【印度40幾日】由加爾各答到孟買，火車巴士電單車地鐵步行，多圖少字希望唔爛尾遊記

第一日去到印度，係半夜凌晨，見到機場出面所有嘢都係黑蚊蚊，決定要等到天光先離開。

印度嘅街頭好雜亂，但冇想像中臭、冇想像中污糟、冇想像中落後、人都冇想像中危險，一切都俾想像中好～

出發之前上網做research見到有人分享地球步方裏面介紹印度嘅一句嘢，好鍾意，所以都同大家分享一下：「印度，那裡是人間森林，就像不碰到樹，便無法穿越森林一般，不與人相逢就沒辦法在印度旅行。在印度有這樣的比喻，如果有個人走在茂密的森林中，那個人保持著愉悅的心情，傾聽樹木的吵雜聲、小鳥的鳴叫聲，猶如融入週遭自然環境般的信步而走，那應該就能度過幸福的一天吧！然而，如果那個人總是害怕遇見毒蛇，邊走邊抱持著不安與憎恨的心情張望四周，得到的結果反而是刺激到蛇，結果就如他所畏懼的那樣遭毒蛇所咬。」

大概係無法再控制到括約肌嘅概念

留名

Lm
Total 洗咗幾多錢？

好威喎

我究竟要睇幾多印度遊記先鼓起到勇氣去印度。

留名

已經冇咩印象～
因為我去去程機票同回程機票係分開買，大概4000幾，然後再用8000蚊港紙兌美金，有用淨少少美金返嚟

去個尼泊爾試下水溫先～？

感謝大家留名～
今晚夜啲再繼續post!!

支持

旅伴係一個素未謀面嘅台灣女仔，我哋相約係吉隆波見面，一齊轉機去加爾各答。都係因為未見過嘅關係，所以我哋淨係book咗頭3晚嘅住宿，打算見到面再討論行程呀住宿呀～不過有3日時間去搵下一個落腳點，充裕～

個wifi連咗成晚都係連唔到，但～因為機場嘅sim卡賣太貴，真係買唔落手…

都係因為機場匯率差到一個點，記得都係唱咗少少錢～印度盧比！

天光之後，無法一開始就揀個太剌激嘅方法去感受印度，所以搭的士xd不過印度嘅的士…雖然天氣好熱，但冇冷氣是常識吧～同埋，去到印度，一切都要講價，因為你係遊客，更加要講到一半再一半，搭的士係先講價後開車，到站要堅持俾返講好嘅數，雖然佢會嘗試再R多啲。我唔知是咪所有的士都係，但呢次係同接洽人傾好，接洽人都會上埋車，坐司機隔離，起飛！

馬路上面有一萬架車，但司機保持有住賽車手嘅靈魂，油門踩到盡，風馳電掣，雖然知道阿司機大哥日日都咁揸唔會撞，但成功去到酒店，冇發生過咩交通意外真係要感恩一下！因為加爾各答都係一個大城，但係APPLE、samsung嗰陣係有親切嘅熟悉感，係香港嘅味道xd

LM

留名支持

去到酒店放低啲嘢，就要出發去買火車飛、book 3日後住嘅hostel同埋買電話卡。

因為冇上網嘅關係，google離線地圖又唔知點解用唔到…就唯有邊行邊搵再邊問啦～行喺街上面…好熱…好焗，然後大家都好似當你係動物園裡面嘅動物咁，開頭會覺得好奇怪…但習慣就好，同埋去到大城市，好似新德里呀孟買嗰啲地方，佢地見得多遊客，都唔會不停咁望實你，但不得不講真係好！熱！

應該係行到去賣火車飛嘅附近，google map正式收皮，然後唯有問路…雖然呢度真係有好多人，但我哋都係決定搵店家問最安全～雖然佢唔是好聽得明我哋講咩，但又手勢又動作之後，佢又手勢又動作之後，大家都終於成功溝通到，覺得真心開心xdd

好啦，根據大哥佢所講嘅指示，又再搵下咁就去咗一個應該係可以買到火車飛嘅地方，然後裡面又有警察又剩，感覺非常安心～所以入到去即刻坐底休息一下，然後就再研究點買飛～搞完一輪，又排隊，終於有個識英文嘅人同我哋講呢度係for本地人買架咋～你哋買要去另一個地方…

人生真係覺得好絕望…因為又要繼續好似好有目的，但又漫無目的咁搵火車飛～不過今次嘅指引都真係尚算清楚，其實係直行再轉個彎就到，而且去到附近見到有個位聚集人群，就搵到lu～


