濕疹令到我好攰好冇動力好厭世

10年濕疹，試過無數方法
會發炎出黃水個種，好明白你嘅感受
西醫中醫戒口運動抹保濕好多好多嘢都試過
最後係驗左血發現對塵蟎四級敏感
勤力吸塵玩床單都冇用
問過醫生就決定長期食抗敏藥，根本唔使類固醇或者做任何野都好返哂，唔使戒口唔使特別搞啲咩
不過一斷藥就即刻返晒黎 咁唯有長期一日2粒抗敏藥咁食，就可以好似正常人咁生活

我特別有感觸嘅就係唔怪得次次睇完西醫會好返晒但係啲藥食完就好快又返返嚟，睇西醫又好怕用類固醇，原來類固醇唔係重點，同抗敏藥係可以長期食，原來咁多年嘅問題咁難解決嘅問題，原來係咁容易就可以解決到只係一日2粒藥，因為藥效12小時所以早晚一粒

btw 濕疹樣嘢好蝦人醫，人哋有效嘅嘢放喺你身上未必有效，其實太多太多方法都係無用，好多人都怕我長期食藥，大比長期病患好得太多了，只係過去分享我嘅個案未必你用得着我比你參考

康復過程：
階段1 查重度類固醇（因為長年查類固醇，一般類固醇冇用，你種一開始茶會有少少刺痛感覺）+ 抗敏針一支+以上抗敏藥+抗生素 （因為有傷口感染）
一個星期左右會好返晒傷口收晒水平滑返

階段2 長期食以上兩隻抗敏藥，唔需要再查類固醇

完

多謝你 但我唔想長期食藥

我係睇營養師check 但市面上都有其他
Google打食物敏感會有
唔好貪平嘅揾啲好general 嘅
好似我張圖呢種好多item 會比自己仔細知道有咩敏感
1係輕微敏感 3係極敏感
Ps 唔好問邊間喇因爲覺得啲服務麻麻

天將降大任於斯人也，必先苦其心志，勞其筋骨，餓其體膚，空乏其身，行拂亂其所為，所以動心忍性，增益其所不能。

你test敏感係ige定igg

好痛苦 戒緊類固醇
又紅皮症緊
遙遙無期
身心都好攰

我都係 照用 幾work架

最後個句 好心酸 我真係明白你 真的 都係我願望too
絲打 撐你 我都係喺面

ige塵蟎>100

我上兩年啲濕疹都爆得好勁，成身嘅皮不停甩，成塊面紅曬，完全唔想出街，唔想比人見到我個樣。濕疹搞到個人好似好虛，成日都好攰但係個身好痕又訓唔到，只可以好無助咁喊同訓係到，心理生理上個狀態都好差。

又係咩中西醫、戒口、搽藥膏都試過曬，全部都好似無咩成效，好快又翻發。血液測試都做埋，結果咩都無敏感。

我好明白啲親戚朋友知都你濕疹就比好多資訊你，咩咩醫生好，食咩、搽咩會醫得好，嗰時聽得太多搞到好炆，覺得好煩(雖然明白佢地出自好心)，但係其實個個身體狀況唔同，都唔知信邊個好。

我覺得最緊要你要比自己個身體同個腦休息，嘗試唔好掛住諗自己個病，做下啲可以distract到你嘅活動，令心情變得輕鬆啲先。

而我自己最後去咗睇中醫再加針灸，針灸我唔理係咪真係有效啦，不過我每次針灸完都好舒服，針灸嗰30-45mins全程專心留意自己嘅身體脈絡，亦都可能distract 咗我令到針嗰陣個身唔再痕，我keep住針加上輕微嘅中藥(醫師話中藥太重會燥熱，主要開d清毒，令我好訓啲嘅中藥就夠)，再加上自己食維他命同益生菌，去增強自己免疫力，得閒係屋企輕鬆嘅拉筋。我宜家都算八成康復，個身無再痕同埋紅，塊面好翻曬，係差d疤痕可能因為之前太嚴重未曬退色。

以上都只係適合我自己的方法，人人都可能唔同。
我好明白亦都經歷過好無助嘅感受
但其實點都會有解決方法
可以適當時候發洩釋放自己嘅情緒，唔好收埋忍住忍住
You are definitely not alone!

希望幫到你啦

塗紫草膏啦 堅work

加油啊絲打 好快會有好轉
利申：同路人

情況愈黎愈差
唔敢再抱有希望
唔想出門唔想見人
好影響情緒

去完日本好左8成 返香港又爆
香港啲空氣真係好差