[多圖少字] 長崎 島原 即影即有 快閃 4日3夜

去到問人拎紙箱直接寄倉
我之前backpack去北海道都係咁

準備更新

第三日 市內
早上既行程只係去左觀光通買野 所以無圖啦
買完野放返D野係酒店之後就再出發
首先係長崎車站行左陣街 食左個拉面

之後係global work買左幾件衫 就走了

之後坐車去左和平公園站
首先去左爆心地(後面個海鷗真係好柒

嘗試p走佢順眼返啲

之後行去原爆資料館既途中見到櫻之紀念碑上既櫻花



行多幾分鐘之後就去到資料館了
我覺得值得睇的 加上本身又有旅客卡有半價
真係覺得有D搞手但求打個和 驚佢唔知點做落去


行左大概9個字到
之後去埋隔離和平紀念館
入邊有D生還者當時既日記/關於爆炸後既紀錄
睇完其實幾有hard feeling
追悼空間入邊好安靜 靜到有D壓迫感
呢到紀錄左所有原爆死難者既姓名 大概有17萬個

之後再上去和平紀念館既出口
水池上有7萬粒燈 要黎紀念原爆既死難者

睇多一陣已經懷住沈重既心情咁離開
之後準備行去坐電車既途中 又比我見到幾棵櫻花
不過天陰同有藍天影出黎真係爭好遠




影到5點在右 見個天好似開始靚返D
就即刻拿拿聲起程去稻佐山了

途中又比我見到個奇怪地方名

上到去已經6點幾 都幾多人下
仲要遇到有日本既搞笑藝人黎拍外景
係安田大馬戲團既小黑
錄緊個陣仲問啲靚女本地遊客可唔可以考慮下佢做男朋友


之後就係出名伏既景點既相 好似係








影到咁上下開始落雨 拿拿聲走了
返到去係附近買左個牛丼

再食多兩碗dormy inn拉麵


浸埋個靚溫泉就結束呢一日
聽日就最後一日了

待續

繼續留名

睇原爆都半日?

因為我今日其實無乜行程 無寫個D都係買下野多
但你知一買野又睇睇下又幾多點咁
其實我去到都已經2點幾3點左右
慢慢行慢慢影咁就5點
加上去到寶町站本身諗住行過去纜車站
之後又問下路 個family mart staff話要行好遠
叫我地坐巴士 又搞左D時間
搞下搞下去到山腳都成6點半

多謝捧場

多謝賞面

巴打plan成點

支持
巴打自己去？有無計咁多日大概用左幾多錢？

纜車站底嘅巴士係咪好疏落？

唔係自己去呀 2個人
大概用左機票連住加洗費5.5K到

都唔算wo
有2架巴士都岩 個staff教我地坐3號同4號
可能繁忙時間啦 等左1個字到就有車
利申 寶町站上

plan左一早鹿兒島中央出發搭新幹線去熊本
再轉巴士去熊本港
再搭船過島原港
島原港搭電車去島原駅
食下野 再去睇埋3柴同島原城
之後搭巴士去雲仙溫泉住返晚
睇埋雲仙地獄
第二朝一早出返長崎市區 之後尻行原爆館
諗住最尾果日先去軍艦島

幾正 時間多啲既我都想咁行
鹿兒島有無落埋屋久島個啲？

唔去屋久島啦 想有一日hea下行下街算
唔想趕咁多行程

哈哈 都好既 趕頭趕命去既攰過返工
留名到時睇相

今日咁多安心post有諗過打唔打好
不過算啦 都就完 打埋佢出埋D相算lu
-----------------------------------------------------------------------------------------
最後一日 上午去左隔離post話勁伏既大浦天主堂
首先坐電車去天主堂站落
之後會由一條手信街個到上既
條街仲多野睇過個天主堂
有好味既蜂糖雪榚

仲有貓貓

所以究竟伏唔伏?
伏
中伏指數 7粒星
1000YEN入場 入完個小教堂之後就係右手邊既展館
展覽館入邊有介紹天草/大浦地區既地下天主教遺址既野
仲有介紹成個長崎究竟仲有咩天主教教堂
老實講 佢入邊介紹個D仲吸引過大浦呢個
即使係浦上個個都仲好 起碼係紅磚建築有D特色
最衰既仲要係入邊唔比影相
不嬲影開教堂相打卡既我都有D不是味兒
(雖然其實都偷偷地影左一張 不過真係有人想知先po

首完呢到之後去左眼鏡橋
係伏! 係伏! 係伏!
中伏指數 8粒星
好重要 所以要講三次

無嫁啦 就係咁
其實就係一條河 附近有好多條古石橋
你可以落去搵D心型石既
不過要小心 因為岸邊都窄窄地
行左一陣就決定走 回頭去出島
不過首先係個邊搵D野食先

行過見到有間烏冬店 古色古香到以為佢係文物多過食店

食物就一般啦 5 600yen 一碗唔太特別
不過個環境真係好平民 好昭和 加上係一間完全local既店鋪
都係一個好好既體驗黎

食完就去出島了

睇少兩個地方

大浦天主堂伏到我連隔離哥拉巴園都無去
硬係覺得一樣咁伏

島原有一日PASS 只係1000YEN
所以2月個陣我一日一次過去哂島原/雲仙/OBAMA
但朝早去島原落大雨...濕L哂
去雲仙勁大霧 視線2米多外已經都睇唔到

我都有買阿 幾抵用
不過加左200yen了


雖然好慘 但去到雲仙大霧真係岩哂個地名
咁大雨有無取消啲行程？

可能我記錯應該都係1200

冇呀 去到島原先落大雨 冇帶遮
島原車站附近仲要冇便利店

冇改行程 因為之後去雲仙 都只係細雨 去到小濱直情冇雨🤧