佢地間屋嚟住 是但喺樓下city super 買梳蕉當手信
雖然都唔係啲咩大事 但件件事都真係cheap到一個點.......
依幾年呀公有啲老退化
但前排呀婆話想返鄉下 我呀公第一個大大聲話唔好 唔想返
