之前睇左另一個巴打去軍艦島既post
見到早啲訂飛有得平幾百yen 咁就一早訂左先啦
我自己就訂左やまさ海運 好似平左200yen
由於想下午去其他地方 所以訂左上午既團去
太早既關係所以係樓下便利店買左啲嘢食就準備出發
黎到日本點可以唔食lawson炸雞先
坐電車係大波止站落車之後行10分鐘就到碼頭了
一開頭搵唔到係邊到攞飛 又見到有人開始排隊
之後心急之下尻行先搵到個售票處
好彩仲有好多人排緊隊
之後要填份表 再排隊比錢
佢會有一張嘢寫明如果登唔到島會可以退款的
當然希望大家唔會用到啦
個隻好classic既船好似係同公司既觀光丸 係另一團黎的
有興趣既巴絲可以自己留意下
睇相都見到 其實天氣麻麻地 朝早仲落雨 本身都好擔心會唔會上唔到島
隻船一路行 日文guide不停咁介紹
平均兩三個字先停一陣 之後比廢老中文guide講一兩句
然後又到返日文
個中文個啲其實只係講返單張上面啲嘢
途中係內海都見到唔同既世界遺產之一
例如三菱長崎造船廠既勁大起重吊臂
由明治時期1909年開始就建成 一直用左110年到而加
隔離仲見到停左係長崎既神盾艦 朝日號
朝日號係朝日級驅逐艦既首艦
2018年先服役 都幾新下
行多一陣就到女神大橋了
然後就一直行 行左一個鐘到 終於到了
岩岩埋岸等上船 其實就咁睇都真係一個監獄
四面都咁大浪 真係無一個人可以走得到
加上二戰時佔領區人民被日本帶去呢到做強制勞動
話佢係監獄都真係不為過
下面圖中一個一個框咁既係咩黎?
其實係本身要黎運煤既輸送帶 但而加只係留低返D柱
其實端島原本只係得圖中燈塔個到係天然
其他燈塔下既所有地方都係填海填出黎
手機影左幾張
天氣麻麻地 所以D即影即有影得好差
其實行左唔係好耐 我諗得半個鐘到 佢基本上只係沿住外圍行
無得行入D建築物入邊 都幾無引
好快就又要上船走了
上返船之後會圍住個島再講下之前見唔到既地方
據講點解呢到會叫軍艦島既原因
係因為呢到個外型話好似當時20年代興建既土佐號戰艦
圖為1922年8月土佐號戰艦在長崎港
好啦講埋其他睇唔到既地方之後就開始回程了
返到去船員就會派cert比你 當係紀念品啦
平成31年3月17日 平成最後之上陸 好似係
上午行程完
預告:下午係好好天氣既島原半島之旅
