iPhone6s 時代算唔算蘋果最輝煌嘅時代？

跟蹤大波妹(退休) · 2019-03-21T01:59:06+08:00

手機方面，15年推出嘅iPhone6s功能包括3D touch、touch id、3.5mm headphone jack、領先業界嘅A9 chip，而且經歷完2013年嗰陣中國炒「土豪金」之稱嘅金色iPhone5s炒到成皮野，Apple呢間公司變到好觸目，而後來又出埋iPhoneSE，三千幾蚊嘅價錢，iPhone6s嘅core，通吃埋中低階市場。嗰段日子應該係最多人轉會過Apple 而同年4月（2015年），Apple又推出咗Apple Watch，當時啲人等咗隻錶好耐，所以隻錶出嗰陣媒體都大肆報導。 2015年Apple仲推出咗新嘅12吋Macbook，重量大約970克，足足輕過macbook air 300克，雖然spec唔算勁，但好啱畀啲文青拎住坐喺Starbucks扮下野，更加唔使講呢個係大學入場券。平板方面，2015年尾ipad pro推出，窄邊框，支援apple pencil，加上有ios加持，進一步增加Apple喺平板電腦市場嘅實力。但最近Apple變得不思進取，而且產品定位亦越嚟越奇怪，先唔提部貴到仆街設計又冇大廠風範嘅iPhoneXs max，佢先出部spec同價格都同12吋macbook勁似嘅macbook air（但依然重macbook 300g），而家又更新得8吋但又支援第一代Apple Pencil嘅ipad mini，最過份嘅係，眾多果粉期待嘅Airpods2，居然除咗電池用耐啲同個充電盒可以無線之外，冇任何改進（仲要貴咗）不嬲都話Airpods漏音，咁大嘅問題可以一啲改進都冇？我由4s時代開始，每逢Apple發佈會，就寧願第二日恰住眼瞓，都要睇下Apple有咩新產品，嗰陣時係真係覺得Apple有種魔力，有總好想要佢嘅產品嘅衝動（嗰陣讀緊中學，係戇鳩啲），但而家Apple嘅所作所為真係令人髮指我作為多年Apple忠實打手，都呼籲咁多位，唔好包疪Apple，如果Apple跟住落嚟再出垃圾，就堅決唔好買，要畀啲顏色Gay Cook睇下，而家嘅Apple已經畀唔到以前嗰種信念我哋，唔好再盲目幫趁