(中伏啦) on9遊雲南

個老闆咁好人ge好正呀
好鐘意旅行同人傾心事個種感覺

你一個人去?

一定要上 好玩過玉龍

主要係少人好多同平好多

間屋係咁有聲
你睇下後面

第三個點係佢地一條已經有上千年文化嘅村。
入邊真係好原始，啲屋睇落去好似用泥做的。
究竟點解入邊可以咁暖，明明出面係冰天雪地



當然而家係有電的。

成個地方係好有宗教嘅氣色，係有種好莊重嘅氣氛，令我有種敬畏嘅心，唔知係咪海拔高嘅原因，係個到有種同佢地神好接近嘅感覺。

可能我傻咗，但呢個感覺只係香格里拉出現過。








最後去咗佢地供養佢地神明嘅地方。


係雪山下，我覺得好特別，坐車去個陣影

之後向後望，係一個大景

個陣真係賽跑咁跑返去酒店
因為氣氛真係好怪，係成個人好寒。

五年前去過一次麗江
古鎮好商業化
里面好多酒吧 聽人講係同一個法國老闆開
鋪頭賣好多淘寶野
腊排骨鍋同牛鍋 好平好好食
蔬菜望落特別綠 芒果好甜
呢d 係我仲有既印像

感激，咁應該會上一上去
想問下半日夠唔夠?
想朝早獨克宗古城9點出發
2點前返去搭車落麗江，趕唔趕得切?

一個上晝囉

好想知樓主用咩相機影
d 相好靚

等更新

sorry 呀
呢幾日唔得閒
今晚完咗佢

留名

坐完巴士一日，終於返到酒店了。

夜晚原來係食佢地當地嘅特色美食，去佢地嘅舍下作客。睇佢地表現。


導遊描述得好豐富架明明。


當地人真係好熱情，唱歌跳舞都好有當地特色嘅，都唔算伏。

唱咗差唔多一個鐘，就完咗，之後佢地圍住煹火係到唱歌。




因為無點食野，所以無去跳，去咗買野食。

本身想周圍行下田，但係係無野行嘅，因為間酒店係山谷入邊。




鬼其搵啲野影，就返房了
間酒店真係伏伏地

4k配牛龜

想去沖涼發現個水扭唔到，開門出去搵人個陣發現成層房都開晒門，原來唔少人間房都有問題。

最後整好，但沖涼個陣啲水又唔夠熱，好彩個陣無感冒

最後一日，去咗全球最大嘅轉輪同埋虎跳峽。

起身個陣已經差唔多過咗早餐時間，成車人等我地。

去到轉輪個到，話就話一團，其實都係自己各有各行。

右邊嗰個最係全球最大嘅，
我唔知叫咩要十幾個人一齊轉先得。

入到去我自己一個行，無跟大隊，點知佢地真係一堆人去轉咗


真係幾大


我行行下好似行咗去無咩遊客嘅地方，不過咁仲好，自己去睇，去感受下。

當地人好虔誠，一早就黎圍住呢個地方行。聽講當地規距係左入，右出。




個陣我見到每個當地人，都忍唔住諗佢地嘅故事會係點。

一個人行嘅拐杖婆婆

一早就同個孫出黎嘅爺爺

無生意呀唉


行咗陣就走了，去虎跳峽。但其實個陣去季節唔太啱，無野睇。

去到要自己行樓梯落谷底，行山咁


去到都有啲失望，因為幾普通。

見唔見到上面嘅雪山，原來係玉龍雪山



呢舊石係比老虎跳過河嘅，叫虎跳石。好似係命名嘅由來。

唔係雨季水流都幾急

腳架係車到。


黎睇舊石

行多陣有條橋，比人掛願望上去。



最後行返上山，搭巴士返麗江了。

上虎跳垃圾來，專比大媽團去，當然失望
中虎跳

應該話 多啲肌肉嘅人易高反
因為肌肉需要多啲氧氣
好似係

有無相

巴打認為去雲南 影既景洗唔洗帶好wide既鏡？

本身都有衝動遊中國，見到呢個post。
我決定4月都去番轉

去個到如果唔住背包十年呢間，仲有邊間青年旅舍好推薦？

返到麗江，只係晏晝，但因為無book酒店，所以一開始個gip唔知放邊好。好彩團入邊唯一識到嘅廣州夫婦超好人，話可以放係佢地酒店先。個陣佢地仲比埋的士錢，什至話如果驚唔見野可以放野入佢地房。
旅行識到好人真係超開心。

之後我就去咗揼骨，因為實在太攰，要好好對下自己。


最後一餐食好啲


多謝廣州夫婦呀

完咗啦，覺得自己好叻


返去了

回程買咗軟卧，舒服好多。同房嘅又係識講廣東話嘅，係一對結咗幾年婚嘅夫婦，佢地係黎旅行再加自己再影過婚紗相，我睇咗啲相，真係好正。
雲南嘅景，去影婚紗相，真係不得了




成個旅程淨計景點十分滿分我會比七分，如果計埋人我會比九分。

完全體會到旅行最重要嘅唔係地方，而係人。


我覺得自己好好彩，雖然有中伏，但都係小伏。而路上遇到嘅人好多都好好人，特別係遇到好多講廣東話嘅人，一路行一路傾，真係好開心。有咩問題又會幫我。

雲南呢個地方我覺得點都要去一次，佢同大家想像中嘅中國大陸係有明顯分别。希望唔好咁快被污染啦。

最後多謝大家睇，第一次寫都有人睇，我好開心可能寫咗太多嘅感受，對想去嘅人幫助唔大。

完

終於追完 睇完樓主分享好想即刻去

btw 感謝樓主分享