【印度40幾日】由加爾各答到孟買，火車巴士電單車地鐵步行，多圖少字希望唔爛尾遊記

我去過嘅其他城市都冇分～係加爾各答有分，不過我都唔知點解

之後我哋就去搵老闆講嗰間Galaxy Hotel～佢話其實係好近，而且就算好遠我都唔再驚，因為data萬歲，我重新擁有Google Map啦！！！

不過其實都好似好近，佢喺一條大街轉入去嘅一條小巷度，嗯…如果係夜晚去的話，香港我都未必敢行後巷仔，所以印度我更加唔敢行，但日光日白，同印度真係有好多人，所以～就試下去搵啦！

入到去…發現其實都幾靚～同埋都有幾多外國人，覺得應該差極有限，然後就問幾日後會唔會有間雙人房～然後個叔叔就幫我哋check一下佢本booking簿，然後發現係full booking冇啦，但有單人房，問我哋住唔住，咁…我哋兩個其實都唔肥，所以兩個一張單人床應該都可以？況且都係住個兩晚，所以將就一下其實都冇咩所謂啦～然後佢就問我哋要唔要冷氣，冇冷氣就平啲，然後我同台灣女仔商量，其實香港30度我可以開風扇唔開冷氣瞓都冇問題，佢都表示自己好耐熱，最多起身去沖涼，然後我哋就決定咗住冇冷氣嘅單人房啦！

開開心心咁搵埋住宿，然後就係食個飯～因為都幾好食…又未算，總之叫過得去嘅味道，我哋之後都喺呢間餐廳到食咗一兩次，仲食到有一日個侍應請我哋飲咗杯果汁～有啲印度人食嘢係鍾意用手嘅，但佢哋都會用餐具將要食嘅嘢夾咗落自己碟度，就再用手，或者本身就係一份一份，唔使同其他人share，佢哋就會直接用手～同埋，餐廳裡面都有餐具可以俾大家自己拎嚟用～呀！印度有款汽水叫limca，青檸味，係我喺印度飲得最多嘅汽水，個人覺得當熱到一個點嘅時候，可樂太甜了，limca酸酸甜甜啲，飲起嚟舒服好多～

想問下無酒店要點申請簽證？
見好似申請旅遊簽證要寫酒店做當地聯絡人

留名

然後個叔叔就幫我哋check一下佢本booking簿，然後發現係full booking冇啦，但有單人房，問我哋住唔住，咁…我哋兩個其實都唔肥，所以兩個一張單人床應該都可以？況且都係住個兩晚，所以將就一下其實都冇咩所謂啦～然後佢就問我哋要唔要冷氣，冇冷氣就平啲，然後我同台灣女仔商量，其實香港30度我可以開風扇唔開冷氣瞓都冇問題，佢都表示自己好耐熱，最多起身去沖涼，然後我哋就決定咗住冇冷氣嘅單人房啦！

好似係叫咩pokoda...唔記得是咪咁串了～係炸蔬菜，用天婦羅嘅概念去煮

我申請嗰陣係喺酒店網是但搵間填住先～

強帖留名

實情有屌閪，一定冇走雞

可惜可惜～女女冇性趣～

想講我唔知道其他月份印度會唔會冇咁熱…或者再熱啲，但我想講以我經歷過嘅氣溫嚟講，一定係最熱！每一日都係最熱！


係加爾各答有經歷過好多有趣同印象深刻嘅事，其中一樣兩個喺街頭到幫人畫henna嘅阿姨。佢哋識講簡單嘅英文，所以喺我哋畫henna嘅時候都可以一齊傾下計，冇咁悶。

一個阿姨佢人比較溫柔同內斂，另一個就超級積極，不斷想向你掘到更多嘅錢，不過好彩嘅係，我係由溫柔阿姨幫手畫。真係每人都有一個故事，佢哋係瞓街嘅，14、5歲嘅時候就結婚，有生小朋友，但即使生咗小朋友之後，幾廿年嚟都係一直瞓街，問佢點解，佢就冇講到了，但無論我哋幾早出發，幾夜返到屋企，都會見到佢哋喺嗰個位置到。臨走前一晚，佢就問我會唔會有啲帶嚟嘅舊衫、用剩嘅洗頭水呀沐浴露可以留俾佢，但因為呢個地方係我哋行程嘅第一站，所以真係完全冇任何物資可以留低…然後認真一諗，我就問佢會唔會有朋友嘅地址可以俾我，咁我返香港都可能可以寄返啲舊嘅衫俾佢，然後佢就好開心咁話，叫我等一陣，佢個仔陣間會嚟探佢，可以叫佢個仔俾地址同電話我，等我返香港就可以搵到佢。咁我哋就傾住計等啦，我覺得…起碼佢係用佢有嘅能力去搵錢，而唔係去問遊客拎錢嘅人，所以喺等佢個仔嘅時候我就再畫埋另一隻手嘅henna，咁我哋又有再傾計，佢就同我講，喺之後嘅旅程裡面，尤其係識講英文、或者會用日文、韓文同我哋say hello嘅男人，千其唔好信佢哋，男人都係信唔過~ 好有趣，呢句嘢好耳熟。
好有趣 畫畫下有人喺馬路度放羊 真係好有趣～

