濕疹令到我好攰好冇動力好厭世

咁就好啦 恭喜絲打！
已經冇食好多年嗚嗚

我明！琴晚我都係

你情況點樣呀

多謝你！

ys!! 真心好同意！有時我成日都覺得啲人自私啲反而會好啲 因為唔受外界嘅影響 唉

我都係 壓力一大就會嚴重 真係危險因素嚟

cetaphil有paraben 用CeraVe好啲

你去邊間驗 驗左幾錢
抽血/篤手指？
同埋驗完幾耐有result

4年幾濕疹，呢個月又發到豬頭咁
唉幾時會完呢個game呀....

春天潮濕 又有雨 唉 我都好反覆

大家有冇啲咩做可以令到自己有動力啲

好長篇，慎重考慮睇唔睇，女朋友既留言：
我讀書個陣有皮膚過敏
一轉天氣就會面紅一撻撻同痕但唔嚴重，天氣穩定又無野
所以無特別去睇醫生，只係會做返保濕
一直到出去做野都無事，係身體差d成日病
直到轉左新工，後期工作壓力大2016年爆發左一次嚴重過敏（全臉發紅發熱微腫）
之後第一時間睇中醫，食藥已經退左紅，但因為貪靚，以前係會化妝既，所以就唔睇中醫去左睇皮膚科，持續食藥加搽藥（類固醇）唔記得兩個月定三個月，仲用埋診所介紹既洗面卸妝保濕，好快就好返，但之後隔左一個月開始持續每月都復發，搞到個人勁唔開心，除左皮膚科，我仲有睇普通科，有驗過血check係咪紅班狼瘡症（最後唔係）

後期轉睇中醫，印象中係2017年8月開始睇
之後就開始左戒口人生，基本上每日只係食瓜菜魚豬肉飯
其他一律唔食，我戒口戒到好盡，但個人係好唔開心，因為本身好中意食野，試過有次忍唔住攬住我男友係度喊，覺得自己好似睇醫生睇到無盡頭咁，灰到想死，keep住睇左9個月，期間皮膚都算穩定，但個人皮膚黃左勁多，點知！！！！以為好返，停藥，就又發過！！！！完全係崩潰，我明明已經戒口，做運動，咩都無搽面，除左保濕，個種心情令我不斷問自己 我到底做錯左d咩？點解一次又一次咁樣，好絕望

直到上年5月，突然間爆到好嚴重，兩邊臉頰出白色濃頭一穿就流組織液有傷口自己爆，嚇死我，去左睇黃錫x，好返無事，但之後開始個d復發變左同一情況，每次都好恐怖，期間個身都有出過尋蔴疹，試過兩隻手出粒粒（紅色凸起既，都唔細粒...）我以為自己絕症咁濟...後來塊面睇西醫好返，但兩隻手無好過，唯有去睇返中醫，到隻手好返，塊面又起過，睇西醫真係無底深淵，話會好返真係因人而異，睇左好耐都唔work，
之後我上網無意睇左肌斷食同肌戒毒，我自己諗我咩都做齊，係有keep住搽野落面，把心一橫連野都唔搽，由佢自己爆，屋企人唔明我睇醫生睇到有幾疲倦，幾灰心，仲要係我自己錢睇，個個月好似燒錢咁，仲要係度鬧我話我唔睇醫生，之後塊面又爛又腫哂，屋企人唔明白我有幾痛苦，會好返我一定去睇，而個問題就係睇唔好！不過個次腫到連我自己都唔認得自己，所以又去左睇黃錫x。