要買佢哋嘅火車飛又係一門學問，真係…好複雜對於新手嚟講！對了，喺呢度買火車飛，係要拎籌嘅～然後喺等候期間，又八卦下大家到底做緊乜之後，發現可以拎定張form填咗先，到你嘅時候就要即刻買～哈哈哈哈哈！係印度文之類嘅字，我一定識睇啦～如果我有data我一定可以google translate，但我冇，我哋嘅迷茫應該係世人都可以感受到， 有個孟加拉嘅男子申出援手，仲介紹咗個app俾我哋用，可以check清楚班次呀之類嘅嘢，但我哋冇data，我哋只係一個0，所以都係繼續求助佢同請佢share data俾我哋一用xd 孟加拉男子…我已經唔記得佢叫咩名了，不過佢係帶貨人，需要成日印度孟加拉兩邊走，仲同我熱情介紹佢家鄉，原來…大家電話都收埋咗好多自己國家嘅相，到我要介紹嘅時候我只可以google香港嘅嘢俾佢睇…因為我電話冇相～


本來我哋打算買2站嘅火車飛…但呢～真係好麻煩，我聽唔明邊個環節出問題，賣火車飛個阿姨真係態度又差又黑面，很好！總之淨係買到下次出發嘅火車飛～嗰晚返到酒店，要好好攻略一下到底點買火車飛先頂呀！

有冇話點解買飛要分開本地人同外國人？

ching 你還安好嗎？

Then?

呢幾日有啲忙～今晚夜啲出文！

然後～下一個任務就係買電話卡同搵下一個住嘅地方！真心需要電話卡，冇咗Google Map嘅人生真係好迷茫～

因為冇地圖，我哋都係邊問人邊行，見到nike～

同時，5月底加爾各答嘅街頭實在係太熱，而我哋見到其他印度人喺街邊食嘢又食得幾開心，我哋都買咗杯果汁試下～甜就雖然唔係好甜，但勝在夠凍，已經十分滿足！
我搵唔到果汁檔相～但是有的，見到再po～係繁榮嘅大街，但熱到人都癲，所以見到有冷氣嘅舖都入去涼下…
咁呢因為已經年幾兩年前嘅事，所以我都唔係好記得實際位置喺邊～但大概記得係一條叫咩背包客街之類嘅地方，可以換齊一切你所需！喺印度見到中文字實在甚感親切，仲要係繁中，後尾同老闆傾計先知原來係出自台灣人嘅手筆，仲用合理嘅價錢買到電話卡，非常優秀～因為老闆一睇就知係專做遊客生意，所以我哋都一次過睇下可唔可以喺舖頭到打聽一下我哋想知嘅嘢～例如，住！老闆推薦咗一間叫Hotel Galaxy俾我哋，後尾我哋都真係去咗嗰度住，都幾優秀，遲啲再講但係～

咁我哋又問完住嘅嘢，又買到電話卡，就繼續留喺舖頭同老闆吹下水啦～呢個時候就有個印度男人入咗嚟，佢哋真心超級擅長R水吹，而且絕無冷場～佢講嘢嘅態度同感覺令到我同台灣女仔都以為佢係老闆嘅FD子，所以就一齊傾啦，傾咗都一陣之後佢有嘢做要走，然後就問我哋住邊，然後話嚟緊weekend有個地方類似有市集之類嘅嘢行，有好食嘅嘢，仲可以帶我哋去～佢見我哋唔想講住邊之後，就話唔緊要架，我哋約返喺呢度等都可以，然後再一齊去！我哋最後就問咗個市集喺邊，然後就話好啦再算啦哈哈，佢就走了，不過嗰陣我有邀請佢影張相留念，因為到宜家喺我記憶入面佢都係一個熱情嘅好人，但都係防人之心不可無～

係佢走咗之後，老闆就突然超級認真mode咁同我哋講，話喺印度呢個地方，任何印度男人話帶我哋去邊度，幾近都好，都一定唔可以跟佢哋去～聽到嘅當下都感覺幾震陷，令到啱啱先放低嘅介心再度回歸，因為如果連一個生活喺印度嘅人都咁同你講，好似係真係有更小心嘅必要～但，有好人都有壞人，防人之心不可無，平常心加多啲介心就好了，太小心好似此地無銀三百兩，人哋本來冇留意你都睇多你幾眼，但喺呢間舖頭度收獲滿滿真開心！～