後尾佢個仔嚟到，我拎咗佢電話，嘗試whatsapp佢問佢拎地址，然後直到今日，個電話號碼都冇覆過我…雖然唔知係咩原因，但始終應承咗阿姨，覺得…有少少遺憾，希望如果有一日我會再去印度的話，可以再見到佢啦。

lm

喺酒度最後一晚，執完嘢第2日準備走，凌晨2點望落街，雖然已經少人，但都係有好多好多好多車～


可以喺街頭度斟水飲，你哋敢唔敢飲？

除咗小故事，仲有好多有趣嘅鎖碎事可以分享～然後，今次係我第一次開Post去寫遊記，發現原來真係有人comment係會有動力d哈哈，雖然我真係好懶，但希望大家都可以留言支持下，同我傾下計都好～

今晚突然好起勁，好！再接再厲，繼續打！喺再分享故事之前，繼續分享一下我喺加爾各答呢個城市裡面有趣嘅所見所聞啦！
係報紙檔～然後我有諗過不如買份報紙，不過第一站就買，實在太蠢XD

係之前文裡面講過嘅小食檔，之後陸續都有喺呢啲檔口度買嘢食同買嘢飲，總結成個旅程嚟睇，我除咗食完恆河嗰站間hostel個晚餐有痾之外，其餘時間都一切安好，一次都冇痾過～不過我一直都係腸胃比較堅強嘅人。

想分到少少食嘅狗狗～

果汁～真心，太熱嘅時候整返杯都真係幾爽皮，有時真係一啲都唔甜，有時就會好好飲，都真係撞手神，睇下好唔好彩。

佢哋榨汁個過程個人覺得幾有趣，其實我有片，但係是咪冇得好似相咁直接upload，除咗google drive，大家有冇其他方法？

因為我又相機，又電話影，啲相真係好亂…畫henna嘅相，補返幾張先！
嗯…其實畫到去呢個地步，我覺得已經小over，因為有少少太過密集…然後…我有之後係有少少唔敢望自己隻手XD


大家都係坐喺馬路邊，坐之前，我有小猶疑一下，不過算啦，只要豁出去就一切都還好~就呢一坐開始，就開啟咗開心乞兒仔嘅人生哈哈XD

阿姨等我手上嘅顏料乾嘅時候自己都幫自己畫返個~

呀！然後我有再搵到多啲Galaxy Hotel嘅相~

我哋間房，堅係超級細，然後又冇可能開窗，而且開頭以為可以兩個人一齊瞓床係完全冇可能…然後我選擇左瞓地下。瞓咗一晚，我發現原來呢個熱真係唔係我可以接受到，因為焗到我就收皮，所以我決定要冷氣，只需要加幾百蚊盧比，佢就會通電俾你…然後我覺得好舒服！

廁所有2個，唔臭都幾企理嘅，不錯不錯~

喺未有冷氣之前，我都會出去common area度睇書、玩電話同埋睇可有咩地方可以玩，因為係一完sem就即刻出發，所以去之前完全冇時間去準備同做功課~

手洗完嘅衫，就只可以long返喺房~

Hostel一個外國叔叔邀請，朝早5點一齊去呢個草地做瑜伽，然後我哋都無法…所以選擇咗下就4點幾5點自己再去，大到…係有人放羊…又有馬…大家都喺度踢波玩板球，超級開心！我仲有喺地下蚊啲草餵馬，佢哋又食喎，好可愛！就成就解鎖咗餵馬~

連隻狗嘅坐姿都特別囂張！

只係一小部份嘅草地~


羊仔真係好得意，我除咗細個去音樂農莊隔離個農莊，我唔記得叫咩名了，有餵過羊同兔仔之外，就冇餵過了！仲可以玩羊，真係好開心，啲放羊嘅印度人都好好，冇阻止我哋瘋狂騷擾佢哋啲羊。

PO多一張動物相！就係，玩完草地之後，返屋企嘅路上，我見到斑點狗！今次係除咗細個睇101斑點狗之後，同一次路上見過之外，第1次見到！然後，印度人係熱情嘅，而且老實講都幾友善，雖然呢個印度人應該只係負責放狗，但佢竟然唔怕隻狗會走甩，見我充滿興趣就俾條狗帶我放狗同影相，但狗帶一到我手，隻狗就想狗衝，我頂佢個肺，不過好開心，竟然仲可以放到斑點狗…我真心好開心！

樓主強壯既腸胃

繼續！
我哋食下嘢啦好唔好～？
玩完henna之後去飯堂食，真係~優秀！

然後，成功同飯堂嘅伙記混熟，佢私人醒咗杯Lassi俾我飲，唔是有免費嘢飲嘅開心咁簡單，係…愛呀！

再再然後，就要去世界嘅飯堂度用餐！就是麥記了！然後，佢哋其實係連麥記都唔俾影相，不過都冇人理就是了~

我已經唔記得我食咗咩餐，但是記得都小貴…

裡面其實係幾靚，地方大就是任性呀！

然後，食完就又喺街到亂行啦！發現咗佢哋會搵啲學生喺馬路到舉no horn嘅牌，好奇之下就去R學生傾下計，原來係因為佢哋想改善馬路嘅嘈音問題，所以就會係特定時間一齊去馬路到舉呢個牌，提醒啲司機~

路過香港飯店，倍感親切，留影一相~

henna嗰張睇到有d毛管恫

真心…我自己都有幾日唔敢認真望自己隻手

印度人先係真強壯

係隻手好核突

btw 有冇卜野

我隻手好核突~? 定係henna? 手的話…我個人覺得幾靚喎至於有冇扑嘢，你繼續睇落去就會知㗎喇

呢一日去咗泰戈爾個博物館，後尾仲有買咗佢本詩集返屋企，因為見到「I leave no trace of wings in the air but i am glad i have had my flight」呢句嘢，再睇都係覺得呢句嘢好靚~
只可以影到外圍嘅相，因為入面係唔俾影相嘅~



當時嘅收費~