同事見我咁，叫我試下食supplement，千零蚊食三個月好過每個月睇幾千醫生，所以就試，點知都係爆（食足三個月），但由於我經歷過好幾次爛情況，個人有心理準備，我開展左唔睇醫生 唔戒口 唔食supplement，請假留係屋企休息兩星期，我由兩邊臉頰開始爆，到圍住個嘴，額頭，全臉包括眼，背脊，全臉爛所以傷口乾到我開唔到口，所以我搽食用olive oil，食野好辛苦但我係瞓到（坐係度瞓），但後期開始埋口先瞓唔到因為痕到pk，我係無瞓過，因為會r，試過r到痛，甩左焦又重新黎過，慢慢塊面流組織液減少同背好返好多，但面都係紅色同有腫有傷口（堅係紅色）到頸同手臂又有，呢個情況我係有返工，因為無假，香港生活真係壓力大～當時我日日都抬唔起頭做人，但我無帶口罩，因為焗好辛苦，之後塊面情況愈來愈好，我諗過左4個月左右塊面完全白淨返，再到手個撻發到勁大，我去左睇中醫，呢個過程我撐左好耐，不過上月我手好返又到塊面...唔係好嚴重（對比全臉爛），但情況又一樣 白色濃頭 出水 傷口 紅，一樣好嘔心但我個人無之前咁灰心，雖然都好灰
跟住我搽左中醫比既藥膏，一星期左右停左出水，再去睇中醫，食藥，基本上都無咩問題，我就飛左去旅行玩，我塊面完全無事，咩都唔搽都唔乾，個人開心真係好影響
我依家睇緊呢個中醫係會試藥，亦無叫我全戒口（只係好似你感冒咁戒口，所以我食返好多野不過都偏向健康，9成都係食食物 唔食食品），呢個醫師唔buy西醫個套，覺得check致敏源曬氣（我無check過），因為個問題係人本身，個人好就無問題

皮膚科 西醫 中醫 運動 食supplement 戒口，我咩都做齊，但始終要發，阻止唔到唯有接受，好多人成日提住“濕疹”，但我後期無再“認同”自己係“濕疹”，曾經傷心絕望想死無人明既心情，我好了解好明白19歲既你，一個原本應該開開心心既青春，但用另一個角度諗，你未需要返工，應該把握機會休息，做d自己中意做既野，食自己想食既野（唔食都咁，不如食左先算，當然你要睇返自己情況），唔好照鏡（我爛面個時除左用油個時照同刷牙照，其餘時間都無見過自己），心態唔變，病都唔會好，一世都唔會好

無人天生係濕疹，所有野有果必有因，我睇緊既中醫話小朋友出世就濕疹一定關呀媽事，因為咁d人就直接當左濕疹係遺傳，其實係錯既，認唔認同大家有自己諗法啦，不過我自己經歷過，知道身邊有比我更慘既人，亦會覺得起碼我仲有錢睇醫生，有屋企返，有得去玩，有手有腳，爛面只係你人生中佔好少部份既經歷，其他人唔明唔緊要，亦唔需要，最緊要係自己要係呢個過程學習更多野，加油

係香港睇醫生真係治標唔治本 一轉天氣就收皮

依家就經歷緊 後日又熱翻 然後過幾日又落雨

加油呀，我都有啲，唯有自己注意下飲食

我媽媽仲有牛皮癬，我有30%機會會遺傳到，所以本身食野會好小心

其實濕疹真係好多野唔食得 有麩質又唔得 牛同海鮮又唔得 酸辣甜又係唔多掂
基本上係香港出街食飯一定gg
btw樓主可以試下斷食療法 淨係食生果同菜加飲水 兩日有效果但係生活會冇乜樂趣

絲打你好堅強，好有心打咁大段！
可唔可以問下你係睇邊個中醫？
祝絲打愈來愈好！ 加油！

我都睇過陳烈
又係發咗出黎

唔好亂信大陸嘅不明藥膏，聲稱幾日好返個d通常毒到pk。
另外市面上都有好多產品聲稱幫到濕疹，但其實幾多化學物質，要小心選擇，好多仆街sale野，連濕疹都唔知係咩

同埋某d中醫師都係用類固醇醫正pk

要小心！

我之前睇醫生開類固醇藥膏 開頭搽的確好咗 但之後變到開始無用 轉搽其他無類嘅藥膏好得重多

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站www.help4suicide.com.hk。 那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：上午六時至凌晨一時；星期六、日及公眾假期：下午８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！

便便去唔到毒素累積響身體入面，所以排便好重要。

過來人幾個經驗分享
1.未恢復免疫力之前最好戒牛鴨鵝蝦蟹貝類，同埋由此至終都要戒加工食品同小麥製品
2.最好食啲益生菌同魚油丸，幫助腸道蠕動同消炎
3.痕嗰陣搽啲無比滴，係就係會乸，不過止到痕
4.真係有傷囗同出水嗰陣就搽類固醇㩒住先
5.兩三日就好換床單一次
6.唔好比太大壓力自己，盡過力就問心無愧
P.S有冇人知點去清嗰啲摺痕同蛇皮