[多圖少字] 長崎 島原 即影即有 快閃 4日3夜

多謝收睇

BTW而加開始打 今晚實有野睇

Day2 下午 島原

上返岸之後即刻就要起程去長崎車站坐車去諫早
時間得15分鐘 miss左就要等2個鐘後先有車
好彩既係大波止去車站其實好近 15分鐘夠有突
唔好彩既係
我走左一班電車
等左10分鐘先有車 本身都打定輸數
不過自己又唔份氣 落車即刻狗沖
仲要沖錯月台
都仲比我趕到

然後坐左半個鐘到就到諫早準備再轉島原鐵道線了


去之前做research見到個台仔話要去車站對面既酒店到買個一日券 點知去到無哂
最終都係係車站入面買 又比台仔跣左一獲
上車之後發現都好多人下 又無哂窗邊位
所以影下啲乘客先


坐左5 6個站到就開始沿海線

坐左一個鐘到就到島原了

島原車站既外型都係城咁


行前小小就好快見到島原城 但去之前想睇左三柴犬先
所以就問隔離間炸雞店既店員
點知佢話唔識講
話直接車我去 太好人了





雖然無好似人地見到咁會係個lon到申個頭出黎比你撚
但都好得意
之後係附近便利店食啲嘢 然後準備行去城堡了

上年去左軍艦島 不過得日文團 全程on99咁一句都唔識聽

得日文都幾sad 我個陣好似係中英日三語

推下先

島原part 2

成個島原城附近都係民居 所以無乜特別既嘢食
所以搵到family mart就狗沖左
食完無幾耐就開始出發了



好似周圍都同個城好近咁

繼續行下 又近啲


行左10分鐘到 就上到城堡了


島原城係小有任何破風裝飾都無既天守
好pure 好true

第一件事上到去係做乜？ 係打卡？ 係影相？
錯！ 係搵花阿

人家的島原城與花



我去到已經得返殘花敗柳了



桃花謝哂 櫻花又未開
慘阿
所以我都係影下城同景算




周圍行左一陣 就比錢入去天守了
島原城係復原天守 用現代建築起返出黎
入邊有個博物館 講下島原城既歷史
包括島原之亂 幕府最大規模既民變

由於島原藩既藩主又殘暴又重税
加上天主教係豐臣秀吉時期已經被列為邪教
當地天主教徒以天草四郎時征為首 佔據附近既原城
第一個黎自既幕府既將軍更加係戰死沙場
最後由大名鼎鼎既西國無雙 立花宗茂先平亂

而由此之後 外國傳教士被驅逐出境 天主教徙轉為地下
由1637年直到明治維新後先重光

講完歷史就上到頂層了
一望無際既有明海 靚到




其實都幾大風下
睇完之後就準備回程去島原站
準備去下一個地方 大三東

睇吓幾時有平機票去幾日

輕鬆放假都幾好 市區啲點其實都好近

其實大三東呢個地方只係去島原既時候咁岩見到
覺得黃昏呢到實好靚
所以就係回程既去左
唔講咁多 即刻去相




另外仲係吾妻附近既夕陽


然後就開始無太陽了 所以無其他相了
之後返到諫早就再坐特急返長崎


返到長崎就去左食溫野菜
點解會去食香港都有既鋪頭？

因為有日係連登睇到個咁既廣告

心諗 咁抵有霜降黑毛和牛
所以就即刻狗沖左

返到長崎車站首先要坐電車去思案橋
落車行10分鐘就到了

題外話 思案橋附近好多人拎住塊牌沖過黎叫你聽佢講
無專燈search咩人 但都總覺得係騙案嫁啦 所以急速離開左 唔知有無其他巴絲遇過呢

講完疑似騙案就返正題 放題
黎料




雖然因爲溝通問題 個打工妹豬一次過拎唒2 round所有肉黎 而且無叫到霜降 只係普通黑毛和牛
但已經好正
食到傻先至二百幾港幣 抵到

食完返去抖就浸埋溫泉就完啦今日

Day3 重點 市內景點 幾條櫻花

阿 仲有新世界三大夜景

黎緊去鹿兒島加長崎6日
諗緊鹿兒島直接搭巴士去長崎玩
定係搭新幹線去熊本轉船去島原玩一日
第二日先再搭返JR去長崎港再join下午船去軍艦島好
求指教

我自己未去過鹿兒島個邊
但有search過船係熊本去島原先1個鐘
如果你係早出發既上午會唔會已經去到島原
慢慢係島原行陣同用2個鐘去長崎行陣市區點
之後第2朝再去軍艦島好似比較善用時間
上午去軍艦島既話你仲有成個半日可以PLAN你想再去既地方

鹿兒島去熊本搭JR都要1個鐘
之後熊本駅去熊本外港都要半個鐘
再轉埋船去島原都要半個鐘
去到應該都2點左右
同埋本身都拖住喼，唔想咁狼狽同咁趕

想問下島原多唔多野睇，值唔值得留一日

一日唔係好需要 無咁多野你行
但我見佢而加櫻花好似滿開 經過既都可以去睇下既

因為本身鹿兒島去長崎搭巴士都要6個鐘
所以就諗住轉下船去島原睇下
同埋好鐘意柴犬，想去睇下
btw島原有無地方放一放喼

6個鐘 坐到嘔wo 我就一定行島原線 even係唔停島原
車站唔肯定有無得放 但係係城堡到就有得放行李既
BTW有無諗過係雲仙到停一晚 有車出返諫早再出長崎

但又唔想拖住個喼去睇柴犬同睇城堡
諗住係鹿兒島-＞熊本駅-＞熊本港-＞島原-＞睇柴犬-＞睇城堡 (宿島原)
第二朝一早就搭島原線落諫早再轉特急去長崎 再join下晝1點鐘軍艦島
咁得唔得?

我覺得ok
咁就唔使趕 特急去長崎8個字到就到
但要係長崎車站食定嘢先 碼頭個邊好似得間海鮮
如果唔入碼頭隔離個商場既話

雲仙溫泉值唔值得去下
可以島原直入雲仙溫泉一泊兩食
第二朝一早出返長崎
放低行李喺長崎駅附近嘅酒店
再食啲野就去軍艦島
咁樣會唔會好chur

溫野菜

雲仙地獄夜晚會開燈
好似可以睇下兩種唔同既地獄 睇落好似幾有趣
上次我去唔到 應該下次會去
我覺得都唔算太chur 只係有行李呢樣姐

正到
同香港真係無得比

想backpack
但係又有野要買返香港
呢下先煩迫住拖喼