雖然義工就做唔成，但係都去行下，去到見到當時德蘭修女間房，係住喺廚房隔離，係又熱又焗，冇冷氣冇風扇，加上印度嘅天氣，佢真係唔係一般嘅意志力高強，我收皮了。
然後，當晚我哋臨走之前，我發現我好似唔見咗把梳，想返房搵，然後就唔俾啦，話如果佢哋執房見到有就俾返我，最後我有喺自己袋到搵到~但想講嘅係，搵梳嘅時候識咗一個泰國文青女仔，雖然唔係主流靚女，但超級有氣質，佢係去讀書嘅，宜家都仲留咗喺印度生活。
然後，我哋就出發去火車站。
印度火車分咗好多卡，我哋第一次…如果我冇記得係挑戰3AC等，即係有上中下三個臥鋪，然後有冷氣…試下水溫先，然後，由下程開始就係SL等，都係有上中下三個臥鋪，但係呢就冇冷氣，同得啲可能開到，又或者開唔到嘅風扇，但就平好多！
火車站好大，要搵同行去月台都要啲時間…之後每一次去搵月台都好困難…去到好遲都未講邊個月台，佢delay又唔知，點都唔知…不過好彩每次都有驚無險。係啦，宜家出發去嘅係大吉嶺，去到嗰邊個火車站仲要再轉搵車轉，睇下夾唔夾到其他人一齊搭車~DARJEELING MAIL
上車前你可以喺貼喺車出面張List對下有冇自己名呀坐邊咁~
img]https://na.cx/i/gNS1hJg.jpg[/img]
真係好優秀！有冷氣就係舒服~
嗰陣已經係差唔多1點，執好嘢，趁未有人去廁所之前快快手去個toilet就瞓了，眼瞓到一個點~
執下嘢，去擦個牙，洗個面，就差唔多落車了~ 一晚冇洗頭，個油已經開始油…想死亡…
超級好天氣，超級熱！但都超級靚！
