濕疹令到我好攰好冇動力好厭世

唔該你班仆街咪周圍R
R到一地死皮勁核突

我係由細細個就已經有濕疹，以前一直有睇開兒科，keep著有用類固醇搽有濕疹嘅地方，跟著到18歲就冇得睇兒科就冇再睇醫生，但都有keep著痕就搽類固醇。

直至上年暑假，一完sem就唔知點解突然爆得好勁，成身咁爆，手手腳腳屁股仲有個身同塊面，仲連個波都有啲咁，個時個人紅到唔想出街，連睇醫生都唔想去，唔想見人唔想俾人見到咁。仲有個身同面不停咁甩皮，一起身就見到張床勁多我嘅皮，換完床單第二日都係咁。塊面又係甩皮，搽乜膏都會勁快乾同甩皮。中間我睇過幾次中醫，都係冇乜用。最慘係黎m個陣，屁股有濕疹又要俾塊m巾噏住，搞到pat pat又痕又紅，之後有一日起身發現自己屁股流血水，痕到乜咁，我喊著同我呀媽講好辛苦，然後我呀媽帶咗我去睇急症，睇急症醫生見我勁痕就同我打咗止痕針仲俾咗幾日口服類固醇同搽嘅類固醇，口服係真係止到，但係一停咗就會反彈，跟住又係好痕好紅同甩皮嘅日子。

之後我再去診所睇過一次門診，醫生叫我將所有濕疹地方搽哂類固醇，當然係要按強度搽，即係塊面呀個波仲有摺位個啲地方就搽強度細啲，其他如手手腳腳同個身就搽強啲，同埋要搽兩個禮拜。係好攰但係為咗快啲好返，我每日沖完涼出黎，就先同全身搽油，等個身唔好咁乾，搽完要等啲油乾少少再搽類固醇，搽哂所有野我已經用咗一個鐘時間，好攰但係要堅持。仲有就係要keep著搽，我搽咗全身類固醇差唔多一個禮拜已經有啲好，個人冇咁紅同埋啲濕疹少咗啲，跟著我繼續搽，係睇落好咗都要繼續搽，之後先停。

但係之後我去咗泰國旅行，期間竟然又發返啲出黎，仲有塊面同腳又開始好勁咁甩皮。我返到香港就又開始好努力搽油搽類固醇，搽下搽下到咗差唔多9月開學我就好咗，手手腳腳個身同塊面個啲濕疹冇哂，我就停咗搽全身類固醇，繼續搽油同面，因為塊面唔搽野就好乾。中間再出現過濕疹都係搽哂類固醇到所有出現嘅地方，係攰但係對我好有用。

個人黎講我覺得中醫定西醫好係睇人。仲有要堅持搽野，我以前係覺得枝類固醇要我慢慢唧再用手指搽哂落去所有地方好難，如果可以好似漿糊筆咁俾我搽就好，最後都係用手指搽哂所有濕疹佢，過程好攰仲要堅持好多日，就當俾自己個目標咁搽。對我黎講仲有一點就係跟醫生指引，佢都係叫我搽類固醇，不過唔好好返就唔搽，一好返就唔搽好容易彈返出黎，要keep著搽，好返之後搽多一個禮拜到咁樣。

唔好意思好似講咁太多咁，我上年都喺連登見到有個濕疹post，教人搽乜同唔好搽乜咁樣，同埋佢嘅經歷，俾咗好多鼓勵我。希望我嘅經歷對你有幫助，加油！

類固醇都唔ok?

好想照顧你

你都加油啊
我都係搽左2日咋
用西藥好快見效 止痕又冇咁紅
下星期再覆診 再update喇
希望唔好反彈

你有無用類固醇個啲？

Jump還jump，死係你嘅權利
但唔該唔好跳軌阻住全世界，跳樓之前望一望有無人行

加油呀我都有濕疹，知道好辛苦，但都唔好認輸呀

其實濕疹會點

濕疹戒口係咪要完全戒

好似戒蝦，係咪好耐食一次都唔得？

聽講有D人會有袋底濕疹... 好似仲慘

樓主試下中醫啦 keep住食藥 係難飲啲但真係有用
最好揾啲有人試過嘅中醫
我做緊中醫診所有對姐弟都係嚴重濕疹 全身都係嗰隻 由一開始裂開曬 好痕 變到而家正常返冇裂開流血咁嚴重 同埋肉眼見到冇咁多皮屑

我老闆話濕疹應該畀皮膚透氣 唔好搽太多嘢
真係太乾嘅時候搽返啲清爽啲嘅保濕cream physiogel 都唔錯 唔會好笠
藍色系列for保濕 紅色系列抗炎修護 不過紅色搽完會乸我之前都有類似濕疹嘅症狀 不過係非常輕微 會突然間發出嚟 一係面一係手背 都係搽呢隻同埋類固醇唔好搽咁多

如果你有興趣想知邊間中醫診所 可以search下西營盤某新開冇耐嘅診所 個醫師全名有個家字 費事畀人話賣廣告 所以唔畀名了

攬下你，加油呀！

去西藏三個月就得架啦
包冇晒濕疹

咁我就好open咁講
用nu skin 會令你改善唔少/甚至好返
利申:太太係過來人

我自己有輕微濕疹 轉天氣會出少少 主要都係以前曾經發濕疹既位置度出 樓主平時有無戒甜野？無既就試下戒甜野啦

我覺得戒糖真係幾work
我另外有少食gluten都會痕少左

加油呀絲打
大家明大家
你要好好珍惜你男友

冇啊

冇用㗎 一唔搽發得仲勁